پاکستان کی امریکی بہو: ’شادی کرکے شوہر کو امریکا لے جانے نہیں بلکہ پاکستان میں رہنے آئی ہوں‘
اشاعت کی تاریخ: 27th, August 2025 GMT
امریکی سماجی کارکن اور فری لانس صحافی کلئیرا اسٹیفن سال 2023 کے وسط میں بطور سیاح چترال آئیں، لیکن مختصر قیام کے دوران ہی انہیں یہاں زندگی کا ایک نیا مقصد مل گیا، جس کے بعد وہ واپس آکر پاکستان میں مستقل طور پر رہائش پذیر ہو گئیں۔
کلئیرا اسٹیفن سماجی خدمات سے وابستہ ہیں اور خاص طور پر تعلیم کے میدان میں دلچسپی رکھتی ہیں۔ اپر چترال میں قیام کے دوران ان کی ملاقات مقامی پولو کھلاڑی اور سماجی کارکن انور خان سے ہوئی، جس سے ان کی دوستی ہوئی اور یہ رشتہ آگے بڑھ کر زندگی کے نئے سفر میں بدل گیا۔
یہ بھی پڑھیں: امریکی صحافی نے پاکستان آکر چترالی نوجوان سے شادی رچا لی
اس کے بعد کلئیرا اسٹیفن نے پاکستان واپس آکر سماجی کاموں کا آغاز کیا۔ وہ پہلی امریکی نہیں ہیں جنہوں نے پاکستانی نوجوان سے شادی کی ہو۔ سوشل میڈیا اور سیاحت کے ذریعے تعلقات کے بعد ایسی شادیاں عام ہو چکی ہیں، لیکن اکثر خواتین جلد ہی واپس اپنے ملک چلی جاتی ہیں اور شوہر کو بھی ساتھ بلا لیتی ہیں۔
مثال کے طور پر کچھ عرصہ قبل دیر کے ایک نوجوان سے شادی کرنے والی خاتون بھی چند دن بعد اپنے ملک لوٹ گئی تھیں۔ لیکن 31 سالہ کلئیرا اسٹیفن کی کہانی منفرد ہے۔ وہ اپنے شوہر کی ہم عمر ہیں اور پاکستان ہی میں مستقل رہنے کو ترجیح دے رہی ہیں۔
’شوہر کو امریکا لے جانے کے لیے شادی نہیں کی، ہم پاکستان ہی میں رہیں گے‘پہلی بار پاکستان کی سیاحت کے بعد کلئیرا اسٹیفن امریکا واپس چلی گئیں، لیکن انور خان اور اپر چترال سے ان کا تعلق قائم رہا۔ بالآخر 2024 میں انہوں نے بونی (اپر چترال) کے نوجوان انور خان سے شادی کرکے پاکستان میں رہنے کا فیصلہ کیا اور مئی 2024 میں اسلام آباد واپس پہنچ گئیں۔
کلئیرا اسٹیفن نے اسلام قبول کیا اور انور خان سے نکاح کیا۔ نکاح کی تقریب اسلام آباد میں منعقد ہوئی جبکہ شادی کی تقریبات چترالی روایات کے مطابق بونی میں ہوئیں۔ شادی کے بعد وہ اپنے شوہر کے آبائی گھر میں رہائش پذیر ہیں اور دونوں مل کر لائبریری قائم کرنے کے منصوبے پر کام کر رہے ہیں۔ میاں بیوی کے مطابق وہ تعلیم، صحت اور کھیلوں کے میدان میں کام کرکے پسماندہ علاقے کے لوگوں کی زندگیوں میں بہتری لانا چاہتے ہیں۔
کلئیرا اسٹیفن کے بقول وہ یہاں مستقل رہنے کے لیے آئی ہیں اور اپنے شوہر کے ساتھ مختلف منصوبوں پر کام کررہی ہیں۔
’تین دن کے لیے آئی تھی، آٹھ ماہ قیام کیا‘انور خان نے بتایا کہ ان کا تعلق سیاحت کے شعبے سے ہے اور بونی میں ان کا ایک گیسٹ ہاؤس ہے، جہاں کلئیرا اسٹیفن پہلی بار بطور سیاح مہمان کے طور پر ٹھہری تھیں۔ ان کا ابتدائی منصوبہ 3 دن کا قیام تھا لیکن یہاں آ کر انہیں چترال سے ایسا لگاؤ پیدا ہوا کہ یہاں قیام کو بڑھا دیا۔
انور خان کے مطابق اس دوران دونوں نے لائبریری کے قیام پر کام شروع کیا اور ایک دوسرے کو سمجھنے کا موقع ملا۔ پھر 8 ماہ قیام کے بعد کلئیرا واپس چلی گئیں لیکن رابطہ برقرار رہا۔
انور خان نے بتایا کہ دونوں کی خواہش ہے کہ مختلف علاقوں میں لائبریریاں قائم کی جائیں۔ بونی میں ایک لائبریری قائم ہو چکی ہے اور اب صحت کے شعبے میں تشخیصی مراکز قائم کرنے کا منصوبہ ہے تاکہ ہر قسم کی بیماری کی بروقت تشخیص ممکن ہو سکے۔
’یہاں کے لوگوں نے گرویدہ بنا لیا‘کلئیرا اسٹیفن کہتی ہیں کہ وہ پہلی بار بطور سیاح کراچی آئی تھیں لیکن اچانک اپر چترال کا سفر کیا۔ بونی میں قیام کے دوران ان کی ملاقات انور خان سے ہوئی جو بعد میں محبت میں بدل گئی۔
ان کا کہنا ہے کہ یہاں کے لوگوں کے خلوص اور محبت نے انہیں گرویدہ بنا لیا اور انہیں اپنی زندگی کا اصل مقصد مل گیا، اور اب یہیں رہ کر عوام کی بہبود کے لیے کام کرنا ہے۔ اب وہ اپنے شوہر کے ساتھ مل کر اس مقصد کو آگے بڑھا رہی ہیں۔
کلئیرا کا کہنا ہے کہ جہاں بھی جاتی ہیں لوگ انہیں عزت دیتے ہیں۔ ان کی شادی کو ملکی سطح پر میڈیا میں بھرپور کوریج ملی۔ ان کی خواہش ہے کہ جس طرح انہوں نے اپنی مرضی اور آزادانہ طور پر اپنی زندگی کے فیصلے کیے، اسی طرح چترالی خواتین کو بھی اپنی مرضی سے اپنے فیصلے کرنے کا اختیار ملنا چاہیے۔
یہ بھی پڑھیں: بیک وقت 2 لڑکیوں کی ایک لڑکے سے شادی: ’ایک کو بھگا کر لایا، دوسری خود پہنچ گئی‘
کلئیرا اسٹیفن سماجی کاموں کے ساتھ ساتھ پولو میں بھی دلچسپی رکھتی ہیں اور شوہر کے میچز دیکھنے پولو گراؤنڈ جاتی ہیں۔ ان کی خواہش ہے کہ ان کا شوہر پولو کے بین الاقوامی مقابلوں میں نظر آئے اور ملک و قوم کا نام روشن کرے۔ مزید جانیے سراج الدین کی اس ویڈیو رپورٹ میں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکی خاتون صحافی انور خان پیار کی شادی چترال چترالی نوجوان سے شادی سماجی خدمات فلاح و بہبود کے کام کلئیرا اسٹیفن وی نیوز.ذریعہ: WE News
کلیدی لفظ: امریکی خاتون صحافی پیار کی شادی چترال چترالی نوجوان سے شادی سماجی خدمات فلاح و بہبود کے کام وی نیوز نوجوان سے شادی اپنے شوہر اپر چترال ہیں اور قیام کے شوہر کے کے بعد کے لیے کام کر
پڑھیں:
امریکا نے چین کی معدنی بالادستی کے توازن کیلئے پاکستان سے مدد طلب کرلی
امریکا نے چین کی معدنی بالادستی کے توازن کیلئے پاکستان سے مدد طلب کرلی WhatsAppFacebookTwitter 0 1 November, 2025 سب نیوز
اسلام آباد (سب نیوز )امریکی وفد نے اسلام آباد میں پاکستانی حکام سے ملاقات کی تاکہ امریکی صنعت کے لیے محفوظ اور شفاف معدنی سپلائی چینز قائم کرنے کے امکانات پر بات کی جاسکے، کیونکہ واشنگٹن کی عالمی نایاب معدنیات پر چین کی بالادستی کے بارے میں تشویش بڑھ رہی ہے۔ امریکی وفد کی سربراہی رابرٹ لوئس اسٹریئر دوم کر رہے تھے، جو امریکی حکومت کے تعاون سے قائم کردہ کریٹیکل منرلز فورم (سی ایم ایف) کے صدر ہیں۔ سرکاری بیان کے مطابق ملاقات میں معدنیات اور کان کنی کے شعبے میں تعاون کے امکانات، سپلائی چین کے تحفظ کو مضبوط بنانے اور پاکستان کے کریٹیکل منرلز کے شعبے میں ذمہ دار اور پائیدار سرمایہ کاری کے فروغ پر تبادلہ خیال کیا گیا۔
یہ ملاقات اس وقت ہوئی ہے جب امریکا اور بھارت نے دفاعی تعاون کے لیے 10 سالہ فریم ورک معاہدے کا اعلان کیا ہے۔کریٹیکل منرلز فورم کی توجہ اسٹریٹجک خطرے پر مرکوز ہے، جو بیجنگ کے ان وسائل پر کنٹرول سے پیدا ہوا ہے، اسٹریئر نے سی ایم ایف کی ویب سائٹ پر اپنے واحد مضمون میں لکھا کہ چین کا کریٹیکل منرل سپلائی چینز پر غلبہ امریکی قومی سلامتی، اقتصادی مسابقت اور طویل المدتی اسٹریٹجک مقاصد کے لیے ایک بڑا خطرہ بن چکا ہے۔اسٹریئر نے پاکستان کو بتایا کہ سی ایم ایف دنیا بھر، خصوصا ابھرتی ہوئی منڈیوں میں امریکی صنعت کے لیے قابلِ اعتماد سپلائی چینز کے قیام پر کام کر رہا ہے۔
انہوں نے کہا کہ فورم کی توجہ نایاب اور مخصوص دھاتوں پر مرکوز ہے جن میں تانبا اور اینٹیمونی شامل ہیں اور اس کا مقصد مالی اور سلامتی کے نقطہ نظر سے سرمایہ کاری کے خطرات کو کم کرنا ہے۔انہوں نے ٹیکنالوجی کی منتقلی، دانشورانہ املاک کے تحفظ اور امریکی نجی سرمایہ کاروں کے اعتماد کے فروغ کے لیے تعاون کے عزم کا اظہار بھی کیا۔بیان کے مطابق اسٹریئر نے اعتراف کیا کہ امریکا، پاکستان کے سائنس، انجینئرنگ اور ریاضی کے شعبوں میں موجود ٹیلنٹ کو ایک مسابقتی برتری سمجھتا ہے اور پاکستان کو مستقبل میں کریٹیکل منرلز کی ترقی کا مرکز بننے کی صلاحیت رکھتا ہے۔وفد کے ہمراہ موجودہ اسلام آباد میں امریکی ناظم الامور نیٹلی بیکر نے کہا کہ امریکی سفارت خانہ پاکستان میں امریکی تجارتی مصروفیات کی حمایت کرتا ہے اور معدنیات کے شعبے میں مضبوط سرمایہ کار اعتماد اور مثر ریگولیٹری فریم ورک کی اہمیت پر زور دیتا ہے۔جواب میں وزیرِ خزانہ محمد اورنگزیب نے کہا کہ پاکستان اہم قانونی و ضابطہ جاتی اصلاحات پر کام کر رہا ہے اور منظم تجاویز کا خیرمقدم کرے گا۔
انہوں نے کہا کہ ہم آپ کو دعوت دیتے ہیں کہ تعاون کے لیے ایک تفصیلی فریم ورک کے ساتھ واپس آئیں، پاکستان اسے ذمہ دار سرمایہ کاری اور باہمی مفاد کو یقینی بنانے کے تناظر میں جانچے گا۔انہوں نے مزید کہا کہ پاکستان ایک پیچیدہ جغرافیائی سیاسی منظرنامے میں توازن قائم کر رہا ہے اور اپنی مضبوط شراکت داریوں کو اجاگر کر رہا ہے۔ان کا کہنا تھا کہ پاکستان آج عالمی تعلقات کے ایک تعمیری موڑ پر کھڑا ہے، پاکستان۔امریکا تعلقات میں نئی جان، چین کے ساتھ آزمودہ تعلقات اور سعودی عرب کے ساتھ تعاون اس کی مثال ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرسونے کی قیمت میں کمی ، فی تولہ کتنے کا ہوگیا؟ ایوب خان کے پڑپوتے کے گھر چوری، سابق صدر کی یادگار اشیاء بھی غائب خطے میں کسی نے بدمعاشی ثابت کی تو پاکستان بھرپور جواب دے گا: ملک احمد خان بھارتی خفیہ ایجنسی نے پاکستانی مچھیرے کو پیسوں کا لالچ دیکر اپنے لیے کام کرنے پر آمادہ کیا، عطا تارڑ کشمیر کی آزادی ناگزیر، بھارت میں مسلمانوں پر مظالم کا بازار گرم ہے: صدر مملکت ڈی جی این سی سی آئی اے نے ضبط تمام جائیدادوں،گاڑیوں کی تفصیلات مانگ لیں وائٹ ہاؤس میں صحافیوں کے داخلے پر نئی پابندیاں عائدCopyright © 2025, All Rights Reserved
رابطہ کریں ہماری ٹیم
محبت، بلیک میلنگ اور قتل، خوفناک واردات کی تفصیل سامنے آگئی