مون سون بارشوں کا نیا سلسلہ 13 اگست سے شروع ہوسکتا ہے، ڈی جی پی ڈٰ ایم اے
اشاعت کی تاریخ: 9th, August 2025 GMT
ڈیزاسٹر مینجمنٹ اتھارٹی (پی ڈی ایم اے) کے ڈائریکٹر جنرل عرفان علی کاٹھیا نے دریائے ستلج اور اس سے ملحقہ ندی نالوں میں ممکنہ سیلاب سے خبردار کرتے ہوئے کہا کہ مون سون کی بارشوں کا نیا سلسلہ 13 اگست سے شروع ہونے کا امکان ہے، انہوں نے عوام کو الرٹ رہنے، نشیبی علاقوں سے گریز کرنے اور سرکاری ہدایات پر عمل کرنے کا مشورہ دیا۔
یہ بھی پڑھیں: طوفان تو ٹل گیا لیکن تیز ہواؤں اور بارشوں کا خطرہ موجود ہے، ڈی جی پی ڈی ایم اے بلوچستان
ہفتے کے روز اپنے ایک خصوصی پیغام میں عرفان علی کاٹھیا نے شہریوں کو چوکس رہنے کا مشورہ دیا اور تمام متعلقہ حکام پر زور دیا کہ وہ کسی بھی ہنگامی صورتحال کے لیے پوری طرح تیار رہیں۔انہوں نے گنڈا سنگھ میں پانی کی سطح میں اضافے پر اپنی شدید تشویش کا اظہار کرتے ہوئے کہا کہ حالیہ دنوں میں بھارتی ڈیموں میں پانی میں غیر معمولی اضافہ ریکارڈ کیا گیا ہے۔
انہوں نے کہا کہ بارش کا سبب بننے والا نیا نظام ستلج میں پانی کی سطح کو بلند کر سکتا ہے اگر اپ اسٹریم آبی ذخائر سے پانی چھوڑا گیا تو اس میں مزید اضافے کا امکان ہے۔ انہوں نے کہا کہ آئندہ ہفتے کے دوران بارش کا نیا سلسلہ سے ملک کے بالائی علاقوں کے متاثر ہونے کا امکان ہے۔
یہ بھی پڑھیں: مون سون برسات، پی ڈی ایم اے عوام سے رابطے میں رہے،مریم نواز
ڈی جی نے کہا کہ انڈس ریور سسٹم اتھارٹی اور محکمہ آبپاشی سمیت حکام چوبیس گھنٹے صورتحال پر نظر رکھے ہوئے ہیں۔ پنجاب بھر کے کمشنرز اور ڈپٹی کمشنرز کو الرٹ کر دیا گیا ہے جبکہ ریلیف کمشنر نبیل جاوید نے تمام متعلقہ محکموں کو کسی بھی ہنگامی صورت حال سے نمٹنے کے لیے تیار رہنے کی ہدایت کی ہے۔
انہوں نے یہ بھی کہا کہ وزیر اعلیٰ نے تمام متعلقہ محکموں کو سخت ہدایات جاری کی ہیں کہ وہ کسی بھی ہنگامی صورتحال سے نمٹنے کے لیے مکمل تیاری کو یقینی بنائیں۔عرفان علی کاٹھیا نے مزید کہا کہ وزیر اعلیٰ نے آئندہ مون سون بارشوں کے دوران جان و مال کی حفاظت کے لیے ڈیزاسٹر مینجمنٹ، آبپاشی اور امدادی ایجنسیوں کے درمیان بروقت ردعمل اور تال میل کی اہمیت پربھی زور دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news الرٹ بارش پاکستان ڈی جی پی ڈی ایم اے عرفان علی کاٹھیا.ذریعہ: WE News
کلیدی لفظ: الرٹ پاکستان ڈی جی پی ڈی ایم اے عرفان علی کاٹھیا پی ڈی ایم اے انہوں نے کے لیے کہا کہ
پڑھیں:
منظم خواتین ہی اسلامی انقلاب کی ضامن ہیں‘سمیہ اسلم‘ہاجرہ عرفان
data-id="863a0a8" data-element_type="widget" data-widget_type="theme-post-content.default">
کراچی (پ ر) جماعت اسلامی وومن ونگ ضلع شمالی کے تحت اجتماع عام کی تیاریوں کے سلسلے میں ایک اہم تنظیمی نشست کا انعقاد کیا گیا جس میں معاون کراچی سمیہ اسلم اور نائب ناظمہ کراچی ہاجرہ عرفان نے خصوصی شرکت کی اور تنظیمی نظم و ضبط، ذمہ داریوں کی تقسیم، خواتین کارکنان کی عملی شمولیت اور دعوتی سرگرمیوں میں تیزی لانے کے حوالے سے اہم ہدایات دیں۔ضلع ناظمہ سحر سلطانہ و دیگر نظم، علاقائی ناظمات اور ذمے داران نے اس تربیتی نشست میں شرکت کی۔ معاون کراچی سمیہ اسلم نے اپنی گفتگو میں کہا کہ اجتماع عام کی کامیابی کے لیے خواتین کی تنظیمی صلاحیتیں کلیدی کردار ادا کریں گی۔ اجتماع عام صرف ایک پروگرام نہیں بلکہ تحریک کی روح کو تازہ کرنے اور نئے عزم کے اظہار کا موقع ہے۔ خواتین کارکنان کو چاہیے کہ وہ نظم و ضبط، خدمت اور قربانی کے جذبے کے ساتھ اس مقصد کی تکمیل کے لیے اپنا کردار ادا کریں۔ نائب ناظمہ کراچی ہاجرہ عرفان نے اپنے خطاب میں کہا کہ ہماری منظم اور باکردار خواتین ہی اسلامی انقلاب کی ضامن ہیں۔اجتماع عام میں بھرپور شرکت دراصل اپنے نظریے کو زندہ کرنے کی علامت ہے اور منظم خواتین ہی اسلامی انقلاب کی ضامن ہیں۔ ناظمہ ضلع سحر سلطانہ نے مزید کہا کہ یہ وقت ہے کہ ہم اپنی تمام توانائیاں حق کے پیغام کو عام کرنے میں صرف کریں۔ انہوں نے اس امید کا اظہار کیا کہ خواتین، نظم کی پکار پر اپنی بہترین تنظیمی صلاحیتوں کے ساتھ اجتماع عام کی کامیابی کو یقینی بنائیں گی۔
اسلام آباد ـ:پولیس اہلکاروں پرتشدد کرنے والا نوجوان گرفتار