سرگودھا: 2 روز کے نوزائیدہ بچے کو شاپنگ بیگ میں بند کر کے کوڑے میں پھینک دیا گیا
اشاعت کی تاریخ: 8th, August 2025 GMT
تصویر— جیو نیوز اسکرین گریب
سرگودھا کے علاقے لک موڑ سیم نالہ کے قریب کوڑے کے ڈھیر سے دو روز کا نوزائیدہ بچہ ملا ہے۔
پولیس نے اطلاع پر پہنچ کر بچے کو بازیاب کرایا اور اسے ڈی ایچ کیو اسپتال منتقل کردیا گیا ہے۔ بچے کے ورثا کی کی تلاش جاری ہے۔
اسپتال میں ڈاکٹروں نے بچے کو مکمل صحت مند قرار دیا ہے۔
پولیس کا کہنا ہے کہ بچے کے ورثا نوزائیدہ کو بے رحمی سے چھوڑ کر فرار ہوئے جن کی تلاش جاری ہے۔
.ذریعہ: Jang News
پڑھیں:
بنوں; ایف سی چیک پوسٹ پر نامعلوم افراد کا حملہ، ایک اہلکار شہید، تین زخمی
بنوں (نیوز ڈیسک) بنوں میں بکاخیل تختی خیل میں نامعلوم افراد نے ایف سی کی چیک پوسٹ پر حملہ کردیا۔
پولیس کے مطابق نامعلوم افراد کے حملے میں مینا خان نامی ایف سی اہلکار شہید جب کہ 3 شدید زخمی ہیں۔ پولیس نے شہید اور زخمی اہلکاروں کو اسپتال منتقل کردیا۔
واقعے کے بعد ایف سی اور پولیس نے علاقے کو گھیرے میں لے کر سرچ آپریشن شروع کر دیا ہے۔ پولیس کا کہنا ہے کہ ملزمان کو جلد گرفتار کر لیا جائے گا۔
دوسری جانب بنوں ہوید میں دہشت گردوں کے خلاف سیکیورٹی فورسز اور پولیس کا مشترکہ سرچ اینڈ ٹارگٹڈ آپریشن جاری ہے۔ آپریشن کا مقصد علاقے کو دہشت گردی سے پاک کرنا اور دیرپا امن قائم کرنا ہے۔ آپریشن ڈی پی او بنوں سلیم عباس کی نگرانی میں جاری ہے۔
پولیس کا کہنا ہے کہ آپریشن میں پولیس اور سیکیورٹی فورسز بھرپور حصہ لے رہی ہیں۔ سیکورٹی فورسز نے علاقے کو مکمل طور پر گھیرے میں لے لیا ہے۔ گھر گھر تلاشی جاری ہے۔ کسی بھی مشکوک سرگرمی یا مزاحمت کے خلاف فوری کارروائی کی جائے گی۔ عوام کی حفاظت کے پیش نظر علاقے میں کرفیو نافذ کر دیا گیا ہے۔
شہریوں سے اپیل ہے کہ وہ سیکیورٹی اداروں کے ساتھ مکمل تعاون کریں اور کسی بھی مشکوک شخص یا سرگرمی کی اطلاع فوری طور پر متعلقہ حکام کو دیں۔
Post Views: 5
قائداعظم کو زیارت میں قید رکھا گیا، وہ آکسیجن کے لیے ترستے رہے، جاوید ہاشمی