مظفرآباد: باراتیوں کی گاڑی کھائی میں جا گری، 5 افراد جاں بحق
اشاعت کی تاریخ: 10th, August 2025 GMT
آزاد کشمیر کے دارالحکومت مظفرآباد میں باراتیوں کی گاڑی کو حادثہ پیش آیا ہے جس کے نتیجے میں 5 افراد جاں بحق اور متعدد زخمی ہوگئے۔
میڈیا رپورٹس کے مطابق نواحی علاقے خان پور دبن سے میرا جانے والی باراتیوں کی گاڑی کھائی میں جا گری۔
پولیس کے مطابق حادثے کے نتیجے میں 5 افراد جاں بحق جبکہ متعدد زخمی ہو گئے، گاڑی میں کل 25 افراد سوار تھے۔
پولیس نے بتایا کہ جاں بحق افراد کی لاشوں اور زخمیوں کو فوری طور پر اسپتال منتقل کردیا گیا ہے۔
واضح رہے کہ مظفرآباد کے علاقے راجپوٹھی میں گزشتہ رات بھی باراتیوں کی گاڑی کو ایک حادثہ پیش آیا تھا، جس میں خاتون سمیت 2 افراد جاں بحق ہوگئے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews باراتیوں کی گاڑی جاں بحق حادثہ خان پور دبن زخمی مظفرآباد میرا وی نیوز.ذریعہ: WE News
کلیدی لفظ: باراتیوں کی گاڑی خان پور دبن وی نیوز باراتیوں کی گاڑی افراد جاں بحق
پڑھیں:
انڈونیشیا: نماز جمعہ کے دوران مسجد میں زور دار دھماکا، 54 شہری زخمی
انڈونیشیا کے دارالحکومت جکارتہ میں جمعہ کی نماز کے دوران ایک اسکول کمپلیکس کی مسجد میں دھماکے کے نتیجے میں درجنوں افراد زخمی ہو گئے۔
میڈیا رپورٹس کے مطابق پولیس نے تصدیق کی ہے کہ اسپتال منتقل کیے گئے افراد کی تعداد 50 سے زائد ہے۔
At least 54 people were injured in an explosion during Friday prayers at a mosque in North Jakarta, Indonesia.
Police are investigating the cause of the blast.
Follow: https://t.co/mLGcUTSA3Q pic.twitter.com/bKYqRl3QNr
— Press TV ???? (@PressTV) November 7, 2025
شہر کے پولیس سربراہ نے ایک ٹیلی ویژن پریس کانفرنس میں بتایا کہ شمالی جکارتہ کے علاقے کلاپا گڈنگ میں واقع مسجد میں ہونے والے دھماکے کی وجوہات معلوم کرنے کے لیے تحقیقات جاری ہیں۔
ان کے مطابق اب تک 54 افراد کو مختلف اسپتالوں میں داخل کیا گیا ہے، جنہیں معمولی سے لے کر شدید نوعیت کے زخم آئے ہیں، جبکہ کئی افراد کے جسم جھلس گئے ہیں۔
انڈونیشی نیوز چینلز نے واقعے کی فوٹیج نشر کی جس میں اسکول کے ارد گرد پولیس کی حفاظتی پٹی اور ایمبولینسوں کو کھڑا دکھایا گیا۔
موصولہ تصاویر کے مطابق مسجد کو کوئی وسیع پیمانے پر نقصان نہیں پہنچا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسکول کمپلیکس انڈونیشیا پولیس دھماکا مسجد
انٹربینک میں ڈالر مزید سستا، اوپن کرنسی مارکیٹ میں قدر بغیر کسی تبدیلی کے مستحکم