خیبرپختونخوا میں سیلاب سے 490 افراد جاں بحق، متاثرین کی بحالی پر تیزی سے کام جاری ہے،وزیراعلیٰ
اشاعت کی تاریخ: 1st, September 2025 GMT
وزیراعلیٰ خیبرپختونخوا علی امین گنڈا پور نے انکشاف کیا ہے کہ حالیہ سیلابی صورتحال کے دوران 490 افراد جاں بحق ہو چکے ہیں۔ انہوں نے کہا کہ متاثرین کے لیے فوری اقدامات کیے جا رہے ہیں اور بحالی کے کام تیزی سے جاری ہیں۔
پشاور میں صحافیوں سے غیر رسمی گفتگو کے دوران وزیراعلیٰ کا کہنا تھا کہ بارشوں اور سیلابی ریلوں نے بنیر، شانگلہ، صوابی اور سوات جیسے اضلاع میں شدید تباہی مچائی۔ 12 سے 14 فٹ بلند سیلابی ریلے گھروں کو بہا لے گئے، کئی علاقے ملبے کا ڈھیر بن چکے ہیں۔ علی امین گنڈا پور نے بتایا کہ تمام متعلقہ ادارے فوری متحرک ہوئے، اور صرف 24 گھنٹوں کے اندر اندر ہم نے تمام متاثرہ علاقوں تک رسائی حاصل کر کے ریسکیو کا کام مکمل کیا۔
وزیراعلیٰ کے مطابق جاں بحق افراد کے لواحقین کو 20،20 لاکھ روپے معاوضہ دیا گیا۔ زخمیوں کو بھی مالی امداد دی جا رہی ہے، جن میں سے 50 فیصد متاثرین کو رقم مل چکی ہے۔
انہوں نے یہ بھی بتایا کہ چیک بکس کی کمی کی وجہ سے تمام زخمیوں کو فوری ادائیگیاں ممکن نہیں ہو سکیں، مگر حکومت جلد یہ مسئلہ بھی حل کر لے گی۔
گھروں کے نقصانات کے بارے میں انہوں نے کہا کہ جو گھر مکمل طور پر تباہ ہو چکے ہیں، ان کے مالکان کو 10 لاکھ روپے بطور امداد دی جا رہے ہیں۔
ان کا کہنا تھا کہ سرکاری املاک کی بحالی کا عمل بھی جاری ہے۔ صوبے کی تاریخ میں اتنی تیزی سے متاثرین کی بحالی کے لیے کبھی کام نہیں ہوا، جتنا اس بار کیا جا رہا ہے۔
وزیراعلیٰ نے افسوس کا اظہار کرتے ہوئے کہاکہ ماضی میں مناسب منصوبہ بندی کے تحت ڈیمز بنائے جاتے تو آج ہمیں اتنا نقصان نہ اٹھانا پڑتا۔”
انہوں نے کہا کہ 10 لاکھ میں کسی کا پورا گھر نہیں بن سکتا، یہ صرف حکومت کی جانب سے ایک سہارا ہے۔
علی امین گنڈا پور نے مزید کہا کہ 2022ء کے سیلاب سے ڈیرہ اسماعیل خان میں حاصل ہونے والے تجربے کو مدنظر رکھتے ہوئے کچھ نئے ڈیمز پر کام کا آغاز کر دیا گیا ہے تاکہ مستقبل میں اس طرح کی تباہی سے بچا جا سکے۔
ذریعہ: Daily Mumtaz
پڑھیں:
سیلاب متاثرین کے لیے معروف گلوکار علی ظفر نے بڑا اعلان کر دیا
لاہور:خیبر پختونخوا، گلگت بلتستان اور پنجاب میں سیلاب نے تباہی مچا دی ہے، اس آفت کی وجہ سے ایک ہزار سے زائد افراد جاں بحق ہوئے، لاکھوں افراد متاثر ہوئے، جبکہ ہزاروں ایکڑ پر کھڑی فصلیں بھی تباہ ہوئیں۔
نامور گلوکار علی ظفرنے ان سیلاب متاثرین کے لیے خصوصی فنڈ ریزنگ کنسرٹ کرنے کا اعلان کر دیا جو 27 ستمبر کو الحمرا میں ہو گا۔
کنسرٹ میں علی ظفر کے ساتھ دیگر ممتاز گلوکار بھی آواز کا جادو جگائیں گے، کنسرٹ سے حاصل رقم سیلاب سے متاثرہ افراد کی بحالی کے لیے لگائی جائے گی
معروف گلوکار، نغمہ نگار اور صدارتی تمغہ برائے حسن کارکردگی حاصل کرنے والے گلوکار علی ظفر نے اپنے کیریئر کے ایک ایسے خصوصی کنسرٹ کا اعلان کیا ہے جس کا مقصد ملک بھر میں حالیہ تباہ کن سیلاب سے متاثرہ افراد کی مدد کے لیے فنڈ ریزنگ کرنا ہے۔
کنسرٹ 27 ستمبرکو لاہور الحمرا کلچرل کمپلیکس میں منعقد کیا جارہا ہے ۔ فنڈ ریزنگ کنسرٹ میں علی ظفر کی پرفارمنس کے ساتھ ساتھ دیگر معروف فنکاروں کی سرپرائز شمولیت بھی متوقع ہے، جن کے ناموں کا اعلان جلد کیا جائے گا۔
کنسرٹ سے حاصل ہونے والی تمام آمدنی علی ظفر فاؤنڈیشن کے ذریعے متاثرہ خاندانوں کی بحالی اور امداد پر خرچ کی جائے گی، جنہوں نے اس آفت میں اپنے گھر اور روزگار کھو دیے ہیں۔
میوزک کنسرٹ کے حوالے سے گلوکار علی ظفر کا کہنا ہے کہ کنسرٹ صرف موسیقی نہیں بلکہ ایک آواز ہے،آئیں ہم سب مل کر ان لوگوں کے لیے امید کا چراغ بنیں جو آج بھی مدد کے منتظر ہیں، ان کے ساتھ کھڑے ہوں جنہیں ہماری سب سے زیادہ ضرورت ہے۔
باغ میں ڈیجیٹل انقلاب، نوجوانوں کی خودکفالت میں سافٹ ویئر ہاؤس کا اہم کردار