قبرستان جانا مجھے سکون دیتا ہے، اصل خوف زندہ انسانوں سے ہے،ساحرلودھی
اشاعت کی تاریخ: 4th, September 2025 GMT
کراچی (شوبز ڈیسک) میزبان و اداکار ساحر لودھی نے انکشاف کیا ہے کہ وہ اکثر رات گئے قبرستان جاتے ہیں اور وہاں انہیں روحانی سکون ملتا ہے۔
’میٹاٹینمنٹ‘ پروگرام میں گفتگو کرتے ہوئے ساحر لودھی نے بتایا کہ وہ عموماً ملیر کینٹ کے قبرستان کا رخ کرتے ہیں جہاں ان کے 32 سال پرانے دوست کی قبر ہے۔ وہ دوست کے جنازے میں شریک ہوئے تھے اور خود انہیں قبر میں اتارنے والوں میں شامل تھے۔
ساحر لودھی کے مطابق وہ زیادہ تر رات دو سے چار بجے کے درمیان قبرستان جاتے ہیں اور دوست کی قبر پر فاتحہ پڑھتے ہیں۔ اس عمل سے انہیں ذہنی سکون اور قربت کا احساس ملتا ہے۔
انہوں نے کہا کہ اتنی پرانی دوستی کا ختم ہونا بڑا دکھ دیتا ہے، یہی وجہ ہے کہ دوست کی تصویر اب بھی ان کے کمرے میں موجود ہے۔
ساحر لودھی کا کہنا تھا کہ انہیں قبرستان سے کبھی خوف محسوس نہیں ہوا۔ ان کے خیال میں اصل خوف زندہ انسانوں سے ہوتا ہے کیونکہ نقصان بھی وہی پہنچاتے ہیں۔
انہوں نے کہا کہ بھوت یا جنات سے ڈرنے کے بجائے ہمیں ان مسائل سے ڈرنا چاہیے جو انسان پیدا کرتے ہیں، جیسے مہنگائی، ٹیکس اور نظام کی خرابیاں۔
اپنی مصروفیات کا ذکر کرتے ہوئے انہوں نے بتایا کہ وہ دن بھر کاموں میں الجھے رہتے ہیں، اسی لیے قبرستان جانے کا وقت انہیں صرف رات کو ہی ملتا ہے۔ ان کے بقول ان کی زندگی اس قدر منظم ہے کہ دو ماہ بعد تک کا شیڈول بھی پہلے سے تیار رکھتے ہیں۔
ذریعہ: Daily Mumtaz
کلیدی لفظ: ساحر لودھی
پڑھیں:
’بابر اعظم کی نصف سنچری کے ساتھ فارم میں واپسی، شکرگزاری کا پیغام وائرل‘
قومی کرکٹ ٹیم کے سابق کپتان بابر اعظم نے جنوبی افریقہ کے خلاف فیصلہ کن میچ میں شاندار کارکردگی دکھا کر نہ صرف ٹیم کو کامیابی دلائی بلکہ ایک معنی خیز پیغام کے ذریعے اپنی خاموشی بھی توڑ دی۔
بابر اعظم نے میچ کے اگلے روز سوشل میڈیا پلیٹ فارم ایکس (سابق ٹوئٹر) پر لکھا:
’شکر گزار ہوں کہ میں دوبارہ وہی کر رہا ہوں جو مجھے پسند ہے۔ اُن سب کا شکریہ جنہوں نے خاموشی کے وقت میں مجھ پر یقین رکھا‘۔
یہ پیغام ان کے مداحوں اور ناقدین، دونوں کے لیے واضح اشارہ تھا کہ بابر ایک بار پھر اعتماد کے ساتھ میدان میں واپس آ چکے ہیں۔
گزشتہ روز کھیلے گئے میچ میں بابر اعظم نے 47 گیندوں پر 68 رنز کی دلکش اننگز کھیل کر ٹیم کی جیت میں کلیدی کردار ادا کیا۔ ان کی اس کارکردگی پر انہیں پلیئر آف دی میچ قرار دیا گیا۔
دلچسپ بات یہ ہے کہ یہ مئی 2024 کے بعد بابر اعظم کی پہلی نصف سنچری تھی، جس کے بعد سوشل میڈیا پر ان کے حق میں مبارک بادوں اور تعریفوں کا طوفان آ گیا۔
مداحوں نے بابر کی فارم میں واپسی کو ’نئی شروعات‘ قرار دیتے ہوئے انہیں ’کپتان دلوں کا‘ اور ’پچ کا بادشاہ‘ جیسے القابات سے نوازا۔
بابر اعظم کی یہ اننگز نہ صرف ان کی صلاحیتوں کا ثبوت بنی بلکہ اس خاموش عزم کی بھی عکاسی کرتی ہے جو وہ مشکل وقت میں اپنے ساتھ لے کر چلتے رہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
Babar azam
چین-آسیان فری ٹریڈ ایریا 3.0 اپ گریڈ پروٹوکول پر باضابطہ دستخط ہو گئے