سیلاب متاثرہ علاقوں میں ریلیف آپریشن شروع کیے جائیں‘ راغب نعیمی
اشاعت کی تاریخ: 17th, August 2025 GMT
لاہور (این این آئی) اسلامی نظریاتی کونسل کے چیئرمین علامہ راغب حسین نعیمی نے ملک کے مختلف حصوں میں حالیہ شدید بارشوں اور سیلابی صورتحال کے باعث ہونے والے جانی و مالی نقصانات پر گہرے دکھ اور افسوس کا اظہار کیا ہے۔ انہوںنے گلگت بلتستان، خیبر پی کے اور آزاد کشمیر میں کلاؤڈ برسٹ اور سیلابی ریلوں سے جانی و مالی نقصان پر ِ افسوس اور جاں بحق افراد کے لواحقین سے دلی تعزیت اور ہمدردی کا اظہارکرتے ہوئے سیلابی ریلوں سے زخمی ہونے والوں کی جلد صحتیابی کے لیے دعا کی۔ اسلامی نظریاتی کونسل کے چیئرمین علامہ راغب حسین نعیمی نے کہاکہ متاثرہ علاقوں میں فوری ریلیف آپریشن شروع کیے جائیں۔محفوظ رہائش، خوراک اور طبی امداد کی فراہمی یقینی بنائی جائے۔نقصانات کے ازالے کے لیے مؤثر اور شفاف اقدامات کیے جائیں۔ یہ وقت قومی یکجہتی، خدمت اور امداد کا ہے۔ ریاستی اداروں، فلاحی تنظیموں، مساجد و مدارس اور عام شہریوں کو چاہیے کہ وہ متاثرین کی ہر ممکن مدد کریں اور ان کے ساتھ کھڑے ہوں۔ انہوں نے کہا کہ اسلامی تعلیمات سے ہمیں دکھ کی گھڑی میں ایک دوسرے کا سہارا بننے کا درس ملتاہے۔ متاثرہ افراد کی مدد اور بحالی کے لیے ہر ممکن اقدامات کیے جائیں‘زخمی افراد کو فوری اور معیاری طبی سہولتیں فراہم کی جائیں۔
.ذریعہ: Nawaiwaqt
کلیدی لفظ: کیے جائیں
پڑھیں:
میکسیکو میں بدعنوانی کیخلاف جین زی کا احتجاج‘ جھڑپیں‘ 120 افراد زخمی
data-id="863a0a8" data-element_type="widget" data-widget_type="theme-post-content.default">
251117-01-19
میکسیکو سٹی (مانیٹرنگ ڈیسک) میکسیکو میں عدم تحفظ اور بدعنوانی کے خلاف مختلف شہروں میں جین زی گروپ کا احتجاج پھیل گیا، جھڑپوں میں 120 افراد زخمی ہو گئے جن میں پولیس اہلکار بھی شامل ہیں۔میکسیکو سٹی میں جین زی گروپ سے وابستہ افراد کی بڑی تعداد صدارتی محل کے سامنے جمع ہوئی اور حکومت کے خلاف نعرے بازی کی، مظاہرین نے صدارتی محل کے سامنے سیکورٹی رکاوٹیں عبور کرلیں، اس دوران پولیس اور مظاہرین میں جھڑپیں ہوئیں۔پولیس نے مظاہرین کو منتشر کرنے کے لیے طاقت کا استعمال کیا، آنسو گیس کے شیل برسادیے، مظاہرین نے بھی پولیس پر پتھراؤ کیا، پولیس اور مظاہرین کے درمیان جھڑپوں کے دوران علاقہ میدان جنگ کا منظر پیش کرتا رہا۔ میکسیکو میں جین زی گروپ نے 50 سے زیادہ شہروں میں احتجاج کی کال دی ہے، دوسری جانب حکومت نے احتجاج کو بیرونی فنڈنگ سے ہونے والا مخالفین کا سیاسی حربہ قرار دے دیا۔یاد رہے کہ رواں ماہ کے آغاز میں بھی میکسیکو کی ریاست مِچوآکان میں ایک میئر کے قتل کے بعد احتجاجی مظاہرے ریکارڈ کیے گئے، اس میئر نے بدمعاش گروپوں کے خلاف کارروائی کا اعلان کیا تھا جس پر اسے قتل کر دیا گیا۔ مِچوآکان کے شہر اْروپان کے میئر کارلوس مانزو کو ایک تقریب کے دوران فائرنگ کر کے قتل کر دیا گیا تھا، جس کے بعد مشتعل مظاہرین نے سرکاری عمارت پر دھاوا بول دیا اور مظاہرین نے اْروپان کے گورنر الفریڈو رامیرز بیڈولا سے مستعفی ہونے کا مطالبہ کیا۔واضح رہے کہ جین زی نوجوان نسل کا ایک رجحان ہے جو دنیا کے مختلف ملکوں میں پھیلا، اس رجحان کے تحت نوجوانوں نے ماحولیاتی تحفظ، بدعنوانی کے خاتمہ، سیاست پر مخصوص طبقہ کی اجارہ داری کا خاتمہ ، جنس و نسل کی برابری کے لیے اہم کردار ادا کیا ہے۔
پنجاب بھر کی عدالتوں میں سیکیورٹی انتظامات مزید سخت