این اے 104سے صاحبزادہ حامد رضا حقیقی نمائندے ہیں، الیکشن کمیشن کا جاری شیڈول منسوخ کیا جائے، سنی اتحاد کونسل
اشاعت کی تاریخ: 18th, November 2025 GMT
سنی اتحاد کونسل کے قائم مقام چیئرمین صاحبزادہ حسن رضا اور کور کمیٹی کے اراکین نے مشترکہ اعلامیہ جاری کرتے ہوئے کہا کہ ہائیکورٹ میں صاحبزادہ حامد رضا کا مقدمہ فوری سماعت کیلئے مقرر کرکے انصاف کے تقاضے پورے کیے جائیں، انصاف کی جیت ہوئی تو الیکشن معطل اور صاحبزادہ حامد رضا کی سیٹ بحال ہو جائے گی، عدالتوں سے انصاف ملنے کی پوری امید ہے۔ اسلام ٹائمز۔ صاحبزادہ حامد رضا کو دہشت گردی کی عدالت سے سزا سنائے جانا افسوسناک ہے، صاحبزادہ حامد رضا نے انصاف کی امید کیساتھ عدالتوں کے سامنے سرنڈر کیا، انہیں ریلیف دیا جائے۔ عدالتوں پر اعتماد کا اظہار کرتے ہیں۔ این اے 104 کا الیکشن جلد بازی میں کروایا جا رہا ہے۔ عدالت عالیہ حلقہ میں ہونیوالا الیکشن شیڈول معطل کرے اور صاحبزادہ حامد رضا کو انصاف فراہم کرے۔ طالبان عصر حاضر کے خوارج ہیں، اندر اور باہر کے دشمنوں کے مقابلہ کیلئے قوم اٹھ کھڑی ہو، ڈالروں کے لالچ میں اسلام کو بدنام اور پاکستان کو کمزور کیا جا رہا ہے، بیگناہ انسانوں کو قتل کرنیوالا دین کا طالب نہیں ہو سکتا، بندوق کے زور پر خودساختہ شریعت نافذ کرنے کی بات کرنیوالے اسلام سے نابلد ہیں، اب دہشت گردوں کیخلاف مزاحمت کرنا ہو گی کیونکہ اسلام کا چہرہ داغدار کرنیوالے کسی رحم کے مستحق نہیں۔ قوم ”قلم کتاب زندہ باد، کلاشنکوف مردہ باد“ کا نظریہ اپنائے، علمائے حق آگے آئیں اور حقیقی اسلام کا حقیقی نظریہئ جہاد قوم کے سامنے پیش کریں۔
سنی اتحاد کونسل کے قائم مقام چیئرمین صاحبزادہ حسن رضا اور کور کمیٹی کے اراکین نے مشترکہ اعلامیہ جاری کرتے ہوئے کہا کہ ہائیکورٹ میں صاحبزادہ حامد رضا کا مقدمہ فوری سماعت کیلئے مقرر کرکے انصاف کے تقاضے پورے کیے جائیں، انصاف کی جیت ہوئی تو الیکشن معطل اور صاحبزادہ حامد رضا کی سیٹ بحال ہو جائے گی، عدالتوں سے انصاف ملنے کی پوری امید ہے، مشترکہ اعلامیہ میں کہا گیا کہ بھارت خطے کے لیے سب سے بڑا خطرہ ہے، امریکہ بھارت کو اسلحہ فراہم کرکے خطے میں عدم توازن پیدا کرنا چاہتا ہے۔ انہوں نے کہا کہ بھارت کو دفاعی سطح پر شکست دینے سے پاکستان مضبوط ہو سکتا ہے۔ سنی اتحاد کونسل ”بھارت مردہ باد“ ”پاکستان زندہ باد“ مہم شروع کرے گی، بھارت کی آبی جارحیت خطے میں عدم توازن کی صورتحال پیدا کرے گی۔
ذریعہ: Islam Times
کلیدی لفظ: سنی اتحاد کونسل
پڑھیں:
الیکشن کمیشن کا اسلام آباد میں بلدیاتی الیکشن کے انعقاد کا فیصلہ
الیکشن کمیشن آف پاکستان (ای سی پی) نے اسلام آباد میں بلدیاتی انعقاد کا اعلان کردیا۔
ایکسپریس نیوز کے مطابق وفاقی دارالحکومت میں بلدیاتی انتخابات میں تاخیر کے حوالے سے الیکشن کمیشن نے انتخابات سے متعلق محفوظ فیصلہ جاری کر دیا۔
الیکشن کمیشن نے اسلام آباد میں بلدیاتی انتخابات کروانے کا اعلان کیا اور اسلام آباد لوکل گورنمنٹ ایکٹ 2015 میں حالیہ ترمیم آئین اور قانون سے متصادم قرار کردیا۔
الیکشن کمیشن کی جانب سے جاری فیصلے میں کہاگیا ہے کہ خواتین سمیت دیگر مخصوص نشستوں پر انتخابات سیکرٹری لوکل گورنمنٹ نہیں کروا سکتا، انتخابات کے لیے ڈی آر او، آر او اور دیگر عملہ تعینات کرنا الیکشن کمیشن کا اختیار ہے۔
فیصلے میں کہا گیا ہے کہ الیکشن کمیشن اپنے افسران عدلیہ یا انتظامیہ میں سے الیکشن عملہ تعینات کرے گا، سیکرٹری لوکل گورنمنٹ سرکاری افسر کی تعریف پر پورا نہیں اترتا۔
الیکشن کمیشن نے متعلقہ ونگ کو بلدیاتی انتخابات کے شیڈول کی تیاری کا حکم بھی دے دیا۔
نشانہ بازی میں مہارت،عسکری تربیت کابنیادی مقصد رہنا چاہیے،فیلڈ مارشل