عدنان صدیقی: وہ چہرہ جو اسکرین کے پیچھے بھی روشنی بانٹتا ہے
اشاعت کی تاریخ: 11th, August 2025 GMT
پاکستانی انٹرٹینمنٹ انڈسٹری کے معروف اداکار عدنان صدیقی نہ صرف ٹی وی اسکرین پر اپنی موجودگی سے لوگوں کے دل جیتتے آئے ہیں، بلکہ ہر کردار کو اس انداز میں نبھایا کہ وہ ناظرین کے دلوں پر نقش ہوگیا۔
ان کے فنی سفر کا آغاز ڈرامہ عروسہ سے ہوا، جہاں ’شہریار‘ نامی نوجوان کردار کے لیے انہوں نے اسکرپٹ ایسے یاد کیا جیسے وہ زندگی کا پہلا امتحان ہو۔ اس وقت انہیں ایسا لگا کہ اگر یہی جذبہ تعلیم میں ہوتا تو پڑھائی بھی کمال کی ہوتی۔
زیب النسا میں سارہ کاظمی کے کمنٹ نے انہیں جھنجوڑا، مگر وہی لمحہ ان کی اداکاری کا ٹرننگ پوائنٹ بن گیا۔ ’میرے پاس تم ہو‘ اور ’جینٹل مین‘ جیسے ڈراموں میں انہوں نے اپنے کرداروں کو نئی جہت دی۔ چاہے لوگ ولن کہیں، وہ جانتے تھے کہ ہر کردار کے اندر انسانیت پوشیدہ ہوتی ہے۔
ان کا کہنا ہے کہ اگر مجھے اپنی خامیاں نظر آنا بند ہو جائیں تو سمجھ لیں میری گروتھ رک گئی ہے۔
سوشل کام کے حوالے سے بھی عدنان صدیقی نے اپنے جذبات کا اظہار کیاکہ ایک فنکار کی معاشرتی ذمہ داریاں بھی ہوتی ہیں۔ وہ ملک کے لیے اپنا حصہ ڈالنے کو اہم سمجھتے ہیں، اور اسی جذبے کے تحت جشن آزادی کو نہایت باوقار انداز میں مناتے ہیں۔
اب وہ اختر حسنین کے ساتھ مل کر ’ڈیجیٹل ڈریمز‘ کے نام سے ایک یوٹیوب چینل شروع کر رہے ہیں جس میں ڈرامے، شوز اور نئے تخلیقی منصوبے شامل ہوں گے۔ ساتھ ہی وہ نئے ٹیلنٹ کو مدعو کر رہے ہیں۔
چاہے آپ رائٹر ہوں، ڈائریکٹر، اداکار یا ٹیکنیکل ماہر، عدنان صدیقی کے انسٹاگرام پر جا کر آڈیشن کے لیے رجوع کیا جا سکتا ہے۔
مزید یہ کہ وہ اداکار اعجاز اسلم کے ساتھ مل کر ایک ایونٹ مینجمنٹ کمپنی کا آغاز بھی کرنے جا رہے ہیں۔ جلد ایک بڑا شو متوقع ہے۔ مزید جانیے سونیا خانزادہ کی اس رپورٹ میں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ٹی وی اسکرین شوبز انڈسٹری عدنان صدیقی فنی سفر معاشرتی ذمہ داریاں نوجوان کردار وی نیوز.
ذریعہ
ذریعہ: WE News
کلیدی لفظ: ٹی وی اسکرین معاشرتی ذمہ داریاں نوجوان کردار وی نیوز کے لیے
پڑھیں:
جوز بٹلر نے ویسٹ انڈیز کے لیجنڈ کو بھی پیچھے چھوڑ دیا
لندن(نیوز ڈیسک) انگلینڈ کے مایہ ناز وکٹ کیپر بلے باز جوز بٹلر نے ویسٹ انڈیز کے لیجنڈ کرس گیل کو پیچھے چھوڑ دیا۔
دی ہنڈریڈ میں مانچسٹر سپر جائنٹس اور لندن اسپرٹ کے درمیان لارڈز میں کھیلے گئے میچ کے دوران بٹلر نے صرف 16 رنز کی اننگز کھیلنے کے باوجود ٹی ٹوئنٹی کیریئر 14 ہزار 572 رنز کے ساتھ ٹی ٹوئنٹی کرکٹ کی تاریخ میں دوسرے سب سے زیادہ رنز بنانے والے بلے باز بن گئے۔
کرس گیل اب 14 ہزار 562 رنز کے ساتھ تیسرے نمبر پر چلے گئے ہیں۔
ٹی ٹوئنٹی کرکٹ میں سب سے زیادہ رنز بنانے کا عالمی ریکارڈ اب بھی ویسٹ انڈیز کے آل راؤنڈر کیرون پولارڈ کے پاس ہے جنہوں نے 14 ہزار 803 رنز بنا رکھے ہیں۔
بٹلر اب اس سنگ میل سے صرف 231 رنز دور ہیں اور رواں سیزن میں یہ اعزاز اپنے نام کر سکتے ہیں۔
واضح رہے کہ 35 سالہ بٹلر بین الاقوامی ٹی ٹوئنٹی کرکٹ میں بھی سب سے زیادہ رنز بنانے والوں کی فہرست میں تیسرے نمبر پر موجود ہیں۔
مزید پڑھیں۔امریکہ کا پاکستان سمیت 60 ممالک پر نئے ٹیرف عائد کرنے کا اعلان
بھارت سے جنگ اور افغانستان میں کارروائی خارج ازامکان نہیں، وزیردفاع