پہلا ون ڈے: انگلینڈ 131 رنز پر ڈھیر، جنوبی افریقہ کی سات وکٹ سے فتح
اشاعت کی تاریخ: 3rd, September 2025 GMT
جنوبی افریقہ نے پہلے ون ڈے میچ میں انگلینڈ کو سات وکٹوں سے شکست دے دی۔
لیڈز میں کھیلے گئے میچ میں جنوبی افریقہ نے ٹاس جیت کر پہلے بولنگ کرنے کا فیصلہ کیا جو درست ثابت ہوا۔
انگلینڈ کی جانب سے اوپنر جیمی اسمتھ (54) کے علاوہ کوئی خاطر خواہ کارکردگی نہ دکھا سکا اور پوری ٹیم صرف 131 رنز پر ڈھیر ہوگئی۔
جوز بٹلر 15، جو روٹ 14 اور کپتان ہیری بروک 12 رنز بناکر آؤٹ ہوئے۔
عادل رشید نو، ول جیکس سات، بین ڈکٹ پانچ، جیکب بیتھل ایک جبکہ جوفرا آرچر اور سونی بیکر بغیر کوئی رن بنائے آؤٹ ہوئے۔ برائیڈن کارس تین رنز بناکر ناٹ آؤٹ رہے۔
جنوبی افریقہ کی جانب سے کیشو مہاراج نے چار، ویان ملڈر نے تین جبکہ ناندرے برگر اور لنگی نگیدی نے ایک ایک وکٹ حاصل کی۔
جنوبی افریقہ نے 132 رنز کا ہدف باآسانی 21ویں اوور میں تین وکٹوں کے نقصان پر حاصل کرلیا۔
???? MATCH RESULT ????
A dominant all-round performance from the Proteas! ????
Brilliant with the ball and unstoppable with the bat.
ایڈن مارکرام نے 55 گیندوں پر 86 رنز کی جارحانہ اننگز کھیلی۔ کپتان ٹمبا باووما چھ اور ٹرسٹان اسٹبس بغیر کوئی رن بنائے آؤٹ ہوئے۔ رائن ریکلٹن 31 رنز بناکر ناٹ آؤٹ رہے۔
انگلینڈ کی جانب سے تینوں وکٹیں عادل رشید نے حاصل کیں۔
ذریعہ: Express News
کلیدی لفظ: جنوبی افریقہ
پڑھیں:
دوسرا ٹی 20: پاکستان نے جنوبی افریقہ کے خلاف فیلڈنگ کا فیصلہ کیا
پاکستان نے دوسرے ٹی 20 میچ میں ٹاس جیت کر پہلے فیلڈنگ کرنے کا فیصلہ کیا ہے۔ کپتان سلمان علی آغا نے بتایا کہ فاسٹ بولر شاہین شاہ آفریدی کو آرام دیا گیا ہے اور ان کی جگہ سلمان مرزا کو ٹیم میں شامل کیا گیا ہے۔
پاکستان کی پلیئنگ الیون میں کپتان سلمان علی آغا کے ساتھ صائم ایوب، صاحب زادہ فرحان، بابراعظم، عثمان خان، حسن نواز، محمد نواز، فہیم اشرف، سلمان مرزا، نسیم شاہ اور ابرار احمد شامل ہیں۔
یاد رہے کہ سیریز کے پہلے میچ میں جنوبی افریقہ نے پاکستان کو 55 رنز سے شکست دی تھی۔ راولپنڈی کرکٹ اسٹیڈیم میں کھیلے گئے اس میچ میں پروٹیز نے 195 رنز بنائے، جس کے جواب میں پاکستان کی ٹیم صرف 139 رنز پر 19ویں اوور میں آوٹ ہو گئی تھی۔
افغانستان دہشت گردوں کو پاکستان پر حملوں سے نہیں روک سکتا تو کیسا بھائی چارہ، طاہر اشرفی