کراچی میں 7 بچوں کے باپ کی بستر میں لپٹی تشدد زدہ لاش قبرستان سے برآمد
اشاعت کی تاریخ: 16th, August 2025 GMT
نارتھ کراچی محمد شاہ قبرستان میں ڈرم سے ایک شخص کی ہاتھ پاؤں بندھی بستر میں لپٹی لاش ملی، مقتول کو تشدد کا نشانہ بنانے کے بعد سر پر گولی مار کر قتل کیا تھا۔
ایکسپریس نیوز کے مطابق نارتھ کراچی محمد شاہ قبرستان میں ڈرم سے ایک شخص کی ہاتھ پاؤں بندھی بستر میں لپٹی لاش برآمد ہوئی، مقتول کو تشدد کا نشانہ بنانے کے بعد سر پر گولی مار کر قتل کیا تھا ، مقتول اورنگی ٹاؤن کا رہائشی اور 7 بچوں کا باپ تھا۔
سرسید کے علاقے نارتھ کراچی بلال کالونی کچی آبادی محمد شاہ قبرستان گیٹ نمبر کے قریب پلاسٹک کے ڈرم سے ایک شخص کی بستر میں لپٹی لاش ملی۔
اطلاع ملنے پر پولیس موقع پر پہنچ گئی اور لاش کو تحول میں لے کر موقع پر قانونی کارروائی کے بعد لاش چھیپا ایمبولینس کے ذریعے عباسی شہید اسپتال منتقل کی۔
ترجمان چھیپا چوہدری شاہد کے مطابق مقتول کی شناخت 45 سالہ علی اصغر ولد عبدالمجید کے نام سے کی گئی ، مقتول مکان نمبر 187 سیکٹر 14 بی اورنگی ٹاؤن کا رہائشی تھا۔
مقتول کو نامعلوم مقام سے اغوا کر کے نامعلوم مقام پر لے جا کر ہاتھ پاؤں باندھ کر تشدد کا نشانہ بنانے کے بعد کنپٹی پر گولی مار کر قتل کر دیا اور لاش کو بستر میں لپیٹ کر ڈرم میں ڈال کر قبرستان میں پھینک دیا گیا۔
پولیس کی جانب سے اطلاع ملنے پر مقتول کے بھائی اور برادر نسبتی عبدالماجد عباسی شہید اسپتال پہنچ گئے ، مقتول کے رشتے داروں نے بتایا کہ مقتول کے 7 بچے ہیں، پانچ لڑکیا اور دو لڑکے ، مقتول سکینڈ ہینڈ گاڑیوں کی خریدو فروخت کا کام کرتا تھا۔
علی اصغر جمعہ کی شب کھانا کھا کر گھر سے گیا تھا کہ ابھی تھوڑی دیر میں آتا ہوں ، دیر رات تک نہ آنے پر اہلیہ نے رات ڈیڑھ بجے فون کیا تو فون اٹینڈ نہیں ہوا اور میسج آیا کہ تھوڑی دیر میں آتا ہوں پھر رات بھر اہلیہ رابطہ کرنے کی کوشش کرتی رہیں تاہم رابطہ نہیں ہوا،
صبح تقریباً ساڑھے 10 بجے پولیس کی جانب سے اطلاع ملی عباسی شہید اسپتال پہنچ کر دیکھا تو علی اصغر کی لاش پڑی تھی ، پولیس کا کہنا ہے کہ قتل رقم کی لین دین کا تنازعہ لگ رہا ہے تاہم تفتیش کے بعد حقائق سامنے آئی گے ۔
.
ذریعہ
ذریعہ: Express News
کلیدی لفظ: کے بعد
پڑھیں:
شانگلہ: مکان کی چھت گرگئی، 6بچے جاں بحق
( ملک رحمان)صوبہ خیبر پختونخوا کے پہاڑی ضلع شانگلہ میں ایک نہایت افسوس ناک واقعہ پیش آیا ہے جس میں ایک مکان کی چھت گرنے سے 6 بچے جاں بحق ہو گئے ہیں۔
یہ واقعہ ضلع شانگلہ کی تحصیل الپورئی میں پیش آیا، جس میں گزشتہ رات مکان کی چھت اچانک ڈھہ گئی اور گھر میں موجود بچے ملبے تلے دب گئے، واقعے میں ایک بچہ زخمی بھی ہو گیا ہے، جسے طبی امداد دی جا رہی ہے۔
مقامی پولیس کا کہنا ہے کہ لوگوں نے اپنی مدد آپ کے تحت ملبے سے تمام لاشیں اور زخمی بچی کو نکال لیا ہے، جاں بحق بچوں میں ناظرہ، سمیرا، رضوان، نایاب، حیا نور اور عمیرہ بی بی شامل ہیں، جن کی عمریں 5 سے 14 سال کے درمیان ہیں۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
پولیس کا کہنا ہے کہ جاں بحق ہونے والے بچوں کے والد جہان بشر کا کچھ ہی عرصہ قبل انتقال ہوا تھا، اور ان کا مکان کچا تھا۔ مرنے والوں میں پانچ لڑکیاں اور ایک لڑکا شامل ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ