پہلا ون ڈے: انگلینڈ 131 رنز پر ڈھیر، جنوبی افریقہ کی سات وکٹ سے فتح
اشاعت کی تاریخ: 3rd, September 2025 GMT
لیڈز: جنوبی افریقہ نے تین میچز کی سیریز کے پہلے ون ڈے میں میزبان انگلینڈ کو یکطرفہ مقابلے کے بعد سات وکٹوں سے شکست دے دی۔
میچ کا آغاز انگلینڈ کے لیے مایوس کن رہا۔ جنوبی افریقہ کے کپتان ٹمبا باووما نے ٹاس جیت کر پہلے بولنگ کا فیصلہ کیا اور یہ فیصلہ سو فیصد درست ثابت ہوا۔ انگلش بیٹنگ لائن محض 131 رنز پر ڈھیر ہوگئی۔
اوپنر جیمی اسمتھ نے 54 رنز کے ساتھ مزاحمت کی تاہم باقی بیٹرز خاطر خواہ کارکردگی نہ دکھا سکے۔ کپتان ہیری بروک 12، جو روٹ 14 اور جوز بٹلر صرف 15 رنز بنا کر پویلین لوٹ گئے۔ اختتامی بلے باز بھی بڑی شراکت قائم نہ کرسکے اور پوری ٹیم 31.
جنوبی افریقہ کی جانب سے کیشو مہاراج سب سے کامیاب بولر رہے جنہوں نے 4 کھلاڑیوں کو آؤٹ کیا۔ ویان ملڈر نے 3 وکٹیں حاصل کیں جبکہ ناندرے برگر اور لنگی نگیدی نے ایک ایک شکار کیا۔
132 رنز کے ہدف کے تعاقب میں جنوبی افریقہ نے جارحانہ انداز اپنایا۔ اوپنر ایڈن مارکرام نے صرف 55 گیندوں پر 86 رنز کی دھواں دھار اننگز کھیل کر انگلش بولرز کو بے بس کردیا۔ رائن ریکلٹن 31 رنز بنا کر ناٹ آؤٹ رہے۔
جنوبی افریقہ نے یہ ہدف صرف 20.4 اوورز میں 3 وکٹوں کے نقصان پر پورا کرلیا۔ انگلینڈ کی جانب سے تینوں وکٹیں عادل رشید نے حاصل کیں۔
سیریز میں جنوبی افریقہ کو 0-1 کی برتری حاصل ہوگئی ہے جبکہ دوسرا ون ڈے 5 ستمبر کو کھیلا جائے گا۔
Post Views: 1
ذریعہ
ذریعہ: Daily Mumtaz
کلیدی لفظ: جنوبی افریقہ
پڑھیں:
واشنگٹن میں کیمیائی ٹینک دھماکہ: ہلاکتوں کی تعداد 11 ہوگئی، تمام لاپتا افراد کی لاشیں برآمد
امریکی ریاست واشنگٹن میں ایک کاغذ سازی کے کارخانے میں کیمیائی ٹینک پھٹنے کے واقعے میں ہلاک ہونے والوں کی تعداد 11 ہو گئی ہے۔ حکام کے مطابق تمام لاپتا افراد کی لاشیں ملبے سے نکال لی گئی ہیں، جبکہ حادثے کی وجوہات اور ماحولیاتی اثرات کا جائزہ لینے کے لیے تحقیقات جاری ہیں۔
امریکی ریاست واشنگٹن میں ایک صنعتی تنصیب پر کیمیائی ٹینک پھٹنے کے المناک حادثے میں ہلاک ہونے والوں کی تعداد 11 تک پہنچ گئی ہے۔ حکام نے ہفتے کے روز تصدیق کی کہ لاپتا قرار دیے گئے تمام نو افراد کی لاشیں ملبے سے برآمد کر لی گئی ہیں۔
حکام کے مطابق ابتدائی طور پر حادثے کے فوراً بعد دو ہلاکتوں کی تصدیق ہوئی تھی، جبکہ دیگر افراد لاپتا ہو گئے تھے۔ امدادی اور بحالی کی ٹیموں نے پورے ہفتے متاثرہ مقام پر سرچ آپریشن جاری رکھا، جس کے دوران عمارت کے اندر ملبے کو ہٹانے کے ساتھ ساتھ ڈرونز کی مدد سے علاقے کا فضائی جائزہ بھی لیا گیا۔
کاؤلٹز 2 فائر اینڈ ریسکیو کے ڈپٹی چیف کرٹ اسٹیچ نے بتایا کہ امدادی کارکنوں نے انتہائی دشوار حالات میں ملبے کے نیچے پھنسے افراد کی تلاش جاری رکھی اور بالآخر تمام لاپتا افراد کی لاشیں برآمد کر لی گئیں۔
حادثہ منگل کے روز لانگ ویو شہر میں واقع نپون ڈائنو ویو پیکیجنگ (Nippon Dynawave Packaging) کے کارخانے میں پیش آیا، جہاں ’وائٹ لِکر‘ نامی کیمیائی محلول سے بھرا ایک بڑا ٹینک اندرونی دباؤ کے باعث پھٹ گیا تھا۔ یہ محلول سوڈیم ہائیڈرو آکسائیڈ اور سوڈیم سلفائیڈ پر مشتمل ہوتا ہے اور کاغذ کے گودے (Paper Pulp) کی تیاری میں استعمال کیا جاتا ہے۔
حکام کے مطابق متاثرہ ٹینک میں تقریباً 9 لاکھ گیلن (34 لاکھ لیٹر) کیمیائی محلول موجود تھا۔ بعد ازاں کیے گئے ٹیسٹوں سے یہ بات سامنے آئی کہ کچھ مقدار قریبی دریائے کولمبیا تک پہنچ گئی تھی، تاہم اب تک فضائی معیار یا لانگ ویو شہر کے پینے کے پانی پر کسی منفی اثرات کی نشاندہی نہیں ہوئی۔
نپون ڈائنو ویو پیکیجنگ جاپان کی دوسری بڑی کاغذ ساز کمپنی Nippon Paper Industries کی مکمل ملکیتی ذیلی کمپنی ہے۔ جاپانی کمپنی نے 2016 میں سیئٹل کی لکڑی اور جنگلاتی مصنوعات تیار کرنے والی کمپنی Weyerhaeuser سے لانگ ویو کا یہ پلانٹ 225 ملین ڈالر میں خریدا تھا۔
حکام نے کہا ہے کہ حادثے کی مکمل تحقیقات جاری ہیں اور اس بات کا تعین کیا جا رہا ہے کہ ٹینک کے اندر دھماکے یا انہدام کی اصل وجہ کیا تھی۔ ساتھ ہی ماحولیاتی ماہرین بھی قریبی علاقوں میں ممکنہ آلودگی کے اثرات کا مسلسل جائزہ لے رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ