5اگست ‘ یوم استحسال کشمیر ‘ یوم سیاہ ‘ ہٹرتال ہوگی : عسکری قیادت کا کشمیریوں سے اظہار یکہتی
اشاعت کی تاریخ: 5th, August 2025 GMT
لاہور‘ اسلام آباد (نیوز رپورٹر +خصوصی نامہ نگار+ خبر نگار خصوصی) لائن آف کنٹرول کے دونوں جانب آج یوم استحصال کشمیریوم سیاہ کے طور پر منایا جائے گا۔ مقبوضہ کشمیر میں ہڑتال ہوگی جبکہ آزاد کشمیر میں بھارت کے خلاف احتجاجی جلسے جلوس اور ریلیاں نکالی جائیں گی۔ کل جماعتی حریت کانفرنس کی اپیل پر پاکستان اور دنیا بھر میں مقیم کشمیری 5 اگست 2019ء کو مودی کی زیر قیادت بھارتی حکومت کی طرف سے کئے گئے غیر قانونی اقدامات کے خلاف اپنا احتجاج درج کرانے کے لیے یوم استحصال کشمیر منائیں گے۔ کانفرنس نے مقبوضہ جموں و کشمیر کے عوام سے اپیل کی ہے کہ وہ 5 اگست یوم استحصال کشمیر کو یوم سیاہ کے طور پر منائیں، اسلامی تنظیم آزادی جموں کشمیر کے سربراہ پیر عبدالصمد انقلابی نے کہا ہے جموں کشمیر کو حاصل خصوصی اختیارات کے خاتمے کو آج چھ سال مکمل مکمل ہو گئے۔ آج ہی کے روز یعنی 5 اگست2019 ء کو دفعہ370 اور 35A اے کو منسوخ کیا گیا تھا۔ جبکہ مسرت عالم بٹ نے کشمیری عوام سے اپیل کی کہ وہ 5 اگست کو مقبوضہ علاقے میں مکمل ہڑٹال، سول کرفیو اور احتجاجی مظاہرے کر کے بھارت اور دنیا کو یہ واضح پیغام دیں کشمیری ان اقدامات کو مسترد کرتے ہیں اور اقوام متحدہ کے وعدے کے مطابق اپنے حق خودارادیت کا مطالبہ کرتے ہیں۔ دوسری جانب مقبوضہ پونچھ میں سانحہ سیلان کو27 سال مکمل ہوگئے ہیں۔ بھارتی فوج نے3 اور 4 اگست1998 ء کی درمیانی شب کو ضلع پونچھ کے علاقے سیلان میں 11بچوں سمیت ایک ہی خاندان کے 19 افراد کو گولیاں مار کر شہید کر دیا تھا۔ سیلان پونچھ قتل عام کے متاثرین ابھی تک انصاف سے محروم ہیں یہ بہیمانہ قتل عام بھارتی فوج کے9 پیرا یونٹ کے اہلکاروں نے سپیشل پولیس آفیسرز کے ہمراہ ایک مقامی مخبر و پولیس اہلکار کے قتل کے بعد کیا تھا۔ وسطی کشمیر کے گلمرگ علاقے میں بھارتی فوج کے وار سکول کے کمانڈنٹ لیفٹیننٹ کرنل رتیش کمار سنگھ کے خلاف پولیس نے سری نگر ایرپورٹ پر ملازمین کو تشدد کا نشانہ بنانے پر مقدمہ درج کر لیا ہے۔ لیفٹیننٹ کرنل رتیش کمار سنگھ نے سری نگر ایئرپورٹ پر اضافی سامان کے چارجز ادا کرنے کے مطالبے پر چار ایئرپورٹ ملازمین کو26 جولائی کو تشدد کا نشانہ بنایا تھا، کرنل رتیش کمار سنگھ نے بھی ائر لائن کے عملے کے خلاف پولیس کے پاس شکایت جمع کرا دی ہے۔ دوسری جانب پنجاب میں اہلیان کشمیر سے اظہار یکجہتی کیلئے ایک منٹ کی خاموشی اختیار کرنے کا فیصلہ کیا گیا ہے۔ یومِ استحصال کشمیر 5 اگست صبح 10 بجے ایک منٹ کی خاموشی اختیار کی جائے گی۔ محکمہ داخلہ پنجاب نے صوبہ بھر میں فیصلے پر عملدرآمد کیلئے مراسلہ جاری کر دیا۔ ترجمان محکمہ داخلہ پنجاب کے مطابق جموں و کشمیر پر بھارت کے غیر قانونی قبضے کے خلاف پوری قوم یکجا ہے۔ وفاقی وزارت امور کشمیر، گلگت بلتستان و سیفران نے تمام صوبائی حکومتوں کو اس بارے ہدایات جاری کی تھیں۔ وفاقی حکومت کی ہدایت کے مطابق محکمہ داخلہ نے تمام فیلڈ فارمیشنز کو اہلیان جموں و کشمیر سے اظہار یکجہتی کیلئے مراسلہ جاری کیا۔ محکمہ داخلہ نے آئی جی پنجاب، آئی جی جیل خانہ جات پنجاب، ڈائریکٹر جنرل چائلڈ پروٹیکشن اینڈ ویلفیئر بیورو، ڈائریکٹر جنرل فرانزک سائنس ایجنسی، ڈائریکٹر جنرل پنجاب ایگریکلچر فوڈ اینڈ ڈرگ اتھارٹی، ڈائریکٹر جنرل مانیٹرنگ، ڈائریکٹر سول ڈیفنس پنجاب، ڈائریکٹر جنرل پنجاب پروبیشن اینڈ پیرول سروس، چیف ایگزیکٹو آفیسر پنجاب چیریٹیز کمیشن، کمانڈنٹ بارڈر ملٹری پولیس ڈی جی خان، کمانڈنٹ بارڈر ملٹری پولیس راجن پور اور کمانڈنٹ بلوچ لیوی ڈی جی خان کو حکم نامے پر عملدرآمد بارے ہدایت جاری کی ہیں۔یوم استحصال کشمیر کے موقع پر فیلڈ مارشل عاصم منیر‘ چیئرمین جوائنٹ چیفس آف سٹاف کمیٹی‘ نیول چیف اور ائیرچیف نے کشمیری عوام سے اظہار یکجہتی کیا ہے۔ آئی ایس پی آر کے مطابق افواج پاکستان کشمیری عوام کے ساتھ غیر متزلزل یکجہتی کا اعادہ اور کشمیری عوام کے حق خودارادیت‘ جدوجہد کی مکمل حمایت کرتی ہیں۔ کشمیریوں کی جدوجہد اقوام متحدہ سلامتی کونسل کی قراردادوں کے مطابق ہے۔ بھارت بین الاقوامی اصولوں کی سنگین خلاف ورزیاں کر رہا ہے۔ مقبوضہ کشمیر میں بھارتی اقدامات انتہائی تشویش کا باعث ہیں۔ مسئلہ کشمیر کے حل تک خطے میں پائیدار امن ممکن نہیں۔لاہور سے خصوصی نامہ نگار کے مطابق امیر جماعت اسلامی حافظ نعیم الرحمن کی اپیل پر جماعت اسلامی آج بروز منگل ’’یوم حقوق کشمیر و فلسطین‘‘ کے طور پر منائے گی۔ اس سلسلے میں ملک کے مختلف شہروں میں ریلیاں اور مظاہرے منعقد کیے جائیں گے جن سے جماعت اسلامی کے مرکزی، صوبائی و ضلعی رہنما خطاب کریں گے۔
.ذریعہ: Nawaiwaqt
کلیدی لفظ: یوم استحصال کشمیر ڈائریکٹر جنرل کشمیری عوام محکمہ داخلہ کے مطابق سے اظہار کشمیر کے کے خلاف
پڑھیں:
کراچی، 70 بچوں، بچیوں سے زیادتی کرنیوالے سفاک شخص پر ویڈیوز فروخت کرنے کا شبہہ
پولیس تفتیش کے مطابق ملزم نے 60 سے 70 بچوں اور بچیوں کو بدفعلی کا نشانہ بنایا۔ گرفتار ملزم سے برآمد ہونے والا موبائل فون فرانزک کیلئے اسلام آباد بھیج دیا گیا ہے۔ اسلام ٹائمز۔ شہر قائد کے علاقے قیوم آباد میں کمسن بچیوں اور بچوں کو اپنی ہوس کا نشانہ بنانے اور نازیبا ویڈیوز بنانے والے درندہ صفت سفاک ملزم کےخلاف ایک اور مقدمہ ڈیفنس تھانے میں درج کر لیا گیا۔ پولیس کے مطابق ساتواں مقدمہ سندھ عارضی رہائشی ایکٹ کی خلاف ورزی پر ملزم اور مالک مکان کے خلاف درج کیا گیا ہے، جس کے بعد مرکزی ملزم کے خلاف درج مقدمات کی تعداد 7 ہو گئی۔ تفصیلات کے مطابق ملزم شبیر احمد تنولی کے خلاف مقدمہ سرکار کی مدعیت میں درج کیا گیا ہے، جس میں مکان مالک اعجاز اعوان کو بھی نامزد کیا گیا ہے۔ ملزم شبیر شربت والے اور مالک مکان اعجاز اعوان کی جانب سے کرایہ داری ایگریمنٹ تھانے میں جمع نہیں کروایا گیا، جبکہ ملزم شبیر کمرے میں بچے اور بچیوں کو لا کر نازیبا حرکات کرتا تھا۔
پولیس تفتیش کے مطابق ملزم نے 60 سے 70 بچوں اور بچیوں کو بدفعلی کا نشانہ بنایا۔ گرفتار ملزم سے برآمد ہونے والا موبائل فون فرانزک کیلئے اسلام آباد بھیج دیا گیا ہے۔ تفتیشی پولیس کا کہنا ہے کہ گرفتار ملزم کی جانب سے ویڈیوز جمع کرنے اور انہیں فروخت کرنے کا شبہہ ہے۔ گرفتار ملزم کے تمام سوشل میڈیا اکاؤنٹس کی بھی جانچ پڑتال کی گئی ہے۔
چین میں سفید بال سیاہ کرنے کا انقلابی طبّی طریقہ ایجاد