میلبورن میں 10 ملین ڈالر کی چوری، بھارتی شہریوں سمیت 19 افراد گرفتار
اشاعت کی تاریخ: 16th, August 2025 GMT
آسٹریلیا میں 10 ملیں ڈالر کی چوری پر بھارتی شہریوں سمیت 19 افراد کو گرفتار کرلیا گیا ہے۔
آسٹریلیا ٹوڈے کی رپورٹ کے مطابق آسٹریلوی ریاست وکٹوریہ کی پولیس نے شہر کی تاریخ کے سب سے بڑے شاپ لفٹنگ (چوری) نیٹ ورک کا سراغ لگاتے ہوئے 19 افراد کو گرفتار کر لیا ہے، جن پر الزام ہے کہ انہوں نے صرف 5 ماہ کے دوران 10 ملین ڈالرز سے زائد مالیت کی اشیا چرائیں۔
یہ بھی پڑھیں: بھارت کی پدم شری ایوارڈ یافتہ سابق تیراک بولا چودھری کے تمغے اور اعزازات چوری
پولیس کے مطابق گرفتار ملزمان میں زیادہ تر بھارتی شہری ہیں جو عارضی ویزوں پر آسٹریلیا میں مقیم تھے۔ گرفتار ہونے والوں میں 21 سے 54 برس کی عمر کے 6 مرد اور ایک خاتون شامل ہیں، جن پر فی کس چوری کے مقدمات میں 25 ہزار ڈالر سے 1 لاکھ 36 ہزار ڈالر مالیت کی وارداتوں کا الزام ہے۔
یہ نیٹ ورک بڑی سپر مارکیٹ چینز کو نشانہ بنا رہا تھا اور زیادہ تر بچوں کے پینے کے کا فارمولہ، دوائیاں، وٹامنز، اسکن کیئر پراڈکٹس، الیکٹرک ٹوتھ برشز اور دیگر قیمتی ٹوائلٹریز چوری کرتا تھا۔ پولیس کے مطابق یہ گروہ منظم انداز میں چوری شدہ سامان غیرقانونی بیوپاریوں کے ذریعے بیچ کر منافع کما رہا تھا۔
یہ بھی پڑھیں: لیببو گُڑیا کی بڑھتی مقبولیت بڑی چوری کا باعث، 30 ہزار ڈالر کا نقصان
ایسٹ رینجن ڈویژن 1 کی انویسٹیگیشن اینڈ ریسپانس مینیجر، ڈیٹیکٹو ایکٹنگ انسپکٹر راچیلی چیاواریلہ نے اس کارروائی کو بڑی کامیابی قرار دیا۔ ان کا کہنا ہے ’یہ ہماری حالیہ تاریخ کی سب سے بڑی کارروائیوں میں سے ایک ہے جس میں منظم ریٹیل چوری کرنے والے گروہ کو نشانہ بنایا گیا۔ ہمارا پیغام واضح ہے، اگر آپ ہمارے ریٹیل سیکٹر کو نشانہ بنائیں گے تو ہم آپ کو نشانہ بنائیں گے۔‘
پولیس نے بتایا کہ اس آپریشن کو ’سُوپرانوفا‘ کا نام دیا گیا ہے اور اس میں آسٹریلین بارڈر فورس سمیت مختلف اداروں نے تعاون کیا۔ تحقیقات ابھی جاری ہیں اور مزید گرفتاریاں متوقع ہیں۔
یہ بھی پڑھیں: امریکا میں سب سے زیادہ چوری ہونے والی کار کون سی ہے؟
اعداد و شمار کے مطابق وکٹوریہ میں ریٹیل چوری تیزی سے بڑھتی ہوئی جرائم میں شامل ہے، گزشتہ سال ریاست بھر میں 41 ہزار 270 کیسز رپورٹ ہوئے جو 38 فیصد اضافہ ظاہر کرتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آسٹریلیا بھارتی شہری پولیس چوری گرفتاریاں.
ذریعہ
ذریعہ: WE News
کلیدی لفظ: ا سٹریلیا بھارتی شہری پولیس چوری گرفتاریاں کے مطابق کو نشانہ
پڑھیں:
اٹلی میں چار پاکستانی زرعی مزدوروں کا قتل، دو پاکستانی شہری گرفتار
اسلام آباد (اُردو پوائنٹ ۔ DW اردو۔ 02 جون 2026ء) اخبار کے مطابق جلی ہوئی گاڑی امینڈولارا نامی گاؤں کے قریب ایک پٹرول پمپ پر ملی، جو کالابریا کے وسیع زرعی علاقے میں واقع ہے۔
اخبار کے مطابق پٹرول پمپ کے سی سی ٹی وی کیمروں کی فوٹیج میں دو افراد کو منی وین کے دروازے باہر سے بند کرتے اور اس کے اندر آتش گیر مائع پھینکتے ہوئے دیکھا گیا۔
رپورٹ کے مطابق اس کے بعد گاڑی میں آگ بھڑک اٹھی اور دونوں مشتبہ افراد موقع سے فرار ہو گئے۔
فائر بریگیڈ نے آگ بجھانے کے بعد گاڑی کے اندر سے چار لاشیں برآمد کیں۔
مقامی پولیس چیف نے اس اطالوی اخبار سے گفتگو کرتے ہوئے کہا، ’’یہ یقینی طور پر قتل کا واقعہ ہے، اب ہمیں صرف اس کی تفصیلات معلوم کرنا ہیں۔
(جاری ہے)
‘‘
اخبار نے مزید لکھا کہ گزشتہ چند مہینوں کے دوران اس علاقے میں پاکستانیوں کی گاڑیوں اور منی وینز کے نذر آتش کیے جانے کے 14 واقعات پیش آ چکے ہیں۔
رپورٹ کے مطابق علاقے میں تارکین وطن کے مختلف گروہوں کے درمیان زرعی کام کی تقسیم، رہائشی دستاویزات (ریذیڈنسی پیپرز)، اور رہائش کے مسائل پر کشیدگی پائی جاتی ہے، جسے ممکنہ طور پر اس واقعے کے پس منظر سے جوڑا جا رہا ہے۔
اطالوی حکام اس واقعے کی تحقیقات جاری رکھے ہوئے ہیں تاکہ اکٹھے چار افراد کے اس قتل کے محرکات اور اس کے ذمہ دار افراد کے اس جرم میں کردار کی مکمل طور پر وضاحت ہو سکے۔
ادارت: مقبول ملک
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ