ایکنیک نے گلگت بلتستان میں 100 میگاواٹ سولر پلانٹ منصوبہ کی منظوری دیدی
اشاعت کی تاریخ: 9th, August 2025 GMT
—فائل فوٹو
ایگزیکٹو کمیٹی آف نیشنل اکنامک کونسل (ایکنیک) نے گلگت بلتستان میں 100 میگاواٹ سولر پلانٹ منصوبہ کی منظوری دے دی۔ منصوبہ 3 سال کی مدت میں مکمل کیا جائے گا اور لاگت 24 ہزار 957 ملین روپے آئے گی۔
وزیراعظم آفس کی جانب سے جاری کیے گئے بیان میں کہا گیا کہ وزیر اعظم شہباز شریف نے حالیہ دورۂ گلگت بلتستان کی عوام سے وعدہ کیا تھا، ایکنیک کی منظوری کے بعد اس منصوبے پر کام کا باقاعدہ آغاز ہو جائے گا۔
سینٹرل ڈیولپمنٹ ورکنگ پارٹی پہلے ہی منصوبے کی منظوری دے چکی ہے، منصوبے سے استور ، داریل، تنگیر دیامر اور گھانچے کے اضلاع مستفید ہوں گے۔
وزیراعظم متاثرہ علاقوں اورعوام سے اظہار یکجہتی کیلئے جلد گلگت بلتستان کا دورہ کریں گے۔
وزیراعظم آفس کی جانب سے کہا گیا ہے کہ منصوبے سے غذر، گلگت، ہنزہ، اشکومن، نگر، روندو کے اضلاع مستفید ہوں گے، اسکردو اور شگر کے اضلاع بھی 100 میگاواٹ سولر منصوبے سے مستفید ہو سکیں گے۔
پہلے مرحلے میں ضلع اسکردو کو 18.
وزیراعظم آفس کے مطابق تیسرے مرحلے میں بقیہ اضلاع کو 16.096 میگاواٹ بجلی فراہم ہو گی، منصوبے سے اسپتالوں اور سرکاری دفاتر کو آف دی گرڈ 18.162 میگاواٹ بجلی دی جائے گی۔
ذریعہ: Jang News
کلیدی لفظ: گلگت بلتستان میگاواٹ بجلی کی منظوری
پڑھیں:
پاراچنار، ایم این اے حمید حسین کے فنڈز سے ترقیاتی منصوبہ پایہ تکمیل کو پہنچ گیا
افتتاحی تقریب میں علاقے کے معزز مشران و عمائدین نے وفد کا پرتپاک استقبال کیا اور منصوبے کے اجرا پر ایم این اے انجینئر حمید حسین طوری اور مجلس وحدت مسلمین پاکستان کا خصوصی شکریہ ادا کیا۔ اسلام ٹائمز۔ پاراچنار سے رکن قومی اسمبلی انجینئر حمید حسین طوری کے فنڈز سے زیڑان روڈ حسین نغرے میں سید شجاعت گل میاں دوئے کی سالرائزیشن کا منصوبہ پایۂ تکمیل کو پہنچ گیا۔ آج ایم این اے انجینئر حمید حسین طوری کی خصوصی ہدایت پر سیکرٹری پیر سید مسرت کاظمی اور تحصیل چیئرمین مولانا مزمل حسین فصیح نے منصوبے کا افتتاح کیا۔ وفد میں خورشید انور، ساجد کاظمی، حاجی سید نجات حسین اور ایم ڈبلیو ایم پارہ چنار کابینہ کے اراکین بھی شامل تھے۔ افتتاحی تقریب میں علاقے کے معزز مشران و عمائدین نے وفد کا پرتپاک استقبال کیا اور منصوبے کے اجرا پر ایم این اے انجینئر حمید حسین طوری اور مجلس وحدت مسلمین پاکستان کا خصوصی شکریہ ادا کیا۔ عوامی نمائندوں کا کہنا تھا کہ اس منصوبے کی تکمیل علاقے میں ترقی، سہولت اور عوامی خدمت کے تسلسل کی عملی مثال ہے۔
لیبیا میں ساحل کے قریب کشتی الٹ گئی، 61 افراد لاپتہ