اراکین سندھ اسمبلی کی تنخواہوں اور الاؤنسز میں اضافے کا بل منظور
اشاعت کی تاریخ: 8th, August 2025 GMT
صوبائی وزیر پارلیمانی امور نے سندھ بورڈز آف انٹرمیڈیٹ و سیکنڈری ایجوکیشن (ترمیمی) بل 2025ء پیش کیا، ان کا کہنا تھا کہ اس ترمیم کا مقصد بورڈز میں 20 اور 21 گریڈ کے افسران کو بھی چیئرمین تعینات کرنے کی اجازت دینا ہے تاکہ قابل افسران کی تقرری ممکن ہو اور بورڈز کی کارکردگی بہتر بنائی جا سکے۔ اسلام ٹائمز۔ سندھ اسمبلی کے اجلاس میں اراکینِ اسمبلی کی تنخواہوں اور الاؤنسز میں اضافے کا بل متفقہ طور پر منظور کر لیا گیا۔ اجلاس کی صدارت سپیکر قادر شاہ نے کی جبکہ بل صوبائی وزیر پارلیمانی امور ضیا الحسن لنجار نے پیش کیا، تمام اراکین نے بل کی حمایت کی اور مرحلہ وار منظوری دی گئی۔ ضیا لنجار نے سندھ بورڈز آف انٹرمیڈیٹ و سیکنڈری ایجوکیشن (ترمیمی) بل 2025ء بھی پیش کیا، ان کا کہنا تھا کہ اس ترمیم کا مقصد بورڈز میں 20 اور 21 گریڈ کے افسران کو بھی چیئرمین تعینات کرنے کی اجازت دینا ہے تاکہ قابل افسران کی تقرری ممکن ہو اور بورڈز کی کارکردگی بہتر بنائی جا سکے۔
رکن اسمبلی صابر قائم خانی نے بل پر تحفظات کا اظہار کرتے ہوئے کہا کہ بورڈز کی خودمختاری برقرار رکھنی چاہیے اور بل کو دوبارہ کمیٹی میں بھیجا جانا چاہیے تاکہ تجاویز پر بحث ہو سکے، تاہم بل کو کثرتِ رائے سے منظور کر لیا گیا۔ ضیا لنجار نے مزید کہا کہ ہائی کورٹ کی جانب سے صرف ایک نام بھیجا جاتا ہے جس کی وجہ سے جج تعینات کرنے میں مشکلات پیش آتی ہیں، ان کا کہنا تھا کہ اختیارات بڑھانے کی ضرورت ہے اور بعض عدالتوں میں 72 سال کے ریٹائرڈ جج بھی کام کر رہے ہیں جس سے مزید مسائل جنم لیتے ہیں۔ اجلاس کے وقفہ سوالات کے دوران ایم کیو ایم کی رکن فرح سہیل نے مزارات کی دکانوں کے کرایوں سے متعلق سوالات اٹھائے۔
پارلیمانی سیکرٹری اوقاف شازیہ سنگہار نے بتایا کہ دکانیں 3 سال کے لیے کرایہ پر دی جاتی ہیں اور اگر کرایہ دار ادائیگی نہ کرے تو ایف آئی آر درج کی جا سکتی ہے، انہوں نے یہ بھی بتایا کہ محکمہ اوقاف کا ریکارڈ کمپیوٹرائز کیا جا رہا ہے۔ پیپلز پارٹی کے سینئر راہنما نثار کھوڑو نے بل پر تبصرہ کرتے ہوئے کہا کہ اس میں پبلک کمیٹی کا واضح ذکر نہیں ہے حالانکہ کمیٹی کی شمولیت اہم ہوتی ہے۔ ایم کیو ایم کے رکن عمار صدیقی نے تحریکِ استحقاق پیش کی کہ ان کے حلقے میں سوئی گیس کی بحالی کے کام سے شہریوں کو شدید مشکلات کا سامنا ہے۔ اجلاس میں ضیا الحسن لنجار نے اینٹی ٹیررازم سندھ ترمیمی بل 2025ء بھی ایوان میں پیش کر دیا۔
ذریعہ: Islam Times
کلیدی لفظ: پیش کی
پڑھیں:
انٹر بورڈ کراچی کی بی او جی تبدیل، نوٹیفکیشن جاری
کراچی:صوبے کے تعلیمی بورڈز کی کنٹرولنگ اتھارٹی وزیر اعلیٰ سندھ نے کئی دہائیوں بعد ایجوکیشن بورڈ آف گورنرز (بی او جی) کو تبدیل کرنے کا آغاز کردیا اور اعلی ثانوی تعلیمی بورڈ کراچی کے بورڈ آف گورنرز کو تبدیل کردیا ہے جس کا نوٹیفکیشن بھی جاری ہوگیا ہے۔
محکمہ یونیورسٹیز اینڈ بورڈز کے سیکریٹری عباس بلوچ کی جانب سے جاری کیے گئے نوٹیفکیشن کے مطابق اب سوائے ایک کے تمام تعلیمی بورڈز کے چیئرمینز کو انٹر بورڈ کراچی کی بی او جی سے فارغ کردیا گیا صرف آئندہ 2 برس کے لیے میرپور خاص بورڈ کے چیئرمین کرنل (ر) علمدار رضا انٹر بورڈ کی بی او جی کے رکن ہوں گے، اس سے قبل ہر بورڈ کا چیئرمین دوسرے تمام تعلیمی بورڈز کا رکن ہوتا تھا۔
علاوہ ازیں نوٹیفیکیشن کے مطابق وزیر اعلیٰ کی جانب سے دیگر نامزدگیاں بھی دو سال کے لیے کی گئی ہیں اور پرنسپل یا ہیڈ آف کالج کی نشست پر پروفیسر صائمہ فہیم رکن ہوں گی۔
ذرائع کے مطابق مذکورہ پرنسپل کا تعلق ہائر سیکنڈری اسکول سے ہے جبکہ اس سے قبل کالج پرنسپلز اس کا رکن ہوتا تھا تاہم کراچی کے 150 سے زائد سرکاری کالجوں کے پرنسپلز میں سے کسی کو بھی اس نشست پر رکنیت نہیں دی گئی ہے۔
ادھر ٹیکنیکل ایکسپرٹ کے طور پر این ای ڈی یونیورسٹی کے ڈائریکٹر آئی ٹی اسد العارفین کی نامزدگی کی گئی ہے، سول سوسائٹی کے نمائندے کے طور پر شکیل احمد سابق کمشنر فیڈرل بورڈ آف ریونیو(ایف بی آر)، وزیر کی جانب سے اپنی 2 نامزدگیوں کے طور پر رکن صوبائی اسمبلی خیر النسا اور مظہر علی صدیقی سابق ڈی جی(پی اینڈ ڈی) ایجوکیشن کو مقرر کیا گیا ہے۔
نئی بی او جی میں جامعہ کراچی سے کسی بھی پروفیسر کو شامل نہیں کیا گیا جبکہ اس سے قبل جامعہ کراچی سے بھی ایک پروفیسر بی او جی کا رکن ہوتا تھا۔
ڈی جی آئی ایس پی آر کی آزاد کشمیر کے تعلیمی اداروں کے طلبہ اور اساتذہ کیساتھ خصوصی نشست