شبھمن گل جولائی کے لیے آئی سی سی پلیئر آف دی منتھ قرار
اشاعت کی تاریخ: 12th, August 2025 GMT
انٹرنیشنل کرکٹ کونسل (آئی سی سی) نے جولائی 2025 کے لیے پلیئر آف دی منتھ کا اعلان کردیا ہے، جس میں بھارت کے کپتان شبھمن گل نے شاندار کارکردگی کے باعث یہ اعزاز اپنے نام کیا۔
انگلینڈ کے خلاف پانچ میچوں کی ٹیسٹ سیریز میں شاندار بیٹنگ کا مظاہرہ کرنے والے شبھمن گل نے 3 ٹیسٹ میچوں میں 75 کی اوسط سے 754 رنز بنائے، جن میں ایک ڈبل سینچری اور دو سینچریاں شامل ہیں۔ نوجوان بیٹر نے اس دوران سنیل گواسکر اور سچن ٹنڈولکر کا ریکارڈ بھی توڑ ڈالا۔
یہ بھی پڑھیں: آئی سی سی ہال آف فیم میں شمولیت کے بعد ثنامیر کو ایک اور اعزاز مل گیا
ایوارڈ ملنے پر شبھمن گل نے کہاکہ وہ جیوری اور اپنے ساتھی کھلاڑیوں کے شکر گزار ہیں جنہوں نے اس دلچسپ سیریز میں ان کا بھرپور ساتھ دیا۔
انہوں نے کہاکہ وہ آئندہ سیزن میں اپنی فارم برقرار رکھتے ہوئے ملک کا نام مزید روشن کرنے کے لیے پرعزم ہیں۔
آئی سی سی نے اس ایوارڈ کے لیے شبھمن گل کے ساتھ انگلینڈ کے بین اسٹوکس اور جنوبی افریقہ کے ویان ملڈر کو بھی نامزد کیا تھا۔ شبھمن گل یہ اعزاز 4 مرتبہ جیتنے والے پہلے کھلاڑی بن گئے ہیں، اور ان کے مطابق یہ کامیابی ان کے کیریئر اور بطور کپتان ایک نمایاں سنگِ میل ہے۔
یہ بھی پڑھیں: آئی سی سی رینکنگ: پاکستان کی سعدیہ اقبال ٹاپ ٹی 20 بولر بن گئیں
ویمنز کیٹیگری میں پلیئر آف دی منتھ کا اعزاز انگلینڈ کی بیٹر صوفیہ ڈنکلی کو ملا، جنہوں نے بھارت کے خلاف تین ون ڈے میچوں میں 126 رنز اور چار ٹی ٹوئنٹی میچوں میں 144 رنز اسکور کیے، اور ٹی ٹوئنٹی سیریز کی ٹاپ اسکورر رہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئی سی سی اعلان انٹرنیشنل کرکٹ کونسل بھارتی کھلاڑی پلیئر آف دی منتھ شمبھن گل صوفیہ ڈنکلی وی نیوز ویمنز کیٹیگری.ذریعہ: WE News
کلیدی لفظ: اعلان انٹرنیشنل کرکٹ کونسل بھارتی کھلاڑی پلیئر ا ف دی منتھ شمبھن گل وی نیوز ویمنز کیٹیگری شبھمن گل دی منتھ کے لیے
پڑھیں:
وزیرِ اعظم شہباز شریف کا حکومتی اور اتحادی جماعتوں کے سینیٹرز کے اعزاز میں عشائیہ
وزیرِاعظم شہباز شریف نے حکومتی اور اتحادی جماعتوں کے سینیٹرز کے اعزاز میں ایک عشائیہ کا اہتمام کیا ہے، اس موقع پر وزیرِ اعظم نے حکومتی اور اتحادی جماعتوں کے سینیٹرز کا خیرمقدم کیا اور 27 ویں آئینی ترمیم کی منظوری کے عمل میں تعاون پر ان کا شکریہ ادا کیا۔
یہ بھی پڑھیں: وزیراعظم شہباز شریف سے مسلم لیگ (ق) وفد کی ملاقات، 27ویں آئینی ترمیم پر مشاورت
وزیرِاعظم نے کہا کہ وہ صدر مملکت آصف علی زرداری اور تمام اتحادی جماعتوں کے سربراہوں کے مشکور ہیں، جنہوں نے اس قومی سوچ کو بھرپور حمایت فراہم کی۔
انہوں نے کہا کہ وفاق کی مضبوطی، ملک کے وسیع مفاد، صوبوں کے درمیان ہم آہنگی اور بہتر گورننس کے لیے 27 ویں آئینی ترمیم کی مشترکہ کوششیں کی گئی ہیں۔موجودہ حکومت کے دوران حاصل کیے گئے تمام سنگ میل حکومت اور اتحادی جماعتوں کے باہمی تعاون کا نتیجہ ہیں۔
وزیرِاعظم نے کہا کہ پاکستان کی سفارتی کامیابیاں اور دنیا میں نام بھی اتحادی جماعتوں کے مابین ہم آہنگی اور اتحاد کی عکاس ہیں۔
یہ بھی پڑھیں: مجوزہ آئینی ترمیم میں وزیراعظم کو استثنیٰ فی الفور واپس لیا جائے، شہباز شریف کی اپنے سینیٹرز کو ہدایت
انہوں نے مزید کہا کہ ملکی معاشی صورتحال میں بتدریج بہتری آرہی ہے اور اللہ کے فضل و کرم سے ملک میں سیاسی و معاشی استحکام کی بدولت ملک کی سمت درست ہوئی ہے۔
وزیرِ اعظم نے کہا کہ ملک کی ترقی و خوشحالی کے لیے سب کو مل کر کام کرنا ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
27ویں ترمیم we news سینیٹرز عشائیہ وزیراعظم شہباز شریف
نوشہرو فیروز،سڑک حادثے میں 2 افراد جاں بحق، 2 زخمی