کشمیر: بھارتی فوجی افسر کا ایئر لائن کے عملے پر حملہ
اشاعت کی تاریخ: 4th, August 2025 GMT
اسلام آباد (اُردو پوائنٹ ۔ DW اردو۔ 04 اگست 2025ء) بھارت کے زیر انتظام کشمیر میں پولیس کا کہنا ہے کہ ایک سینیئر فوجی افسر کے خلاف سری نگر ہوائی اڈے پر اسپائس جیٹ ایئر لائن کے چار ملازمین کو بورڈنگ کے دوران اضافی سامان کے چارجز کی ادائیگی پر اختلاف کے بعد مبینہ طور پر حملہ کرنے کے الزام میں ایک مقدمہ درج کیا ہے۔
تاہم پولیس نے فوجی افسر کی جوابی شکایت کے تحت ایئر لائن کے عملے کے خلاف بھی ایف آئی آر درج کی ہے۔
واقعہ کیا ہے؟یہ واقعہ سری نگر ہوائی اڈے کے بورڈنگ گیٹ نمبر دو پر اسپائس جیٹ کی دہلی کے لیے ایک پرواز کی روانگی سے چند منٹ قبل پیش آیا۔ جھگڑا اس وقت شروع ہوا جب ایئرلائن کے عملے نے آرمی افسر سے اپنے اضافی سامان کی ادائیگی کے لیے کہا۔
(جاری ہے)
فوجی افسر 16 کلو کیبن کا سامان لے کر جا رہے تھے، جبکہ اجازت صرف سات کلوگرام کی ہے۔
ان سے اضافی چارجز ادا کرنے کو کہا گیا، جس سے انہوں نے انکار کر دیا اور سکیورٹی پروٹوکول کی خلاف ورزی کرتے ہوئے بورڈنگ مکمل کیے بغیر زبردستی ایرو برج میں داخل ہو ئے۔ایئر لائن کا کہنا ہے کہ ایک سکیورٹی اہلکار انہیں واپس لایا اور پھر وہ گیٹ پر جارحانہ ہو گئے، اور اسپائس جیٹ کے عملے کے چار ارکان پر حملہ کر دیا۔
سری نگر کے ایئر پورٹ پر ہونے والا یہ واقعہ سی سی ٹی وی فوٹیج میں قید ہو گیا، جس میں مذکورہ بھارتی فوجی افسر کو ایئر لائن کے ملازمین پر تشدد کرتے ہوئے دیکھا جا سکتا ہے۔
یہ ویڈیو گزشتہ روز سے ہی انٹرنیٹ پر وائرل ہو چکا ہے۔ 'قاتلانہ حملہ'ایئرلائن نے اپنے ایک بیان میں کہا کہ فوجی افسر نے، "ہمارے عملے کے ارکان پر گھونسوں، بار بار لاتوں سے شدید حملہ کیا، اور قطار بنانے کے لیے جو اسٹینڈ استعمال ہوتا ہے، اسے مارنے کے لیے بطور ہتھیار استعمال کیا۔"
اس میں مزید کہا گیا کہ ایک ملازم بے ہوش ہو کر گر گیا، تاہم اسے مسلسل لات ماری گئی۔
"ایک اور ملازم نے اپنے ساتھی کی مدد کرنے کی کوشش کی، جس پر اتنے زور سے مار لگی کہ جبڑا فریکچر ہونے کے ساتھ ہی چہرے پر شدید چوٹیں آئیں۔"ایئر لائن کا کہنا ہے کہ اس کے زمینی عملے پر ہونے والے پرتشدد حملے میں ایک ملزم کی ریڑھ کی ہڈی میں فریکچر ہوا ہے، جبکہ دوسرے کے جبڑے اور چہرے پر چوٹیں آئیں۔ انہوں نے بتایا کہ طبی ٹیموں نے فوری طور پر زخمیوں کی دیکھ بھال کی اور انہیں خصوصی علاج کے لیے ہسپتال منتقل کیا۔
فوج کی تعاون کی یقین دہانیاسپائس جیٹ نے شہری ہوا بازی کی وزارت کو خط لکھا ہے، جس میں "قاتلانہ حملے" پر کارروائی کا مطالبہ کیا گیا ہے۔ ایئرلائن کے بیان میں کہا گیا، "ہم اپنے ملازمین کے خلاف تشدد کے کسی بھی عمل کی سختی سے مذمت کرتے ہیں اور اس معاملے کو مکمل قانونی اور ضابطہ کار انجام تک پہنچائیں گے۔"
ایئر لائن نے اصولوں کے مطابق مذکورہ شخص کو نو فلائی لسٹ میں رکھنے کا عمل بھی شروع کر دیا ہے۔
ادھر بھارتی فوج نے اتوار کی شام کو جاری کردہ اپنے ایک بیان میں اس واقعہ کا نوٹس لیا اور کہا، "26 جولائی کو سری نگر کے ہوائی اڈے پر ایک آرمی اہلکار اور ایئر لائن کے عملے کے درمیان مبینہ جھگڑے کا معاملہ بھارتی فوج کی نوٹس میں آیا ہے۔ بھارتی فوج نظم و ضبط اور طرز عمل کے اعلیٰ ترین معیارات کو برقرار رکھنے کے لئے پرعزم ہے اور تمام الزامات کو سنجیدگی سے لیتی ہے۔
"فوج نے اپنے بیان میں مزید کہا کہ وہ "مقدمہ کی تحقیقات میں حکام کے ساتھ مکمل تعاون" کرے گی۔
اسپائس جیٹ نے شہری ہوا بازی کی وزارت کو خط لکھ کر اپنے عملے پر ہونے والے "قاتلانہ حملے" سے آگاہ کیا ہے اور مسافر کے خلاف مناسب کارروائی کی درخواست کی ہے۔ ایئرلائن نے واقعے کی سی سی ٹی وی فوٹیج ایئرپورٹ حکام سے حاصل کر کے پولیس کے حوالے کر دیا ہے۔
ایئر لائن کا کہنا ہے کہ "جب اضافی سامان کے بارے میں مسافر کو شائستگی سے مطلع کیا گیا اور چارجز ادا کرنے کے لیے کہا گیا، تو مسافر نے انکار کر دیا اور بورڈنگ کے عمل کو مکمل کیے بغیر ہی زبردستی ایرو برج میں داخل ہو گیا، جو ایوی ایشن سکیورٹی پروٹوکول کی واضح خلاف ورزی ہے۔
.ذریعہ: UrduPoint
کلیدی لفظ: تلاش کیجئے کا کہنا ہے کہ ایئر لائن کے لائن کے عملے اسپائس جیٹ بھارتی فوج فوجی افسر عملے کے کے خلاف کہا گیا کے لیے کر دیا
پڑھیں:
بھارتی فوجی افسران کے پاکستان میں دہشتگردانہ کارروائیوں میں ملوث ہونے کے مستند شواہد ہیں: لیفٹیننٹ جنرل احمد شریف چوہدری
لاہور (ڈیلی پاکستان آن لائن )ڈی جی آئی ایس پی آر لیفٹیننٹ جنرل احمد شریف چوہدری نے جرمن جریدے کو خصوصی انٹرویو دیتے ہوئے کہا کہ پاکستان نے 40 سال تک لاکھوں افغان مہاجرین کی میزبانی کی ہے ، افغان مہاجرین کی باعزت واپسی کیلئے منظم اقدامات کیئے گئے ہیں، پاکستان نے انسانی بنیادوں پر افغان مہاجرین کے انخلاء کی ڈیڈلائن میں متعدد بار توسیع کی ، مستند شواہد ہیں کہ غیرقانونی افغان باشندے دہشتگردی اور سنگین جرائم میں ملوث ہیں، افغان مہاجرین کو پناہ کی بنیادی وجوہات غیر ملکی مداخلت اور خانہ جنگی تھی وہ وجوہات اب موجود نہیں ہیں۔
بیلا حدید کونسی بیماری میں مبتلا ہیں؟ہسپتال سے تصاویر شیئر کردیں
انہوں نے کہا کہ بھارت میں پرتشدد واقعات بھارتی حکومت کی بڑھتی ہوئی انتہا پسند پالیسیوں کا نتیجہ ہے ، بھارت اپنے اندرونی مسائل کو بیرونی جبکہ بیرونی مسائل کو اندرونی مسئلہ بنا کر پیش کرتاہے ، بھارت ریاستی سرپرستی میں پاکستان میں دہشتگردانہ کارروائیوں میں ملوث ہے ، بھارتی فوجی افسران کے پاکستان میں دہشتگردانہ کارروائیوں میں ملوث ہونے کے مستند شواہد ہیں ، پاکستان بھارتی دہشتگردی کے ثبوت اقوام عالم کے سامنے متعدد بار پیش کر چکا ہے ، مسئلہ کشمیر کے حل کیلئے عالمی برادری کو اپنا کردار ادا کرنا چاہیے ، بھارتی ریاستی ادارے بشمول آرمی شدت پسند سیاسی نظریات کے زیر اثر ہے ۔
پاک ویلز نیو ویلز ایکسپو 2025 کراچی میں دھوم مچانے کو تیار!
لیفٹیننٹ جنرل احمد شریف چوہدری نے کہا کہ پاکستان کی ریاست تمام غیر ریاستی عناصر کو بلاتفریق مسترد کرتی ہے ، پاکستان میں کسی بھی جیش یا مسلح جتھوں کیلئے کوئی جگہ نہیں ہے ، ریاست کے علاوہ کوئی گروہ یا شخص جہاد کا اعلان کرنے کا اختیار نہیں رکھتا، پاکستان نے دہشتگردی کیخلاف جنگ میں فرنٹ لائن سٹیٹ کا کردار ادا کیا ، پاکستان نے دہشتگردی کے خلاف جنگ میں بے پناہ قربانیاں دی ہیں۔
ان کا کہناتھا کہ امریکی انخلاء کے بعد افغانستان میں چھوڑے گئے امریکی ہتھیار دہشتگردی میں استعمال ہو رہے ہیں، امریکہ بھی اس اسلحے کے دہشتگردانہ کارروائیوں میں استعمال ہونے پر تشویش کا اظہار کر چکا ہے ، معرکہ حق کے دوران صدر ٹرمپ کا قائدانہ کردار سٹریٹجک لیڈر کے طور پر سامنے آیا۔
خانیوال؛ تنسیخ نکاح کا دعوی کرنے پر شوہر کی بیوی پرفائرنگ ،ملزم حراست
ڈی جی آئی ایس پی آر نے کہا کہ پاکستان کے برادر ملک چین کے ساتھ بھی تعمیری اور سٹریٹجک تعلقات ہیں، امریکہ نے کالعدم مجید بریگیڈ کو عالمی دہشتگرد تنظیم قرار دیا، بلوچستان میں فتنہ الہندوستان کے متعدد ہلاک دہشتگرد نام نہاد مسنگ پرسنز کی فہرست میں بھی شامل تھے ۔
مزید :
گورک ہل اسٹیشن اربوں روپے خرچ ہونے کے باوجود منصوبہ تاحال نامکمل، بے ضابطگیوں کا انکشاف