5 اگست کو پُرامن احتجاج کریں گے، اسلام آباد آنے کا کوئی پروگرام نہیں، اسد قیصر
اشاعت کی تاریخ: 3rd, August 2025 GMT
پاکستان تحریک انصاف (پی ٹی آئی) کے سینیئر رہنما اور سابق اسپیکر قومی اسمبلی اسد قیصر نے کہا ہے کہ تحریک انصاف 5 اگست کو پورے ملک میں پُرامن احتجاج کرے گی، تاہم اسلام آباد آنے کا کوئی پروگرام نہیں ہے۔ یہ احتجاج آئین کی بالادستی، عدلیہ اور پارلیمنٹ کی آزادی اور انتقامی کارروائیوں کے خلاف ہوگا۔
نجی ٹی وی کو انٹرویو دیتے ہوئے اسد قیصر نے واضح کیاکہ چیئرمین پی ٹی آئی عمران خان پہلے ہی کہہ چکے ہیں کہ وہ کسی سے ذاتی انتقام نہیں لیں گے، اور وہ ملک میں اداروں کو اپنے اپنے دائرہ کار میں دیکھنا چاہتے ہیں۔
انہوں نے کہا کہ مسلم لیگ (ن) عملاً عوام میں ختم ہو چکی ہے اور دھڑے بندی صرف ایک جماعت میں نہیں بلکہ ہر پارٹی میں ہوتی ہے۔
اسد قیصر نے تصدیق کی کہ عمران خان کے بیٹے پاکستان آ رہے ہیں اور وہ اپنے والد سے ملاقات کریں گے۔ بیٹوں سے ملاقات کے بعد عمران خان جو فیصلہ کریں گے اس پر عمل ہوگا۔
ایک سوال کے جواب میں انہوں نے کہاکہ مشعال یوسف زئی کو پارٹی ٹکٹ عمران خان کی منظوری سے دیا گیا ہے۔ جن لوگوں کے پاس اختیار اور طاقت ہے انہی سے بات چیت ہو سکتی ہے۔
اسد قیصر نے کہاکہ ہم یہ چاہتے ہیں کہ کسی کے خلاف انتقامی کارروائی نہ ہو۔ ماضی میں رانا ثنااللہ کے خلاف بنائے گئے مقدمات پر خود عمران خان نے کابینہ میں ناراضی کا اظہار کیا تھا کیوں کہ یہ کیس غلط بنیادوں پر بنایا گیا تھا۔
اسد قیصر کا کہنا تھا کہ پی ٹی آئی کے دور حکومت میں نہ تو ڈرون حملے ہوئے، نہ ہی ملک میں امن و امان کا مسئلہ درپیش تھا، بلکہ افغانستان کے ساتھ تجارتی کوریڈورز کھولے گئے اور معاشی تعلقات بہتر کیے گئے۔
انہوں نے کہا کہ ہم نے عدلیہ کی آزادی اور جوڈیشل کمیشن کے قیام کا مطالبہ کیا، اور یہ چاہتے ہیں کہ ملک میں تمام ادارے آئینی حدود کے اندر رہ کر کام کریں۔
سابق اسپیکر کا کہنا تھا کہ عمران خان کے خلاف قائم تمام مقدمات میں انہیں قانونی طور پر ضمانت ملنی چاہیے۔ ہم فوج کو ایک مضبوط ادارہ دیکھنا چاہتے ہیں، اور کبھی نہیں چاہتے کہ یہ ادارہ کمزور ہو۔
انہوں نے کہا کہ 5 اگست سے پورے ملک میں احتجاجی پروگرام ہوں گے، لیکن ان کا مقصد صرف آئینی جدوجہد ہے، کسی قسم کی کشیدگی یا محاذ آرائی ہمارا مقصد نہیں۔
ایک سوال کے جواب میں ان کا کہنا تھا کہ عرفان صدیقی کی گرفتاری کا اس وقت کے وزیراعظم عمران خان کو علم نہیں تھا، جب گرفتاری ہوئی تو میں نے خود وزیراعظم کو فون پر مطلع کیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئینی دائرہ کار اسد قیصر انتقامی کارروائیاں سابق اسپیکر قومی اسمبلی عمران خان رہائی مشعال یوف زئی وی نیوز.ذریعہ: WE News
کلیدی لفظ: ا ئینی دائرہ کار انتقامی کارروائیاں سابق اسپیکر قومی اسمبلی عمران خان رہائی وی نیوز انہوں نے کہا چاہتے ہیں ملک میں کے خلاف
پڑھیں:
اسلام آباد میں ریسٹورنٹس اور فوڈ پوائنٹس کیلیے نئے ایس او پیز جاری
اسلام آباد میں ریسٹورنٹس اور فوڈ پوائنٹس کیلیے نئے ایس او پیز جاری WhatsAppFacebookTwitter 0 1 November, 2025 سب نیوز
اسلام آباد (آئی پی ایس )وفاقی دارالحکومت میں ریسٹورنٹس اور فوڈ پوائنٹس کے لیے نئے قواعد و ضوابط جاری کردیے گئے ہیں۔فوڈ اتھارٹی کی جانب سے جاری ایس او پیز کے مطابق ریسٹورنٹس کے شیف اور ویٹرز کے لیے کیپ کا استعمال لازمی قرار دیا گیا ہے جبکہ فوڈ سے ڈیل کرنے والے تمام عملے کے لیے سیفٹی کیپ استعمال کرنا لازمی ہوگا۔
ایس او پیز کے مطابق کیپ کا استعمال حفظان صحت کے اصولوں کو مدنظر رکھتے ہوئے لازمی قرار دیا گیا، خلاف ورزی کی صورت میں فوڈ پوائنٹ/ریسٹورنٹ فی الفور سیل ہوگا۔فوڈ اتھارٹی نے شہریوں سے اپیل کی ہے کہ وہ ان ریسٹورنٹس کی نشاندہی کریں جہاں پر عملہ بغیر کیپ کے کام کررہا ہے۔
ڈاریکٹر فوڈ اتھارٹی نے ایس او پیز جاری کرتے ہوئے ٹیموں کو مختلف ایریاز میں انسپکشنز کی ہدایت بھی جاری کردی۔انہوں نے کہا کہ فوڈ اتھارٹی ٹیمز ایس او پیز پر عمل درآمد کے لیے مختلف فوڈ پوائنٹس/ریسٹورنٹس کی سرپرائز انسپکشن کریں، شہری خلاف ورزی کرنے والے ریسٹورنٹس کے خلاف کاروائیوں میں ہمارا ساتھ دیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبراسلام آباد بار کونسل انتخابات،نتائج سامنے آ گئے،حامد خان گروپ صرف ایک سیٹ پر کامیاب اسلام آباد بار کونسل انتخابات،نتائج سامنے آ گئے،حامد خان گروپ صرف ایک سیٹ پر کامیاب سابق وزیراعلی سندھ آفتاب شعبان میرانی انتقال کرگئے،صدر مملکت کا اظہار تعزیت غزہ میں عالمی فورس کیلئے اقوام متحدہ کا مینڈیٹ ضروری ہے، اردن اور جرمنی کا موقف سپریم کورٹ آف پاکستان کے آئندہ عدالتی ہفتے کے بینچز تشکیل بیرون ممالک کا ایجنڈا ہمارے خلاف کام کررہا ہے: مولانا فضل الرحمان پی ٹی آئی کی سابق قیادت کا حکومتی وزرا اور فضل الرحمان سے ملاقاتوں کا فیصلہCopyright © 2025, All Rights Reserved
رابطہ کریں ہماری ٹیم
الیکشن کمیشن کےپاس اختیار نہیں کہ چیئرمین سینیٹ کے ریفرنس کےبغیر کسی رکن کو نااہل کرے، بیرسٹر گوہر