عمران خان کی طبی رپورٹ عدالت میں پیش
اشاعت کی تاریخ: 30th, August 2025 GMT
سپرنٹنڈنٹ اڈیالہ جیل نے بانی پی ٹی آئی عمران خان کی میڈیکل رپورٹ عدالت میں پیش کردی ہے۔
انسداددہشت گردی عدالت راولپنڈی میں بانی پی ٹی آئی کے طبی معائنےکے لیے علیمہ خان کی درخواست پر سماعت ہوئی۔ بانی پی ٹی آئی کے طبی معائنےکی درخواست پر سماعت اے ٹی سی کے جج امجد علی شاہ نےکی۔
دوران سماعت سپرنٹنڈنٹ اڈیالہ جیل نے بانی پی ٹی آئی کی میڈیکل رپورٹ عدالت میں پیش کردی۔ جیل انتظامیہ کی رپورٹ میں بانی پی ٹی آئی کی 2 سال پر محیط میڈیکل ہسٹری شامل ہے۔
جیل انتظامیہ کی رپورٹ کے مطابق بانی پی ٹی آئی کا ڈاکٹروں کی نگرانی میں علاج جاری ہے، بانی پی ٹی آئی کو دانتوں، کان، ناک، گلے، آنکھوں اور ہڈیوں سمیت کئی طبی شکایات رہی ہیں۔
رپورٹ کے مطابق ماہرین امراض چشم، آرتھوپیڈک سرجن اور ای این ٹی ماہرین نے متعدد بار معائنہ اور علاج کیا۔
جیل انتظامیہ کی رپورٹ میں بتایا گیا ہےکہ بانی پی ٹی آئی کی کولیسٹرول کی سطح بڑھی تھی، بانی پی ٹی آئی کا کولیسٹرول کی سطح بڑھنےکا علاج جاری ہے۔
جیل انتظامیہ کی رپورٹ کے مطابق جیل اسپتال کی جانب سے تمام تجویز کردہ علاج اور ادویات بروقت فراہم کی جاتی ہیں، 12 اگست کو بانی پی ٹی آئی کا 4 رکنی ڈاکٹروں کی ٹیم نے طبی معائنہ کیا تھا۔
انسداددہشت گردی عدالت راولپنڈی نے بانی پی ٹی آئی کے طبی معائنےکے لیے علیمہ خان کی درخواست پر سماعت یکم ستمبرتک ملتوی کردی۔
ذریعہ: Daily Mumtaz
کلیدی لفظ: جیل انتظامیہ کی رپورٹ بانی پی ٹی ا ئی خان کی
پڑھیں:
عمران کی رہائی اولین ترجیح، کارکن سرگرمیاں جاری رکھیں:سہیل آفریدی
پشاور (بیورو رپورٹ) وزیر اعلیٰ سہیل آفریدی سے پی ٹی آئی سندھ کے کارکنوں اور عمران خان رہائی تحریک کے کنوینئرز نے ملاقات کی۔ وفد نے سہیل آفریدی کو وزارت اعلیٰ کا منصب سنبھالنے پر مبارکباد اور نیک تمنائوں کا اظہار کیا۔ وزیر اعلیٰ کا ذاتی خرچے پر ملاقات کے لیے آنے والے وفد سے اظہار تشکر، کارکنان کا یہ جذبہ عمران خان سے والہانہ محبت کا عکاس ہے۔ عمران خان کی رہائی ہم سب کی اولین ترجیح ہے۔ کارکن حوصلے بلند اور اپنی سرگرمیاں جاری رکھیں۔ وزیراعلیٰ نے ضلع ہنگو کے علاقہ ڈوآبہ میں پولیس گاڑی پر آئی ای ڈی حملے کا نوٹس لیتے ہوئے آئی جی پولیس سے واقعے کی تفصیلی رپورٹ طلب کر لی۔
راولپنڈی کے کن روٹس پر الیکٹرک بس سروس کا آغاز کیا جا رہا ہے؟