علامہ اقبال کا فلسفہ خودی روشنی کا مینار ہے،مفتی فیض
اشاعت کی تاریخ: 10th, November 2025 GMT
data-id="863a0a8" data-element_type="widget" data-widget_type="theme-post-content.default">
کراچی (مانیٹرنگ ڈیسک)جماعت غوثیہ اہل سنت انٹرنیشنل کے چیئرمین مفتی محمد فیض احمد قادری نے کہا ہے کہ علامہ اقبال کا فلسفہ خودی آج بھی امت مسلمہ کے لیے روشنی کا مینار ہے، اقبال نے مسلمانوں کو اپنے مقام اور حیثیت کا احساس دلایا اور انہیں یہ پیغام دیا کہ اپنی خودی کو پہچانو اور اپنے اندر کی قوت کو بیدار کرو۔ مفتی فیض احمد قادری نے کہا کہ آج امت مسلمہ اقبال کے فلسفہ خودی سے دور ہو چکی ہے یہی وجہ ہے کہ زوال ہمارا مقدر بن گیا ہے۔ اگر مسلمان دوبارہ دنیا میں عزت و عظمت چاہتے ہیں تو انہیں اقبال کے پیغام کو اپنی زندگیوں کا حصہ بنانا ہوگا۔ انہوں نے کہا کہ خودی کا مطلب تکبر یا غرور نہیں بلکہ اپنے رب کی پہچان اپنے مقصد زندگی کا شعور اور اپنی ذمہ داریوں کو سمجھنا ہے۔ اقبال نے بتایا کہ خودی دراصل ایمان عمل اور عشق کا امتزاج ہے جو انسان کو کائنات میں فعال کردار ادا کرنے کی قوت دیتا ہے ۔مفتی فیض احمد قادری نے کہا کہ نوجوان نسل کو اقبال کے فلسفہ خودی سے آگاہ کرنا وقت کی اہم ضرورت ہے تاکہ وہ اپنی صلاحیتوں کو پہچان کر امت اور وطن کی خدمت کر سکیں ۔انہوں نے کہا کہ تعلیمی اداروں میں اقبال کے افکار پر خصوصی لیکچرز اور سیمینارز کا انعقاد کیا جانا چاہیے تاکہ نئی نسل کو اقبال کے نظریہ خودی کی روح سے روشناس کرایا جا سکے۔ انہوں نے کہا کہ اقبال کا پیغام کسی ایک دور یا قوم کے لیے نہیں بلکہ پوری انسانیت کے لیے ہے۔ اقبال ہمیں یہ سبق دیتے ہیں کہ انسان جب اپنے اندر کی قوت کو پہچان لیتا ہے تو وہ دنیا کے نظام میں تبدیلی پیدا کر سکتا ہے ۔مفتی فیض احمد قادری نے کہا کہ جماعت غوثیہ اہل سنت انٹرنیشنل علامہ اقبال کے افکار و فلسفہ کو عام کرنے کے لیے ملک بھر میں پروگرامز اور کانفرنسز کا اہتمام کرے گی تاکہ نوجوانوں کے دلوں میں خودی کا جذبہ دوبارہ زندہ کیا جا سکے۔
ذریعہ
ذریعہ: Jasarat News
کلیدی لفظ: فیض احمد قادری نے کہا فلسفہ خودی نے کہا کہ اقبال کے مفتی فیض کے لیے
پڑھیں:
رکشہ ڈرائیور نے چالان ہونے پر رکشے کو آگ لگا دی
حافظ آباد (ڈیلی پاکستان آن لائن) حافظ آباد میں رکشہ ڈرائیور نے چالان ہونے پر اپنے رکشے کو آگ لگا دی۔
نجی ٹی وی چینل جیو نیوز کے مطابق ٹریفک وارڈن کی جانب سے ریلوے پھاٹک کے قریب رکشہ ڈرائیور کا چالان کیا گیا جس پر ڈرائیور مشتعل ہوگیا اور اس نے اپنے رکشے کو آگ لگا دی۔
پولیس کے مطابق رکشہ ڈرائیور کا کہنا تھا کہ آئے روز کے بھاری جرمانوں سے تنگ ہوکر رکشے کو آگ لگائی ہے۔
دوسری جانب ڈی پی او کامران حمید کا کہنا ہےکہ واقعے کے بعد متعلقہ ٹریفک وارڈن کو معطل کر کے تحقیقات شروع کر دی گئی ہے۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ