UrduPoint:
2025-08-08@14:58:08 GMT
پولیس افسران کا فیصل آباد پریس کلب کا دورہ،
اشاعت کی تاریخ: 8th, August 2025 GMT
فیصل آباد(اُردو پوائنٹ اخبارتازہ ترین۔ 8 اگست 2025ء) فیصل آباد فوٹو جرنلسٹ ایسوسی ایشن کے صدر محمد طاہر کی خصوصی دعوت پر اعلیٰ پولیس افسران نے فیصل آباد پریس کلب کا اہم دورہ کیا۔ اس دورے کا مقصد صحافی برادری کے ساتھ روابط کو مضبوط بنانا، سیکیورٹی امور پر تعاون کو فروغ دینا، اور باہمی ہم آہنگی کو بہتر بنانا تھا۔اس موقع پر اے ایس پی کیپٹن رحیم، اے ایس پی کریم مستوئی، اے ایس پی مزمل، اے ایس پی اویس سرور، اے ایس پی میڈم عروب، اور اے ایس پی ڈاکٹر مریم سمیت دیگر افسران نے پریس کلب کا دورہ کیا۔
صحافیوں کی جانب سے پرتپاک استقبال کیا گیا۔پریس کلب میں منعقدہ خصوصی میٹنگ میں سیکرٹری پریس کلب عزادار عابدی، سابق سیکرٹری کاشف فرید، فوٹو جرنلسٹ ایسوسی ایشن کے جنرل سیکریٹری بشیر احمد تایا، عقیل پرویز، ملک ظہور احمد، نثار احمد خان، عزیز بٹ، طارق محمود کمبوہ، رانا ندیم اور اختر علی حسن سمیت دیگر نمائندگان موجود تھے۔(جاری ہے)
میٹنگ میں پولیس اور صحافیوں کے درمیان اعتماد، تعاون اور ہم آہنگی کی ضرورت پر زور دیا گیا۔
مقررین نے کہا کہ ایک پرامن اور باخبر معاشرے کے قیام کے لیے پولیس اور میڈیا کا باہمی اشتراک ناگزیر ہے۔ عوام تک درست اور بروقت معلومات کی ترسیل میں میڈیا کا کردار کلیدی ہے، جبکہ پولیس امن و امان کی بحالی میں فرنٹ لائن پر موجود ہوتی ہے۔پولیس افسران نے پریس کلب کے دورے کو خوش آئند قرار دیتے ہوئے کہا کہ ایسے دورے نہ صرف افہام و تفہیم کو بڑھاتے ہیں بلکہ مختلف طبقات کے درمیان فاصلے کم کرنے میں بھی معاون ثابت ہوتے ہیں۔ انہوں نے یقین دہانی کروائی کہ صحافی برادری کے مسائل کو ترجیحی بنیادوں پر حل کیا جائے گا اور آئندہ بھی ملاقاتوں کا یہ سلسلہ جاری رہے گا۔پریس کلب کے شرکاء نے اس مثبت اقدام کو سراہا اور کہا کہ اداروں کے درمیان مضبوط رابطے ہی ایک پرامن اور ترقی یافتہ پاکستان کی ضمانت ہیں۔.ذریعہ: UrduPoint
کلیدی لفظ: تلاش کیجئے فیصل آباد اے ایس پی پریس کلب
پڑھیں:
اسلام آباد میں موسلادھار بارش، نالے بپھرنے سے متعدد علاقوں میں پانی داخل
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔06 اگست ۔2025 )اسلام آباد میں موسلادھار بارش کے باعث مارگلہ کی پہاڑیوں سے آنے والے پانی سے وفاقی دارالحکومت کے نالوں میں طغیانی آ گئی موسلادھار بارش سے نالوں میں طغیانی کے باعث بھارہ کہو، چک شہزاد اور دیگر علاقوں میں پانی گھروں میں داخل ہوگیا، نیو چھٹہ بختاور میں بارش کے بعد گلیاں اور سڑکیں تالاب کا منظر پیش کرنے لگیں، مکینوں کو نقل و حرکت میں مشکلات کا سامنا کرنا پڑ ا.(جاری ہے)
نجی ٹی وی کے مطابق بارش کے پانی سے کئی گاڑیاں ڈوب گئیں، جبکہ 6 سے 7 نجی ہاﺅسنگ سوسائٹیز متاثر ہونے کا خدشہ ہے گزشتہ رات بارش کے باعث راول ڈیم میں پانی کی سطح میں اضافہ ہوگیا، پانی کی سطح بلند ہونے پر سپل ویز کھول دیئے گئے ضلعی انتظامیہ کی جانب سے شہریوں سے ندی نالوں سے دور رہنے کی اپیل کی گئی. دوسری جانب نیلم آزاد کشمیر میں بارش اور لینڈ سلائیڈنگ کے باعث پھنسے 10 سیاحوں کو بحفاظت نکال لیا گیا ہے، رات گئے بالائی وادی نیلم کے علاقے جمگر میں لینڈسلائیڈنگ کے باعث سیاح پھنس گئے تھے سیاحوں کو ریسکیو کرنے کے لیے پولیس تھانہ نیلم، چوکی پولیس جانوئی اور ضلعی انتظامیہ نے بروقت کارروائی کی، ایک جانب سے پولیس اور انتظامیہ نے سیاح فیملی کو محفوظ مقام پر منتقل کیا جبکہ دوسری جانب چوکی جانوئی کی ٹیم نے سیاحوں کو ریسکیو کر کے مقامی گھروں میں پناہ دلوائی. ریسکیو کے بعد سیاحوں نے پولیس نیلم، پاک فوج اور مقامی افراد کا شکریہ ادا کیا اور ان کی بروقت مدد کو سراہا ضلعی انتظامیہ نے بارشوں اور لینڈ سلائیڈنگ کے دوران سیاحوں کو سفر میں احتیاط برتنے کی ہدایت کی ہے تاکہ کسی بھی ممکنہ خطرے سے بچا جا سکے دریں اثنا ملک میں بارشوں کا ایک اور سپیل برسنے کو تیار ہے محکمہ موسمیات نے پنجاب، خیبرپختونخوا اور کشمیر میں تیز ہواﺅں اور گرج چمک کے ساتھ بارش کا امکان ظاہر کیا ہے. موسلادھار بارش کے باعث اسلام آباد، راولپنڈی، گوجرانوالہ، لاہور اور سیالکوٹ کے نشیبی علاقے زیر آب آنے کا خدشہ ہے جبکہ مظفر آباد میں وقفے وقفے سے بارش کے باعث موسم خوشگوار ہوگیا محکمہ موسمیات کے مطابق موسلادھار بارش کے باعث خیبرپختونخوا کے پہاڑی علاقوں، گلگت بلتستان، کشمیر، مری اور گلیات میں لینڈ سلائیڈنگ کے باعث ٹریفک متاثر ہونے کا خطرہ ہے، بلوچستان کے مختلف علاقوں میں بارش کی پیشگوئی کی گئی ہے. ادھر شہر قائد کراچی میں موسم ابرآلود رہنے کا امکان اور بوندا باندی متوقع ہے فلڈ فورکاسٹنگ ڈویژن کے مطابق شدید بارشوں کے باعث دریائے چناب اور جہلم میں اونچے درجے کے سیلاب کا خدشہ ہے، دریائے سندھ میں گڈو اور سکھر بیراج پر نچلے درجے کا سیلاب ہے.
بھارت اور اسرائیل دنیا کے امن کیلئے خطرہ مذہبی جنونیت کو فروغ دے رہے ہیں، شاداب نقشبندی