قواعد سے ہٹ کر بھرتیوں کا کیس: چیئرمین پی اے آر سی ڈاکٹر غلام محمد علی کی درخواست ضمانت خارج
اشاعت کی تاریخ: 1st, August 2025 GMT
اسلام آباد( صغیر چوہدری )صدر مملکت سے تین قبل زرعی شعبے میں نمایاں اور اعلی کارکردگی کی بنا پر تمغہ امتیاز سے نوازے جانے والے سائنسدان کی درخواست ضمانت خارج کردی گئی ۔چئیرمین پاکستان ایگریکلچرل ریسرچ کونسل(پی اے آر سی) ڈاکٹر غلام محمد علی کو قواعد و ضوابط سے ہٹ کر بھرتیاں کرنے کے الزام میں ایف آئی اے نے مقدمہ درج کرکے گرفتار کیا تھا۔ چئیرمین پی اے آر سی نے اسلام آباد ہائی کورٹ میں بعد ازگرفتاری ضمانت کے لئے درخواست دائر کی تھی اسلام آباد ہائی کورٹ کے ٹرانسفر ہوکر آنے والے جسٹس محمد آصف نے درخواست ضمانت پر دلائل مکمل ہونے پر 29 جولائی کو فیصلہ محفوظ کیا تھا۔آج 4 روز بعد فیصلہ سناتے ہوئے عدالت نے درخواست ضمانت خارج کردی جبکہ انکے ساتھ گرفتار ڈائریکٹر اسٹیبلشمنٹ محمد اخلاق ملک کی درخواست ضمانت بھی مسترد کردی گئی
ڈاکٹر غلام محمد علی اور دیگر کے خلاف پی اے آر سی میں قواعدوضوابط کے خلاف بھرتیوں کا الزام ہے۔ واضح رہے کہ یہ تمام بھرتیاں اس وقت ہوئیں جبکہ طارق بشیر چیمہ وزارت فوڈ سیکیورٹی کے وزیر تھے اور انکے حلقے سے 100 سے زائد لوگوں کو مختلف عہدوں پر بھرتی کیا گیا جس میں افسر اور سٹاف شامل ہے۔ چیئرمین پی اے آر سی اور دیگر کے خلاف ایف آئی اے نے پبلک اکاونٹس کمیٹی کی سفارش پر انکوائری کے بعد مقدمہ درج کیا تھا ۔ اس سے قابل ۔ سپیشل جج سنٹرل بھی چئیرمین پی اے آر سی کی درخواست ضمانت کی درخواستیں مسترد کر چکے ہیں۔ چئیرمین پی اے آر،سی کو گزشتہ سال زراعت کے شعبے میں جدت لانے اور گراں قدر خدمات پر سب سے اعلی صدارتی ایوارڈ سے نوازا گیا ۔ وہ اوورسیز پاکستانی ہیں اور کینڈا سے واپس پاکستان آئے تھے ڈاکٹر غلام محمد علی نے نگاب کے نام سے این اے آر سی میں ایک ریسرچ انسٹیٹیوٹ بھی قائم کیا ۔وہ ڈی جی این اے آر سی بھی خدمات سرانجام دے چکے ہیں
ذریعہ
ذریعہ: Daily Mumtaz
کلیدی لفظ: ڈاکٹر غلام محمد علی کی درخواست ضمانت پی اے آر سی
پڑھیں:
اسلام آباد: کفایت شعاری مہم کے تحت نئے کاروباری اوقات کار سامنے آ گئے
—فائل فوٹووفاقی حکومت نے کفایت شعاری مہم کے تحت نئے کاروباری اوقاتِ کار جاری کر دیے، کیبنٹ ڈویژن نے نوٹیفکیشن بھی جاری کر دیا۔
نوٹیفکیشن کے مطابق اسلام آباد میں دکانیں، مارکیٹیں، شاپنگ مالز اور کریانہ اسٹورز رات 9 بجے تک کھلے رہیں گے جبکہ شادی ہالز، مارکیز اور تمام کمرشل سرگرمیاں رات 10 بجے تک کی جا سکتی ہیں۔
نائب وزیراعظم و وزیر خارجہ اسحاق ڈارکی زیرصدارت کفایت شعاری اقدامات کی نگرانی و عملدرآمد کمیٹی کا اجلاس ہوا۔
اس کے علاوہ ریسٹورنٹ، کیفے، کیٹرنگ، ہوٹل اور سبزی اور فروٹس کی دکانیں رات 11 تک کھلی رہیں گی جبکہ ٹیک اویز اور ہوم ڈیلیوی ان اوقات کار سے مستثنیٰ ہیں۔
نوٹیفکیشن میں اسپتال، کلینک، میڈیکل اسٹورز، بیکریز، تندور اور دودھ دہی کی دکانیں کو مستثنیٰ قرار دیا گیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ