اقلیتوں کے دن کو ہم رسمی طور پر نہیں مناتے بلکہ اس کو محسوس بھی کرتے ہیں، سعید غنی
اشاعت کی تاریخ: 11th, August 2025 GMT
سندھ اسمبلی میں خطاب کرتے ہوئے وزیر بلدیات سندھ نے کہا کہ پاکستان بھر میں تمام سیاسی جماعتیں، تمام مذاہب و مسالک سے تعلق رکھنے والے لوگ ایک پیج پر ہیں، پاکستان کے قیام سے قبل اور بعد میں بھی غیر مسلم۔قومیتوں کا بڑا کردار رہا ہے۔ اسلام ٹائمز۔ وزیر بلدیات سندھ سعید غنی نے کہا ہے کہ جتنی حکومتیں پاکستان میں رہی ہیں کسی بھی حکومت کے دور میں ریاست کی یہ پالیسی نہیں رہی کہ وہ غیر مسلم کمیونٹی کو نشانہ بنائے یا ان کو دوسرے درجے کا شہری مانے، مذہب اسلام کی تاریخ اٹھا کر دیکھیں نبی کریم صلی اللہ علیہ وآلہ وسلم کے زمانے سے شروع کریں، خلفائے راشدین کے دور میں چلیں جائیں یا وہ ادوار جس میں مذہب اسلام کی بنیاد پر جو ریاستیں قائم کی گئی وہاں پر غیر مسلموں کے جو حقوق تھے ان کا تحفظ یقینی تھا۔ ان خیالات کا اظہار انہوں نے سندھ اسمبلی میں اقلیتوں کے دن کے حوالے سے ڈپٹی اسپیکر سندھ اسمبلی انتھونی نوید کی پیش کردہ قرارداد پر خطاب کرتے ہوئے کیا۔
سعید غنی نے کہا کہ ماضی میں پاکستان کی تاریخ ہے کہ پاکستان کے بڑے بڑے فیصلے اس ایوان میں ہوئے ہیں جس ایوان میں آج ہم یہ اجلاس منعقد کررہے ہیں۔ انہوں نے کہا کہ 11 اگست 1947ء کی تقریر کے بعد 11 اگست 2009ء کو پاکستان میں اقلیتوں کو دن منایا گیا اور اس کے بعد ہر سال ملک بھر میں اقلیتوں کا یہ دن منایا جاتا ہے۔ انہوں نے کہا کہ اقلیتوں کے دن کو ہم رسمی طور پر نہیں مناتے بلکہ اس کی ایک اہمیت ہے اس کو ہم محسوس بھی کرتے ہیں، پاکستان بھر میں تمام سیاسی جماعتیں، تمام مذاہب و مسالک سے تعلق رکھنے والے لوگ ایک پیج پر ہیں۔ سعید غنی نے کہا کہ پاکستان کے قیام سے قبل اور بعد میں بھی غیر مسلم۔قومیتوں کا بڑا کردار رہا ہے۔
ذریعہ: Islam Times
کلیدی لفظ: نے کہا کہ
پڑھیں:
اسلام آباد میں مساجد کو شہید کرنیکا فیصلہ عذاب الہٰی کو دعوت دینا ہے، کاشف سعید شیخ
اجلاس سے خطاب میں صوبائی امیر نے کہا کہ سندھ حکومت سیکیورٹی کے نام پر اربوں روپے خرچ کرنے کے باوجود شہریوں کی جان و مال کی حفاظت اور قیام امن مین مکمل ناکام ثابت ہوئی۔ اسلام ٹائمز۔ جماعت اسلامی سندھ کے امیر کاشف سعید شیخ نے کہا ہے کہ کراچی میں ڈمپرز اور باقی سندھ میں ڈاکو راج، منشیات فروشوں اور سسٹم کا راج ہے، پھر ان سب کو حکومتی پارٹی میں شامل بااثر شخصیات کی سرپرستی حاصل ہے، مراد علی شاہ کی سندھ حکومت سیکیورٹی کے نام پر اربوں روپے خرچ کرنے کے باوجود شہریوں کی جان و مال کی حفاظت اور قیام امن مین مکمل ناکام ثابت ہوئی، اسلام آباد میں پچاس مساجد مدارس کو شہید کرنے کا فیصلہ اور راتوں رات مدنی مسجد کو شہید کرنا ظلم اور عذاب الہٰی کو دعوت دینے کے مترادف ہے، ان خیالات کا اظہار انہوں نے مہران مرکز سکھر میں سکھر ڈویژن کے ہر سطح کے ذمہ داران کے اجلاس سے خطاب کرتے ہوئے کیا۔ اس موقع پر صوبائی نائب امیر پروفیسر نظام الدین میمن، قیم صوبہ محمد یوسف، نائب قیمین مولانا حزب اللہ جکھرو اور امداداللہ بجارانی بھی ساتھ موجود تھے۔ اجلاس میں کارکردگی رپورٹ، بدامنی، مہنگائی، عوامی کمیٹیوں کا قیام سمیت دیگر دعوتی و تنظیمی امور کا جائزہ لیا گیا۔
کاشف سعید شیخ نے کہا کہ عملی طور میں سندھ میں ڈاکو اور کرپشن کا راج ہے، جس کی وجہ تعلیم، صحت، ٹرانسپورٹ سمیت ہر شعبہ تباہ ہے، صرف صوبائی دارلخلافہ روشنیوں کے شہر کراچی میں رواں سال کے سات ماہ کے دوران 500 سے زائد افراد ٹریفک حادثات اور ڈمپرز کے ٹکر سے جان کی بازی ہار چکے ہیں، صوبے کے دوسرے شہروں کا تو حساب ہی نہیں ہے، یہ ٹریفک پولیس سمیت سندھ حکومت کی نااہلی ہے۔ انہوں نے کہا کہ چوروں، منشیات فروشوں، بھتہ خوروں کو مکمل چھوٹ، عوام کے تحفظ کی کوئی فکر نہیں، سندھ حکومت کی ترجیح عوام کے جیبوں پر ڈاکہ صرف گاڑیوں کی نمبر پلیٹ کی تبدیلی ہے، دودھ اور پانی بیچنے والے پارٹی رہنما تو کھرب پتی بن گئے، مگر سندھ کے عوام آج بھی زندگی کی بنیادی سہولیات سے محروم ہیں۔ انہوں نے کہا کہ سندھ کے تیسرے بڑے شہر سکھر، حیدرآباد، کراچی سمیت کئی شہروں کے عوام پینے کے پانی کیلئے بھی پریشان ہے، جو پارٹی سترہ سال تسلسل کے ساتھ اقتدار میں رہنے کے باوجود عوام کو پینے کا پانی بھی فراہم نہ کر سکے، ان سے بہتری کی امید مزید کیا کی جا سکتی ہے۔
صوبائی امیر نے کہا کہ تیل گیس کوئلے جیسی قدرتی دولت سے مالا مال ہونے کے باوجود نااہل قیادت کی وجہ سے سندھ کے عوام غربت و افلاس اور محرومیوں کی عملی تصویر بنے ہوئے ہیں۔ انہوں نے کہا کہ صرف اہل اور دیانتدار قیادت ہی سندھ کی ترقی عوام کے مسائل حل اور ان کو اپنے حقوقِ دلا سکتی ہے، عوام جماعت اسلامی کا ساتھ دیں، ذمہ داران عوامی رابطہ کمیٹیاں قائم کرکے عوام کے مسائل کے حل کیلئے جدوجہد تیز کردیں۔ انہوں نے کہا کہ سندھ ملکی پیداوار میں سب سے زیادہ گیس و بجلی دینے کے باوجود صوبہ میں 18 گھنٹوں کی لوڈشیڈنگ اور چولہے ٹھنڈے پڑے ہوئے ہیں۔ انہوں نے کہا کہ تھر کے کوئلے کے ذریعے بننے والی بجلی سے دوسرے صوبے میں کارخانے چلتے ہیں، مگر سندھ میں اندھیروں کا راج ہے، اس کی واحد ذمہ دار مفادت پرست حکمران پارٹی ہے، جس نے اقتدار کے بدلے پانی پر ڈاکہ، زمینوں کی بندر بانٹ، گورکھ ہل، کارونجھر جبل کی کٹائی سے لیکر ہر جگہ سندھ برائے فروخت کے بورڈ لگا رکھے ہیں، بجلی، گیس، تیل، کوئلہ سمیت قدرتی وسائل پر پہلا حق سندھ کے عوام کو جوان کا آئینی حق ہے۔
گورنر صاحب کی باتیں کروڑوں کی، لیکن دکان پکوڑوں کی بھی نہیں: سعدیہ جاوید