بہادر گائے نے جان پر کھیل کر اپنی ساتھی کو چیتے کا شکار بننے سے بچایا، ویڈیو وائرل
اشاعت کی تاریخ: 4th, August 2025 GMT
بھارتی ریاست راجستھان کے ایک جنگلی علاقے میں پیش آنے والا ایک واقعہ جنگل کے قانون اور فطری زندگی کی بے رحمی کو نہ صرف ظاہر کرتا ہے بلکہ جانوروں میں پائی جانے والی وفاداری اور ہمت کی ایک شاندار مثال بھی بن گیا ہے۔ یہ واقعہ سفاری پر موجود چند افراد کی موجودگی میں پیش آیا، جنہوں نے اسے کیمرے میں محفوظ کر کے سوشل میڈیا پر شیئر کر دیا۔ ویڈیو کے منظرعام پر آتے ہی نہ صرف یہ وائرل ہو گئی بلکہ دیکھنے والوں کو حیرت میں ڈال دیا۔
یہ بھی پڑھیں: بہن کو بچانے کے لیے مگرمچھ سے بھڑجانے والی بہادر برطانوی خاتون کا دلچسپ قصہ
واقعے کی تفصیلات کے مطابق ایک چراگاہ میں 2 گائیں گھاس چر رہی تھیں کہ اسی دوران ایک چیتا جھاڑیوں سے نکل کر اچانک ایک گائے پر جھپٹ پڑا۔ چیتے نے برق رفتاری سے گائے کی گردن دبوچ لی اور اسے زمین پر گرانے کی کوشش کرنے لگا، ایسا لگ رہا تھا کہ گائے اب چیتے کا شکار بننے ہی والی ہے۔ لیکن اسی لمحے وہاں موجود دوسری گائے نے غیر معمولی جرأت کا مظاہرہ کرتے ہوئے چیتے پر حملہ کردیا۔
मेरी प्यारी मां!
गाय के बछड़े को गर्दन से पैंथर ने दबोचा तो बचाने मां दौड़ी। फिर क्या था, खुद देखिए।
???? बाली, पाली pic.
— Arvind Sharma (@sarviind) August 1, 2025
چیتے نے پوری طاقت سے گائے کو گھسیٹ کر جنگل میں لے جانے کی کوشش کی، اس دوران ایک گائے چیتے کی جانب دوڑتی ہوئی آتی ہے تو چیتا اس کو اپنی طرف آتا دیکھ کر بھاگ جاتا ہے۔
یہ بھی پڑھیں: گائے کو برگر کھلانے کی ویڈیو وائرل، ’بعد میں ہم ان کا برگر کھائیں گے‘
یہ ویڈیو چند گھنٹوں کے اندر اندر ایک لاکھ 25 ہزار سے زائد مرتبہ دیکھی جا چکی ہے۔ صارفین کی جانب سے گائے کی بہادری کو سراہتے ہوئے تبصرے کیے جا رہے ہیں۔ بعض صارفین نے کہا کہ یہ منظر ہمیں یہ سکھاتا ہے کہ جانور بھی اپنے ساتھیوں کے لیے جان کی بازی لگا سکتے ہیں، اور یہ صرف انسانوں کی خصوصیت نہیں۔
ویڈیو کے کیپشن میں کہا گیا ’جب چیتے نے بچھڑے کو گردن سے دبوچا، ماں فوراً بچانے دوڑی، پھر کیا ہوا، خود دیکھیں۔‘
جنگلی حیات کے ماہرین کے مطابق چیتے عام طور پر تنہا شکار کرتے ہیں اور گائے جیسا جانور ان کا روایتی شکار نہیں ہوتا، لیکن جب موقع ملے تو وہ حملہ کرنے سے گریز نہیں کرتے۔
یہ بھی پڑھیں: کتے کی وفاداری اور جنگل کا قانون
یہ کوئی پہلا موقع نہیں کہ راجستھان کے جنگلات میں چیتے یا بلیک پینتھر کی موجودگی دیکھی گئی ہو۔ گزشتہ ماہ بھارتی محکمہ جنگلات کے افسر پروین کسوان کی جانب سے نلگری کے سبز پہاڑی علاقوں میں ایک ویڈیو شیئر کی گئی تھی، جس میں ایک کالا چیتا دو عام تیندوں کے ساتھ سڑک پر چہل قدمی کرتا دکھائی دیا۔ بعدازاں وضاحت دی گئی کہ کالا چیتا دراصل تیندوا ہی ہوتا ہے جس میں میلینزم نامی موروثی خصوصیت کے باعث جسم پر سیاہی چھا جاتی ہے، لیکن بعض روشنیوں میں ان کے دھار دار نشان بھی دیکھے جاسکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بھارت بہادری چیتا راجھتسان گائےذریعہ: WE News
کلیدی لفظ: بھارت بہادری چیتا راجھتسان گائے
پڑھیں:
اسرائیلی وزیر کی ہاتھ بندھے، اوندھے منہ لیٹے فلسطینی قیدیوں کو قتل کی دھمکی؛ ویڈیو وائرل
اسرائیل کے دائیں بازو کے سخت گیر وزیر بن گویر کا ایک ویڈیو پیغام وائرل ہو رہا ہے جس میں انسانی حقوق کی دھجیاں بکھیر دی گئی ہیں اور صیہونی ریاست کا مکروہ چہرہ بے نقاب ہوگیا۔
عالمی خبر رساں ادارے کے مطابق اسرائیل کے دائیں بازو سے تعلق رکھنے والے قومی سلامتی کے وزیر ایتامار بن گویر نے یہ ویڈیو خود اپنے سوشل میڈیا اکاؤنٹ پر جاری کی ہے۔
ویڈیو میں اسرائیلی وزیر اُن فلسطینی قیدیوں کے سامنے کھڑے ہیں جن کے ہاتھ پشت پر بندھے ہوئے ہیں اور انھیں اوندھا فرش پر لٹایا ہوا ہے۔
اسرائیلی وزیر نے اس مقام پر کھڑے ہوکر ان فلسطینی قیدیوں کو سزائے موت دینے کا مطالبہ کرتے ہوئے کہا کہ یہ لوگ ہمارے بچوں اور خواتین کو مارنے آئے تھے۔
Once again, Israel’s far-right National Security Minister Ben Gvir speaks about the Palestinian abductees and openly incites against them while they stand bound before him, saying: “Do you see them? This is how they are now — but one thing remains to be done, and that is to… pic.twitter.com/k9ylK5Fkvk
— غزة 24 | التغطية مستمرة (@Gaza24Live) October 31, 2025انھوں نے اپنے مخصوص نفرت آمیز لہجے میں مزید کہا کہ اب دیکھیں ان کا حال کیا ہے۔ اب ایک ہی چیز باقی ہے اور وہ ہے ان لوگوں کے لیے فوری طور پر سزائے موت۔
اسرائیلی وزیر بن گویر اپنی اشتعال انگیز بیانات کے لیے مشہور ہیں، انھوں نے انتباہ دیا ہے کہ اگر ان کی سزائے موت سے متعلق تجویز پارلیمنٹ میں پیش نہ کی گئی تو وہ وزیرِاعظم بنیامین نیتن یاہو کی حکومت کی حمایت ختم کر دیں گے۔
انھوں نے ویڈیو کے ساتھ ایک تفصیلی پیغام بھی جاری کیا جس میں کہا گیا کہ اسرائیل کی جانب سے حماس کے رہنماؤں کو ہلاک کرنے کے بعد تنظیم نے یرغمال بنائے گئے اسرائیلیوں کو تشدد کا نشانہ بنایا۔
اسرائیلی وزیر بن گویر نے فلسطینی قیدیوں پر سخت پابندیوں اور جیلوں میں خوف کی فضا پیدا کرنے کو اپنی کامیابی قرار دیتے ہوئے کہا کہ میں جیلوں میں انقلاب پر فخر کرتا ہوں۔ اب وہ تفریحی کیمپ نہیں بلکہ خوف کی جگہیں بن چکی ہیں۔ وہاں قیدیوں کے چہروں سے مسکراہٹیں مٹا دی گئی ہیں۔
بن گویر جو قومی سلامتی کے وزیر ہیں، نے یہ دعویٰ بھی کیا کہ ان کی پالیسیوں کے نتیجے میں دہشت گرد حملوں میں نمایاں کمی آئی ہے۔ جو بھی میرے جیل سے گزرا ہے وہ دوبارہ وہاں جانا نہیں چاہتا۔
حالیہ ہفتوں میں بن گویر نے سزائے موت کے قانون پر زور دیتے ہوئے کہا کہ جب تک دہشت گرد زندہ رہیں گے، باہر کے شدت پسند مزید اسرائیلیوں کو اغوا کرنے کی ترغیب پاتے رہیں گے۔
انھوں نے فلسطینیوں کو مخاطب کرتے ہوئے کہا تھا کہ اگر وہ کسی یہودی کو قتل کریں گے تو زندہ نہیں رہیں گے۔
یاد رہے کہ بن گویر ان چند وزیروں میں شامل تھے جنہوں نے غزہ میں جنگ بندی کے پہلے مرحلے کے معاہدے کے خلاف ووٹ دیا تھا۔
ان کی جماعت ’’اوتزما یہودیت‘‘ نے ماضی میں بھی قیدیوں کی رہائی کے معاہدے پر حکومت سے علیحدگی اختیار کر لی تھی۔
دوسری جانب اسرائیلی وزیرِ انصاف یاریو لیوین کا بھی کہنا ہے کہ وہ ایک خصوصی عدالت قائم کرنے کے لیے قانون سازی کر رہے ہیں۔
ان کے بقول یہ عدالتیں 7 اکتوبر 2023 کے حملوں میں ملوث غزہ کے جنگجوؤں پر مقدمہ چلائے گی اور مجرم ثابت ہونے والوں کو سزائے موت سنائی جا سکے گی۔
پاکستان میں امریکی خام تیل کی پہلی تاریخی درآمد، توانائی کے شعبے میں نیا دور شروع