محکمہ لائیو اسٹاک میں بے ضابطگی،
اشاعت کی تاریخ: 7th, August 2025 GMT
مچھلی کی خوراک پر21 کروڑ کا خرچ ظاہر
میسرز پرویز ایسوسی ایٹس کو ٹھیکہ جاری ہوا ، میسرز طلحہ انٹرپرائز سے خریداری کروائی،ذرائع
مشترکہ انسپکشن بھی نہیں ہوئی اور ناہی خوراک خریداری کی تصدیق ، تحقیقات کی سفارش
محکمہ لائیو اسٹاک اینڈ فشریز سندھ میں کروڑوں کا اسکینڈل سامنے آگیا، 21 کروڑ مچھلی کی خوراک پر خرچ کرنے کا دعوی، ٹھیکہ بھی من پسند کمپنی کو جاری، اعلی حکام نے انکوائری کرنے کی سفارش کر دی۔ جرات کی رپورٹ کے مطابق عالمی بینک کے اشتراک سے شروع کئے گئے منصوبے ایکسلیریٹڈ ایکشن پلان (فشریز سیکٹر) میں مالی سال 2022-23 اور 2023-24 کے دوران پروجیکٹ کوآرڈینیٹر نے مچھلی کے مختلف تالابوں کو 21 کروڑ روپے کی خوراک فراہم کرنے کا دعوی کیا، ٹینڈر میں ٹھیکہ میسرز پرویز ایسوسی ایٹس کو جاری کیا گیا لیکن پروجیکٹ کوآرڈینیٹر نے مچھلی کی کروڑوں روپے کی خوراک ایک اور کمپنی میسرز طلحہ انٹرپرائز سے خرید کروائی جس سے کوئی تحریری معاہدہ ہی نہیں کیا گیا جس کے باعث من پسند کمپنی سے اسٹیمپ ڈیوٹی اور ضمانت کی رقم بھی وصول نہ کرنے کے باعث حکومت سندھ کو مالی نقصان ہوا، جبکہ مچھلی کے تالابوں میں خوراک فراہم کرنے کی مشترکہ انسپکشن بھی نہیں کی گئی جس سے مچھلی کو کروڑوں روپے کی خوراک فراہم کرنے کی تصدیق نہیں ہوئی۔ اعلی حکام نے پروجیکٹ کوآرڈینیٹر(آپ فشریز سیکٹر) اور محکمہ لائیو اسٹاک اینڈ فشریز کے افسران کو آگاہ کیا کہ منصوبے میں سنگین بے ضابطگیاں ہوئیں ہیں جس پر ڈپارٹمنٹل اکائونٹس کمیٹی کا اجلاس منعقد کیا گیا اور پروجیکٹ کوآرڈینیٹر کو ہدایت کی گئی کہ مچھلی کو خوراک کی فراہمی کے وڈیو ثبوت فراہم کئے جائیں لیکن اعلی حکام اس پر مطمئن نہیں ہوئے اور 21 کروڑ روپے کی خوراک مچھلی کے تالابوں کو فراہم کرنے کی انکوائری کرنے کی سفارش کی ہے۔
.ذریعہ: Juraat
کلیدی لفظ: روپے کی خوراک فراہم کرنے کرنے کی
پڑھیں:
وزیرِ اعظم کا اسٹاک ایکسچینج میں 100 انڈیکس 1 لاکھ 45 ہزار پوائنٹس کی حد کو عبور کرنے پر اظہارِ اطمینان
سٹی 42 : وزیرِ اعظم شہباز شریف نے کہا ہے کہ کاروبار اور سرمایہ کاری کو ہر ممکن سہولت فراہم کرنا حکومت کی اولین ترجیحات میں شامل ہے ۔
وزیرِ اعظم شہباز شریف نے اسٹاک ایکسچینج میں 100 انڈیکس 1 لاکھ 45 ہزار پوائنٹس کی حد کو عبور کرنے پر اظہار اطمینان کیا ہے، کہنا ہے کہ اسٹاک ایکسچینج میں کاروبار میں تیزی سرمایہ کاروں کے حکومتی پالیسیوں پر اعتماد کی عکاسی ہے.
شہباز شریف نے کہا کہ ایف بی آر میں اصلاحات سے ٹیکس نظام میں بہتری اور کاروباری برادری کو سہولت ملی. انہوں نے کہا کہ الحمدللہ پاکستان کی معاشی سمت بہتر اور معیشت ترقی کی جانب گامزن ہے.
ایف آئی اے نے بحریہ ٹاؤن اور ملک ریاض کی کرپشن کے ناقابل تردید ثبوت حاصل کرلیے ؛ وزیر اطلاعات عطااللہ تارڑ
ایشیا کپ میں پاکستان سے نہ کھیلنا بھارت کو کیسے بھاری پڑسکتا ہے؟