جب بھی آر ایس ایس اور بی جے پی اقتدار میں آتے ہیں تب تاریخ کو بدلنے کی کوشش کرتے ہیں، اسد الدین اویسی
اشاعت کی تاریخ: 17th, August 2025 GMT
رکن پارلیمنٹ نے تعلیمی مواد میں وزیراعظم کی تصویر کشی کو بھی چیلنج کیا اور آر ایس ایس کی حلف اور بنیادی اصولوں کے بارے میں شفافیت پر زور دیا۔ اسلام ٹائمز۔ آل انڈیا مجلس اتحاد المسلمین کے سربراہ اسد الدین اویسی نے آر ایس ایس اور بھارتیہ جنتا پارٹی (بی جے پی) پر سخت حملہ کرتے ہوئے الزام لگایا کہ وہ "این سی ای آر ٹی" کی نصابی کتابوں میں منتخب تبدیلیوں کے ذریعے منظم طریقے سے تاریخ کو مسخ کر رہے ہیں۔ انہوں نے کہا کہ وہ جب جب اقتدار میں آتے ہیں تب تب تاریخ کو بدلنے کی کوشش کرتے ہیں۔ ایک ٹیلی ویژن بحث میں اسد الدین اویسی نے اسکول کے نصاب سے اہم تاریخی حقائق کو مسخ کرنے پر سوال اٹھایا۔ انہوں نے کہا کہ 1941ء میں جب بی جے پی کے لیڈر شیاما پرساد مکھرجی بنگال کی کابینہ میں وزیر تھے، تب فضل الحق اس حکومت کی قیادت کر رہے تھے، جنہوں نے مسلم لیگ کے لاہور اجلاس میں پاکستان کی قرارداد پیش کی تھی اور وزیر اعظم مودی ان کی بات کر رہے ہیں۔ انہوں نے کہا کہ ہم نظریاتی طور پر آر ایس ایس، بی جے پی کے خلاف تھے اور رہیں گے۔
مجلس اتحاد المسلمین کے سربراہ اسد الدین اویسی نے پوچھا "آپ یہ کیوں نہیں سکھاتے کہ مکھرجی کابینہ کے رکن تھے، یہ تاریخ ہے، اسے کیوں چھپایا جا رہا ہے"۔ انہوں نے استفسار کیا کہ سول نافرمانی کی تحریک، بھارت چھوڑو تحریک اور اینٹی سیٹلمنٹ ستیہ گرہ جیسی بڑی آزادی کی تحریکوں میں کہیں آر ایس ایس نظر آتی ہے۔ انہوں نے کہا کہ یہ حقیقت جان بوجھ کر سکول کی نصابی کتابوں سے دور رکھی گئی ہے۔ انہوں نے کہا کہ آپ چنندہ چیزیں سکھاتے ہیں اور اپنے نظریاتی لیڈروں کو بے داغ بنا کر پیش کرتے ہیں۔ انہوں نے کہا کہ سچائی کو نظریاتی فلٹر کے بغیر پڑھایا جانا چاہیئے۔ اسد الدین اویسی نے تعلیمی مواد میں وزیراعظم کی تصویر کشی کو بھی چیلنج کیا اور آر ایس ایس کی حلف اور بنیادی اصولوں کے بارے میں شفافیت پر زور دیا۔
انہوں نے کہا کہ پچھلے کچھ برسوں میں این سی ای آر ٹی کی نصابی کتابوں میں منظم تبدیلیوں کے سوال پر کہا کہ آر ایس ایس اور بی جے پی کو ہمیشہ سے تاریخ کو مسخ کرنے کی عادت رہی ہے، یہ ان کا بنیادی ایجنڈا رہا ہے، وہ جب جب اقتدار میں آتے ہیں، تب تب تاریخ کو مسخ کرتے ہیں۔ اسد الدین اویسی نے یہ بھی کہا کہ مرکز کی بی جے پی حکومت کو این سی ای آر ٹی کے ذریعہ متعارف کرائے گئے نصاب میں شمس الاسلام کی کتاب "مسلمان اگینسٹ پارٹیشن" کو شامل کرنا چاہیئے۔ انہوں نے کہا کہ تقسیم کے بارے میں یہ جھوٹ بار بار دہرایا جاتا ہے کہ مسلمانوں نے تقسیم کی حمایت کی تھی، جب کہ اس وقت دو تین فیصد مسلمانوں کو بھی ووٹ کا حق حاصل نہیں تھا۔ صرف ایلیٹ کلاس جیسے جاگیرداروں اور جاگیرداروں کو ووٹ کا حق دیا گیا۔ انہوں نے کہا کہ آج بھی آر ایس ایس اور بی جے پی ملک کی تقسیم کا الزام مسلمانوں پر لگاتے ہیں جو خود اس کے حامی تھے، ہم اس کے ذمہ دار کیسے ہیں، جو بھاگ گئے۔
ذریعہ
ذریعہ: Islam Times
کلیدی لفظ: اسد الدین اویسی نے انہوں نے کہا کہ ایس ایس اور آر ایس ایس کو مسخ کر کرتے ہیں تاریخ کو بی جے پی
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم