وادی نیلم میں سیاحوں کی گاڑی کو حادثہ، 5 افراد جاں بحق
اشاعت کی تاریخ: 19th, August 2025 GMT
ریسکیو حکام کے مطابق حادثہ شنڈاس کے مقام پر سڑک کی خستہ حالی کے باعث پیش آیا۔ گاڑی میں ڈرائیور سمیت 6 افراد سوار تھے۔ اسلام ٹائمز۔ وادی نیلم کے علاقے شنڈاس میں سیاحوں کی گاڑی المناک حادثے کا شکار ہو گئی جس کے نتیجے میں خاتون سمیت 5 افراد جان کی بازی ہار گئے جبکہ ایک کمسن بچی زخمی ہو گئی۔ پولیس کنٹرول روم کے مطابق کراچی کی فیملی، جو تاؤبٹ سیر کو نکلی تھی کی شنڈاس کے مقام پر گاڑی حادثے کا شکار ہوئی۔حادثے میں ڈاکٹر ذیشان شاہد اور ان کی بیگم جاں بحق ہو گئے جبکہ ان کی شیر خوار بچی معجزاتی طور پر بچ گئی۔ گاڑی کا ڈرائیور اور کنڈیکٹر بھی موقع پر جاں بحق ہو گئے۔ ریسکیو حکام کے مطابق حادثہ شنڈاس کے مقام پر سڑک کی خستہ حالی کے باعث پیش آیا۔ گاڑی میں ڈرائیور سمیت 6 افراد سوار تھے۔ جاں بحق افراد کی لاشوں کو اے ڈی ایس ہلمت منتقل کر دیا گیا ہے۔
.ذریعہ: Islam Times
پڑھیں:
حادثات وواقعات میں بچوں اور خاتون سمیت 15 افراد جاں بحق
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) شہر کے مختلف علاقوں میں حادثات و پرتشدد واقعات میں بچوں اور خاتون سمیت 15افراد جاں بحق اور 4افراد زخمی ہوگئے۔ تفصیلات کے مطابق لانڈھی کے علاقے معین آباد فیوچر کالونی میں جائیداد کے تنازع پر بڑے بھائی اختر سید نے چھوٹے بھائی وزیر شاہ ولد سید چراغ کو ہتھوڑے کے وار کرکے قتل کردیا۔ ایس ایچ او شرافی گوٹھ کے مطابق مقتول بے روزگار تھا، جبکہ ملزم واقعے کے بعد فرار ہوگیا۔ اتحا د ٹاون تھانے کی حدود بلدیہ سیکٹر 9E نزد پکوڑا اسٹاپ کے قریب گھر میں پانی کی بالٹی میں گر کر 1 سالہ بچہ وقاص احمد جاں بحق ہوگیا۔ گلبرگ تھانے کی حدود موسیٰ کالونی یو سی پارک کے قریب معمولی جھگڑے کے دوران دوست نے طیش میں آکر اپنے ہی دوست کو چھری کے وار سے قتل کردیا۔ ملزم کی شناخت کامران اور جاں بحق نوجوان کی شناخت 20 سالہ وسیم ولد ابراہیم کے نام سے ہوئی ہے۔ شیر پاؤ قبرستان کے قریب سر پر گولی لگی ایک شخص کی لاش ملی ،مقتول کی لاش کو اسپتال منتقل کر دیا گیا ۔اورنگی ٹاؤن ایم پی آر کالونی قصبہ فٹبال گراؤنڈ کے قریب فائرنگ سے ایک شخص ہلاک ہوگیا ، مقتول کی شناخت نہ ہوسکی۔ اتحاد ٹاؤن تھانے کی حدود بلدیہ اتحاد ٹاؤن خیبر چوک کے قریب فائرنگ سے 2 افراد جاں بحق ہوگئے۔ مقتولین کی شناخت 22سالہ ابراہیم ولد عبدالحکیم اور 25سالہ حضرت خان ولد قطب الدین کے ناموں سے ہوئی۔ دوسری جانب جیل چورنگی اسٹاپ کے قریب موٹر سائیکل کی چین میں برقعہ آجانے کے باعث گرنے سے 45 سالہ خاتون شازیہ جاں بحق ہو گئیں۔ کلفٹن 2 دریا کے ساحل پر سمندر میں نہانے کے دوران ایک نوجوان ڈوب کر لاپتا ہو گیا۔ اورنگی ٹاؤن 13 نمبر کے قریب تیز رفتار گاڑی کی ٹکر سے موٹر سائیکل سوار 28سالہ افشاں خاتون دختر نور علی جاں بحق ہوگئی۔ گلشن اقبال میں واقع رہائشی عمارت عثمان پلازہ میں تیسری منزل کے ایک فلیٹ سے بزرگ شخص کی لاش ملی اور خاتون کو بے ہوشی کی حالت میں پایا گیا۔ جاں بحق شخص کی شناخت 76 سالہ اقبال الدین جبکہ بے ہوش خاتون کی شناخت امینہ کے نام سے ہوئی، دونوں آپس میں بھائی بہن ہیں۔ سہراب گوٹھ کے علاقے الآصف سپر مارکیٹ ملک آغا ہوٹل کے قریب گٹر میں کام کے دوران دم گھٹنے سے 2 خاکروب جان کی بازی ہار گئے۔ پی آئی بی کالونی کی حدود پرانی سبزی منڈی عسکری پارک والی گلی میں چھت سے گر کر 21 سالہ خاتون سیما جاں بحق ہوگئی۔ درخشاں تھانے کی حدود ڈیفنس فیز 5 خیابان بدرکمرشل کے قریب رہائشی فلیٹ سے خواجہ سرا 24سالہ عبداللہ ولد طفیل کی پھندا لگی لاش ملی۔ دوسری جانب اورنگی ٹاؤن بخاری کالونی بدر مسجد کے قریب فائرنگ سے 55 سالہ تاج محمد ولد خیر محمد،کھارا در تھانے کی حدود نزد سلمان مٹھائی والے کے قریب ڈکیتی کے دوران مزاحمت پر 50سالہ حنیف ولد یوسف ، اورنگی ٹاؤن سیکٹر ساڑے 11 خلیل مارکیٹ نزد اسلامیہ مسجد کے قریب ڈکیتی کے دوران مزاحمت پر فائرنگ سے 35 سالہ نور عالم شدید زخمی ہوگیا۔ جبکہ دکاندار کی فائرنگ سے ایک ڈاکو بھی زخمی ہوا جسے شہریوں نے زخمی حالت میں پکڑ کر پولیس کے سپرد کر دیا گیا۔
پاکستان اور آئی ایم ایف میں کلائمٹ فنانسنگ پروگرام کے تحت مذاکرات جاری