سسٹم ٹھیک کئے بغیر حالات ٹھیک نہیں ہونگے‘ 27 ویں ترمیم تباہی لائیگی: حافظ نعیم
اشاعت کی تاریخ: 17th, August 2025 GMT
لاہور (نوائے وقت رپورٹ) مرکزی تربیت گاہ سے خطاب کرتے ہوئے حافظ نعیم الرحمن نے کہا ملک بدامنی اور لوٹ مار کا شکار ہے۔ سیاست یرغمال ہے اور اس کا مطلب جھوٹ اور دھوکہ دہی سمجھا جاتا ہے۔ سیاست گولی، گالی اور قوم کو تعصبات پر تقسیم کرنا کی شکل اختیار کر چکی ہے۔ جماعت اسلامی سیاست کو دین کے طابع کرنا چاہتی ہے۔ ہم انسانوں کو انسانوں کی غلامی سے نکال کر اللہ کی حاکمیت کا نظام لانا چاہتے ہیں۔ انہوں نے اس امر پر افسوس کا اظہار کیا کہ سیاستدان اپوزیشن میں ہوتے ہوئے اسٹیبلشمنٹ کی شکایت، اقتدار میں آکر چاپلوسی کرتے ہیں۔ عدالتی نظام عوام کو انصاف کی فراہمی میں ناکام ہوگیا۔ عدالتوں میں لاکھوں مقدمات زیرالتوا ہیں، ججز لکھے لکھائے فیصلے پڑھ دیتے ہیں، چھبیسویں ترمیم نے عدالت کے دانت توڑ دئیے۔ ستائیسویں مزید تباہی لائے گی۔ قانونی حیثیت دے کر پنچایت کا نظام مقامی سطح پر بن جائے تو 80 فیصد عوامی مسائل حل ہو جائیں۔ ملک میں طبقاتی نہیں بلکہ سب کے لیے یکساں نظام تعلیم ہونا چاہیے۔ سسٹم ٹھیک نہیں ہوگا تو حالات بہتر نہیں ہو سکتے۔ سسٹم کی بہتری کی بھرپور عوامی جد وجہد کے آغاز کے لئے جماعت اسلامی عوامی کمیٹیاں تشکیل دے رہی ہے۔ یقین دلاتا ہوں ان شاء اللہ جماعت اسلامی بڑی عوامی قوت بنے گی۔ عوام کو نومبر کے اجتماع عام میں شرکت کی دعوت دیتا ہوں، یہ اجتماع نظام کی تبدیلی اور انقلاب کا باعث بنے گا۔ ٹرمپ انسانیت کے قتل میں نتین یاہو کے ساتھ برابر کا شریک ہے۔ امریکی صدر غزہ میں اسرائیلی مظالم کی سرپرستی کر رہا ہے۔ مغرب کا معیار دوہرا ہے، ان کی جمہوریت دولت کے تابع ہے۔
.ذریعہ: Nawaiwaqt
پڑھیں:
استقامتی محاذ کی حمایت کے لئے ہم ایران کے شکر گذار ہیں، شیخ نعیم قاسم
اسلامی جمہوریہ ایران کی اعلی قومی سلامتی کونسل کے سیکریٹری نے جمعرات کو حزب اللہ کے سربراہ سے ملاقات میں جنوبی لبنان کی صورتحال اور غزہ کے حالات کا جائزہ لیا۔ حزب اللہ کے سربراہ نے صیہونی دشمن کے مقابلے میں، اسلامی جمہوریہ ایران کی جانب سے استقامتی محاذ اور لبنان کی خود مختاری و اقتدار اعلی کی حمایت کی قدردانی کی۔ اسلام ٹائمز۔ حزب اللہ لبنان کے سربراہ نے استقامتی محاذ کے لئے اسلامی جمہوریہ ایران کی بے دریغ حمایت کی قدردانی کی ہے۔ رپورٹ کے مطابق اسلامی جمہوریہ ایران کی اعلی قومی سلامتی کونسل کے سیکریٹری ڈاکٹر علی لاریجانی نے جمعرات کو حزب اللہ کے سربراہ شیخ نعیم قاسم سے ملاقات کی۔ اس ملاقات میں جنوبی لبنان کی صورتحال اور غزہ کے حالات کا جائزہ لیا گیا۔ حزب اللہ کے سربراہ شیخ نعیم قاسم نے صیہونی دشمن کے مقابلے میں، اسلامی جمہوریہ ایران کی جانب سے استقامتی محاذ اور لبنان کی خود مختاری و اقتدار اعلی کی حمایت کی قدردانی کی۔
انھوں نے تہران اور بیروت کے برادرانہ اور دوستانہ روابط کی اہمیت پر زور دیا۔ یاد رہے کہ اسلامی جمہوریہ ایران کی اعلی قومی سلامتی کونسل کے سیکریٹری ڈاکٹر علی لاریجانی گزشتہ روز بغداد کا دورہ مکمل کرکے بیروت پہنچے اور لبنان کے صدر جوف عون اور لبنانی پارلیمنٹ کے اسپیکٹر نبیہ بری سے ملاقات اور گفتگو کی۔ انھوں نے آج شہید سید حسن نصراللہ کے مزار پر حاضری دی اور عوامی اجتماع سے خطاب کیا۔
انھوں نے اپنے خطاب میں شہید سید حسن نصراللہ کی مجاہدت اور ان کی قیادت میں غاصب صیہونی حکومت کے مقابلے میں حزب اللہ کی کامیابیوں کاذکر کیا اور حزب اللہ کے مجاہدین سے مخاطب ہوکر کہا کہ آج آپ کے خلاف جاری سازشیں آپ کے موثر ہونے کا ثبوت ہیں۔ اسلامی جمہوریہ ایران کی اعلی قومی سلامتی کونسل کے سیکریٹری علی لاریجانی نے لبنان اور حزب اللہ کی حمایت جاری رکھنے کا اعلان کیا۔
گوشت کی قیمتوں کا نیا عالمی ریکارڈ، چین اور امریکہ کی درآمدی طلب میں اضافہ