خیبر پختونخوا ریلیف اور ریسکیو آپریشن کے لیے 3 ارب روپے جاری ،وزیراعلیٰ علی امین گنڈاپور کامتاثرہ علاقوں کا دورہ
اشاعت کی تاریخ: 16th, August 2025 GMT
پشاور (ڈیلی پاکستان آن لائن) خیبر پختونخوا حکومت نے شدید بارشوں اور سیلاب کی تباہ کاریوں کے بعد ریلیف اور ریسکیو آپریشن کے لیے 3 ارب روپے جاری کردیے ہیں جبکہ وزیراعلیٰ علی امین گنڈاپور متاثرہ علاقوں کا دورہ کرنے کے لیے روانہ ہو گئے ہیں۔
ایکسپریس نیوز کے مطابق وزیراعلیٰ خیبرپختونخوا سردار علی امین خان گنڈاپور ڈیرہ اسماعیل خان سے متاثرہ علاقوں کے دورے پر روانہ ہوگئے، جہاں وہ سیلاب متاثرہ خاندانوں سے ملاقات اور ان کے مسائل سنیں گے۔صوبائی حکومت کی ٹیم پہلے ہی متاثرہ مقامات پر پہنچ کر ریلیف سرگرمیوں اور متاثرین کی ضروریات کا جائزہ لے رہی ہے جب کہ وزیراعلیٰ نے فوری اقدامات کے تحت اپنے میڈیا کوآرڈینیٹر فراز احمد مغل کو بھی متاثرہ علاقوں میں روانہ کیا تاکہ ریلیف سرگرمیوں کی نگرانی اور متاثرین کے مسائل براہ راست سنے جاسکیں۔ حکومت نے اس موقع پر متاثرین کو مکمل تعاون کی یقین دہانی کرائی ہے۔
10 ہزار ملازمین کی ہڑتال ، ایئر کینیڈا کی تمام تر فضائی سروسز معطل
وزیراعلیٰ کی زیر صدارت پشاور میں ایک اہم اجلاس منعقد ہوا، جس میں چیف سیکرٹری، انتظامی سیکرٹریز، ڈویژنل کمشنرز، ڈپٹی کمشنرز اور پی ڈی ایم اے حکام نے شرکت کی۔اجلاس میں سیلاب سے ہونے والے نقصانات، ریسکیو آپریشنز اور ریلیف سرگرمیوں پر تفصیلی بریفنگ دی گئی، جس میں بتایا گیا کہ مختلف حادثات اور ہیلی کاپٹر سانحے سمیت اب تک مجموعی طور پر 309 افراد جان کی بازی ہار چکے ہیں جب کہ 23 افراد زخمی ہیں جن کی تعداد میں اضافے کا خدشہ ہے۔ سیلابی ریلوں سے 63 گھروں کو جزوی نقصان پہنچا ہے جب کہ تباہ شدہ انفرا اسٹرکچر پر سروے جاری ہے جو شام تک مکمل کرلیا جائے گا۔متاثرہ علاقوں میں طبی ٹیمیں، ادویات اور ضروری اشیائے خورونوش پہنچائی جارہی ہیں جبکہ ریسکیو اور بحالی کے عمل کو تیز کردیا گیا ہے۔
9 مئی مقدمات میں ضمانت ، بانی پی ٹی آئی کے وکیل نے اضافی دستاویزات سپریم کورٹ میں جمع کروا دیں
علاوہ ازیں پی ڈی ایم اے کو 1.
وزیراعلیٰ نے متاثرین کو معاوضوں کی ادائیگی 2 دن کے اندر یقینی بنانے، خوراک کی فراہمی میں کسی قسم کی کمی نہ آنے دینے اور ملحقہ اضلاع سے اضافی طبی عملہ بھیجنے کی ہدایت کی۔
مشیر خزانہ خیبرپختونخوا مزمل اسلم نے بتایا کہ وزیراعلیٰ کی ہدایت پر محکمہ خزانہ نے سیلاب متاثرین کے لیے تقریباً 3 ارب روپے جاری کر دیے ہیں۔ ان میں 1.56 ارب روپے محکمہ سی اینڈ ڈبلیو کو سڑکوں، پلوں اور شاہراہوں کی مرمت کے لیے، 1 ارب روپے پی ڈی ایم اے اور ریلیف سرگرمیوں کے لیے جبکہ 50 کروڑ روپے پہلے ہی متاثرہ علاقوں کو جاری کیے جا چکے ہیں۔ صوبائی حکام متاثرہ انفرا اسٹرکچر اور معیشت پر پڑنے والے مالی اثرات کا تخمینہ لگا رہے ہیں اور مزید ریلیف و بحالی کے اقدامات جاری ہیں۔
جڑواں شہروں میں وزیراعظم یوتھ پروگرام اور لاہور قلندرز کے کامیاب کرکٹ ٹرائلز کا انعقاد
مزید :ذریعہ: Daily Pakistan
کلیدی لفظ: ریلیف سرگرمیوں متاثرہ علاقوں ارب روپے جاری کے لیے
پڑھیں:
ملک کے پسماندہ ترین علاقوں کی فہرست جاری، بلوچستان کے کتنے اضلاع شامل ہیں؟
پاکستان پاپولیشن کونسل نے ملک کے ترقیاتی ڈھانچے کی رپورٹ جاری کردی ہے جس نے مختلف علاقوں کے درمیان سہولیات اور ترقی میں عدم برابری سے متعلق تشویشناک تصویر پیش کردی ہے۔
رپورٹ کے مطابق پاکستان کے 20 پسماندہ ترین اضلاع میں سے 17 کا تعلق بلوچستان سے ہے، جبکہ 2 اضلاع خیبر پختونخوا اور ایک سندھ سے تعلق رکھتا ہے، اس فہرست میں پنجاب کا کوئی ضلع شامل نہیں۔
یہ بھی پڑھیے: بلوچستان: گزشتہ مالی سال کی آٰڈٹ رپورٹ جاری، 48 ارب روپے کی بے قاعدگیوں کا انکشاف
رپورٹ کے مطابق واشک، خضدار، کوہلو اور ژوب ملک کے کمزور ترین اضلاع میں سرفہرست ہیں، جبکہ کوہستان، شمالی وزیرستان (خیبر پختونخوا) اور تھرپارکر (سندھ) بھی نہایت پسماندہ علاقوں میں شامل ہیں۔
بلوچستان کے جن اضلاع میں زندگی کا معیار سب سے زیادہ متاثر ہے ان میں واشک، خضدار، کوہلو، ژوب، موسیٰ خیل، ڈیرہ بگٹی، قلعہ سیف اللہ، قلات، شیرانی، جھل مگسی، نصیرآباد، چاغی، بارکھان، ہرنائی، آواران، خاران اور پنجگور شامل ہیں۔
ان اضلاع میں ترقیاتی سہولیات کی قلت، مواصلاتی کمزوری اور معاشی زبوں حالی نے نہ صرف عوام کی روزمرہ زندگی دشوار بنا دی ہے بلکہ مجموعی ترقیاتی عمل کو بھی شدید متاثر کیا ہے۔
یہ بھی پڑھیے: بلوچستان شدید خشک سالی کے خطرے سے دوچار، ماحولیاتی تبدیلی اور کم بارشیں بڑا چیلنج
رپورٹ کے مطابق ملک کے کمزور ترین اضلاع میں رہائشی سہولیات نہایت خراب ہیں۔ ان علاقوں میں 65 فیصد سے زائد گھر کچے یا عارضی ڈھانچوں پر مشتمل ہیں۔ جھل مگسی میں صورتحال اس حد تک سنگین ہے کہ 97 فیصد گھرانے کچے یا نیم پکے گھروں میں رہنے پر مجبور ہیں۔ کئی اضلاع میں نصف سے زیادہ گھرانے بیت الخلا کی بنیادی سہولت سے محروم ہیں جبکہ بڑی تعداد میں گھرانوں کو صاف پانی تک قابلِ بھروسہ رسائی حاصل نہیں۔
بلوچستان کے مواصلاتی اور ٹرانسپورٹ کے مسائل بھی اس رپورٹ کا اہم حصہ ہیں۔ صوبے کے زیادہ تر اضلاع میں رابطہ سڑکوں، ٹرانسپورٹ اور ٹیلی فون سروسز کی شدید کمی ہے، جس کے باعث مقامی آبادی بنیادی خدمات، بازاروں، تعلیمی اداروں اور صحت کے مراکز تک رسائی میں شدید مشکلات کا شکار ہوتی ہے۔ رابطے کے اس فقدان کے باعث ایمرجنسی ردعمل نہایت کمزور پڑ جاتا ہے، جس کا نتیجہ ہنگامی حالات میں نقصان کے بڑھ جانے کی صورت میں نکلتا ہے۔ اس کے برعکس پنجاب کے وسطی اور شمالی علاقوں میں مواصلاتی نظام نسبتاً بہتر ہے، جس نے مقامی ترقی کو فروغ دیا ہے۔
معاشی طور پر بھی بلوچستان کی صورت حال نہایت مایوس کن ہے۔ رپورٹ بتاتی ہے کہ معاشی سرگرمیوں اور روزگار کے لحاظ سے ملک کے بدترین 20 اضلاع میں سے 15 بلوچستان میں ہیں جہاں بے روزگاری کی شرح بلند ہے اور بڑی تعداد میں لوگ بلا معاوضہ گھریلو مزدوری کرنے پر مجبور ہیں۔ خیبرپختونخوا کے پسماندہ علاقوں میں بھی معاشی صورتحال کمزور ہے، تاہم وہاں حالات بلوچستان جتنے تشویشناک نہیں۔
یہ بھی پڑھیے: بلوچستان مہاجرین کے لیے ہمیشہ خوش آمدید کہنے والا صوبہ ہے، وزیراعظم شہباز شریف
صحت کے شعبے میں بھی بلوچستان اور خیبر پختونخوا کے کئی اضلاع سنگین مسائل کا شکار ہیں۔ متعدد علاقوں میں قریبی صحت مرکز تک رسائی کے لیے 30 کلومیٹر سے زائد سفر کرنا پڑتا ہے، اور بدترین ٹرانسپورٹ کی وجہ سے ہنگامی حالات میں تیز طبی امداد ملنا تقریباً ناممکن ہو جاتا ہے۔ یہ صورتحال بچوں اور ماؤں کی صحت کے لیے شدید خطرہ ہے۔
تعلیمی میدان میں کراچی ملک کے ان چند علاقوں میں شامل ہے جہاں اسکولوں کی تعداد سب سے زیادہ ہے، جبکہ بلوچستان اس حوالے سے سب سے پیچھے رہ جانے والا صوبہ ہے۔ صوبے کے بیشتر اضلاع میں اسکولوں کی تعداد نہایت کم ہے جبکہ لڑکیوں کے لیے ہائی اور ہائیر سیکنڈری اسکول تک فاصلہ بہت زیادہ ہے، جس کے باعث شرحِ تعلیم خاص طور پر لڑکیوں میں بہت کم ہے۔
رپورٹ کے ڈیموگرافک حصے میں سندھ کے ضلع تھرپارکر کو ملک کا سب سے زیادہ کمزور ضلع قرار دیا گیا ہے، جہاں شرح پیدائش غیر معمولی طور پر زیادہ ہے اور 5 سال سے کم عمر بچوں کی تعداد آبادی میں نمایاں حصہ رکھتی ہے۔ بڑے خاندانوں کی یہ ساخت نہ صرف تعلیمی نظام بلکہ صحت کی خدمات تک رسائی کو بھی مزید مشکل بنا رہی ہے۔
یہ رپورٹ واضح کرتی ہے کہ پاکستان میں پسماندگی کا مسئلہ متعدد عوامل کے مجموعے کا نتیجہ ہے، جس میں حکومتی عدم توجہی، کمزور انفراسٹرکچر، ناکافی معاشی سرگرمیاں، ناقص صحت و تعلیم کے نظام اور آبادی کے بے تحاشا اضافے جیسے عوامل شامل ہیں۔
یہ بھی پڑھیے: بلوچستان میں موبائل فون اور انٹرنیٹ سروس معطل
بلوچستان جیسے صوبے، جو رقبے کے لحاظ سے ملک کا سب سے بڑا حصہ ہے، مسلسل کم سرمایہ کاری، جغرافیائی دوری، سیکیورٹی چیلنجز اور سیاسی عدم استحکام کے باعث ترقیاتی دوڑ سے بہت پیچھے رہ گئے ہیں۔
اگر وفاقی اور صوبائی حکومتوں نے مربوط حکمت عملی نہ اپنائی، پسماندہ اضلاع کے لیے علیحدہ ترقیاتی پیکیج نہ بنائے، مواصلات اور ٹرانسپورٹ کے بنیادی ڈھانچے میں سرمایہ کاری نہ کی، اور تعلیم و صحت کے نظام کو مضبوط نہ کیا تو یہ پسماندگی آنے والے برسوں میں مزید گہری ہو سکتی ہے۔
بلوچستان اور خیبر پختونخوا کے دور دراز اضلاع کی ترقی نہ صرف مقامی آبادی کے لیے ضروری ہے بلکہ قومی استحکام اور ترقی کے لیے بھی ناگزیر ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلوچستان پسماندگی پنجاب رپورٹ
کراچی میں جاری ترقیاتی منصوبے پائیدار ترقی کیلئے اہم ہوں گے، شرجیل میمن