نئی دہلی میں نظام الدین درگاہ حادثہ، چھت گرنے سے چھ لوگوں کی موت
اشاعت کی تاریخ: 16th, August 2025 GMT
جوائنٹ سی پی سنجے جین نے بتایا کہ درگاہ شریف پتے شاہ کمپلیکس کی چھت گر گئی جسکے بعد 10 لوگوں کو بچا کر ایمس ٹراما سینٹر اور ایل این جے پی بھیجا گیا۔ اسلام ٹائمز۔ دہلی کے نظام الدین علاقے میں ایک بڑا حادثہ پیش آیا۔ ہمایوں کے مقبرے کے پیچھے واقع فتح شاہ کی درگاہ کی چھت اور دیوار کا ایک حصہ اچانک گر گیا۔ حادثے کے وقت درگاہ کے اندر کئی لوگ موجود تھے جو ملبے تلے دب گئے۔ اس المناک حادثے میں چھ افراد جاں بحق ہوگئے۔ اس واقعہ کے سلسلے میں نامعلوم افراد کے خلاف تعزیرات ہند (بی این ایس) کی دفعہ 106، 125 اور 290 کے تحت ایف آئی آر درج کی گئی ہے۔ مقدمہ درج کر کے تفتیش شروع کر دی گئی ہے۔ ملبے تلے دبے 10 لوگوں کو بچا لیا گیا ہے۔ ریسکیو آپریشن مکمل کر لیا گیا ہے۔ جوائنٹ سی پی سنجے جین نے بتایا کہ درگاہ شریف پتے شاہ کمپلیکس کی چھت گر گئی جس کے بعد 10 لوگوں کو بچا کر ایمس ٹراما سینٹر اور ایل این جے پی بھیجا گیا۔ اطلاع ملنے پر پولیس اور فائر بریگیڈ کی ٹیم موقع پر پہنچ گئی۔ تمام افراد کو ملبے سے نکالنے کے بعد ریسکیو آپریشن روک دیا گیا ہے۔
بتایا جا رہا ہے کہ یہ درگاہ نظام الدین علاقے میں ہمایوں کے مقبرے کے پیچھے واقع ہے۔ شام کے وقت اچانک چھت کی دیوار گر گئی جس کی وجہ سے ایک درجن کے قریب لوگ پھنس گئے اور وہاں چیخ و پکار افراتفری کا ماحول پیدا ہوگیا۔ پولیس انتظامیہ اور فائر بریگیڈ کو فوری طلب کیا گیا۔ کچھ ہی دیر میں فائر بریگیڈ نے موقع پر پہنچ کر امدادی کارروائی شروع کر دی۔ فائر بریگیڈ کے ملازمین کی ٹیم نے فوری طور پر ملبہ ہٹایا اور لوگوں کو علاج کے لئے اسپتال پہنچایا۔ دنیا بھر میں مشہور صوفی پتے شاہ 1607ء میں پیدا ہوئے، وہ اس دور میں ماحول سے اس قدر محبت کرتے تھے کہ انہوں نے اپنی کئی ترکیبوں میں درختوں، پودوں اور پتوں کا ذکر کیا ہے۔
ذریعہ: Islam Times
کلیدی لفظ: فائر بریگیڈ لوگوں کو
پڑھیں:
القدس بریگیڈ نے جال بچھا کر صیہونی فوج کا پورا دستہ اڑا دیا
ذرائع کے مطابق جہاد اسلامی فلسطین کے عسکری ونگ القدس بریگیڈ نے عسکری لحاظ سے انوکھی کارروائی میں غزہ شہر کے النصر محلے میں ایک مخدوش عمارت کو دھماکے سے اڑایا، جس پر صیہونی فوج پہلے ہی بمباری کر چکی تھی۔ اسلام ٹائمز۔ جہاد اسلامی فلسطین کے عسکری ونگ نے غزہ شہر میں حملہ آور صہیونی افواج کے خلاف مجاہدین کے کامیاب آپریشن کی تفصیلات کا اعلان کیا ہے، جس کے نتیجے میں قابض حکومت کے ایک فوجی دستے کے تمام ارکان ہلاک ہوگئے۔
مقاومتی ذرائع کے مطابق جہاد اسلامی فلسطین کے عسکری ونگ القدس بریگیڈ نے عسکری لحاظ سے انوکھی کارروائی میں غزہ شہر کے النصر محلے میں ایک مخدوش عمارت کو دھماکے سے اڑایا، جس پر صیہونی فوج پہلے ہی بمباری کر چکی تھی، دھماکے کے بعد صہیونی فوج کا ایک دستہ وہاں پہنچا۔ عمارت میں دھماکے کے بعد اس طرف آنے والے آئی ڈی ایف کے انجینئرنگ دستے کی نقل و حرکت پر ڈرون سے نظر رکھی گئی۔ اس آپریشن کے نتیجے میں صہیونی حکومت کی فوج کے اس یونٹ کے تمام ارکان ہلاک ہوگئے۔ اس آپریشن کے بعد دشمن نے جائے حادثہ کو فضائی جارحیت کا نشانہ بنایا۔
پاکستان اور آئی ایم ایف میں کلائمٹ فنانسنگ پروگرام کے تحت مذاکرات جاری