اسلامی ریاست کی اصل بنیاد سماجی انصاف ہے، احسن اقبال
اشاعت کی تاریخ: 19th, August 2025 GMT
وفاقی وزیرمنصوبہ بندی احسن اقبال نے کہا ہے کہ اسلامی ریاست کا اصل ماڈل فتوحات نہیں بلکہ سماجی انصاف ہے، ان کے مطابق انڈونیشیا اور ملائیشیا جیسے ممالک میں اسلام جنگ یا تلوار سے نہیں بلکہ تاجروں کے کرداراوراخلاقیات کے ذریعے پھیلا۔
اسلام آباد میں رحمت اللعالمینﷺ اتھارٹی کے زیر اہتمام ’اسلام اور اقلیتیں‘ کے موضوع پر منعقدہ سیمینار سے خطاب کرتے ہوئے احسن اقبال نے کہا کہ نائن الیون کے بعد امریکا میں بنائی گئی ایک دستاویزی فلم میں بھی اسلامی ریاست کی اصل طاقت کو سماجی انصاف قرار دیا گیا۔
یہ بھی پڑھیں: اتحادی حکومت میں ہلکی پھلکی موسیقی چلتی رہتی ہے، احسن اقبال کا شازیہ مری کو جواب
احسن اقبال کا کہنا تھا کہ ریاست مدینہ میں انصاف وہ قوت تھی جس نے لوگوں کو مقناطیس کی طرح اپنی طرف متوجہ کیا، ریاست اور شہریت کا معاہدہ کسی بھی معاشرے کی بنیاد ہوتا ہے اور اگر بنیادی انسانی حقوق میسر نہ ہوں تو ریاست کمزور پڑ جاتی ہے۔
ان کے مطابق بھارت میں اقلیتوں پر ظلم کے خلاف آواز بلند کرنا درست ہے، لیکن پاکستان میں ناانصافی پر خاموشی اختیار کرنا مناسب نہیں۔
مزید پڑھیں: ورلڈ بینک کے منصوبوں پر بلوچستان کے تحفظات دور کریں گے، وزیر منصوبہ بندی احسن اقبال کی یقین دہانی
رحمت اللعالمین اتھارٹی کے چیئرمین خورشید احمد ندیم نے کہا کہ قائداعظم کی 11 اگست کی تقریر دراصل میثاق مدینہ کی عکاسی تھی جس میں پاکستان کو اقلیتوں کے لیے محفوظ پناہ گاہ قراردیا گیا، انہوں نے کہا کہ جتنا پاکستان اسلامی ریاست کے اصولوں پر قائم ہوگا، اقلیتیں اتنی ہی زیادہ محفوظ ہوں گی۔
اس موقع پرخورشید احمد ندیم نے اور ڈاکٹر ریاض محمود نے اپنی نئی کتاب اسلام اوراقلیتیں کی رونمائی بھی کی، جس کے بارے میں مقررین نے کہا کہ یہ کتاب امن، برداشت اور بھائی چارے کا پیغام اجاگر کرتی ہے۔
مزید پڑھیں: وفاقی وزیر احسن اقبال نے بیوروکریٹک رکاوٹوں کا گلہ کیوں کیا؟
وزیر مملکت برائے تعلیم وجیہہ قمر نے کہا کہ تعلیم ہی معاشرتی ہم آہنگی اورمساوات کی ضمانت ہے اور وقت کا تقاضا ہے کہ خواتین اوراقلیتوں کے کردار کو تسلیم کیا جائے۔
سیمینار میں مقررین نے زور دیا کہ پاکستان میں برداشت، بھائی چارے اور امن کے فروغ کی اشد ضرورت ہے کیونکہ مذہبی آزادی اور ہم آہنگی ہی ملک کو ترقی کی راہ پر گامزن کرسکتی ہے، ان کے مطابق تمام مذاہب کے احترام کو یقینی بنانا آئین پاکستان کا بنیادی اصول ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احسن اقبال خورشید احمد ندیم ڈاکٹر ریاض محمود رحمت اللعالمینﷺ اتھارٹی ریاست مدینہ قائداعظم منصوبہ بندی نائن الیون وجیہہ قمر وفاقی وزیر.
ذریعہ
ذریعہ: WE News
کلیدی لفظ: احسن اقبال ڈاکٹر ریاض محمود ریاست مدینہ نائن الیون وجیہہ قمر وفاقی وزیر اسلامی ریاست احسن اقبال نے کہا کہ
پڑھیں:
پی ٹی آئی کے علاوہ سب کو انتخابی مہم کی اجازت ہے، شفیع جان
تحریک انصاف کے رہنما شفیع جان نے کہا ہے کہ گلگت بلتستان میں پی ٹی آئی کے علاوہ باقی تمام جماعتوں کو انتخابی مہم چلانے کی اجازت ہے، نواز شریف اور بلاول بھٹو زرداری بھی کیمپین کر رہے ہیں۔
ایک بیان میں انہوں نے کہا کہ اگر تحریک انصاف کا کوئی وزیر وہاں ہوتا تو الیکشن کمیشن حرکت میں آچکا ہوتا۔ الیکشن کمیشن کی یہ خاموشی ہمیں سمجھ نہیں آرہی۔
شفیع جان کا کہنا تھا کہ پی ٹی آئی نے گلگت بلتستان ڈیموکریٹک موومنٹ سے الحاق کیا تو اُس کو بھی کینسل کر دیا گیا اور ہمارے اُمیدواروں کو آزاد ڈیکلیئر کر دیا گیا ۔
انہوں نے کہا کہ گلگت بلتستان کے عوام فیصلہ کر چکے ہیں، 7 جون کو تحریک انصاف کامیاب ہو گی۔ ہم اپنے ووٹ کو محفوظ بنانے کے مکینزم پر کام کر رہے ہیں۔
پی ٹی آئی رہنما کا کہنا تھا کہ فارم 47 کی ایک اور واردات کی تیاری کی جارہی ہے وہ ہم کرنے نہیں دیں گے۔ اس کے خلاف ہمیں اگر گلگت بلتستا ن بند کرنا پڑا تو یہ بھی کریں گے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ