سری نگر میں عام آدمی پارٹی کے ایم پی کی نظر بندی، فاروق عبداللہ سمیت اپوزیشن کی مذمت
اشاعت کی تاریخ: 11th, September 2025 GMT
عام آدمی پارٹی کے رکنِ پارلیمنٹ سنجے سنگھ نے جمعرات کی دوپہر سرینگر میں ایک سرکاری گیسٹ ہاؤس کے گیٹ پر چڑھ کر نیشنل کانفرنس کے صدر ڈاکٹر فاروق عبداللہ سے ملاقات کی کوشش کی۔
سنجے سنگھ سرینگر میں اپنی جماعت کے جموں و کشمیر میں واحد ایم ایل اے مہراج ملک کی حراست کے خلاف احتجاج کے لیے موجود تھے، انہوں نے الزام لگایا کہ لیفٹیننٹ گورنر منوج سنہا نے پولیس کو انہیں نظر بند رکھنے کا حکم دیا۔
نیشنل کانفرنس کے صدر اور سابق وزیراعلیٰ ڈاکٹر فاروق عبداللہ نے بھی اس اقدام کی مذمت کرتے ہوئے کہا کہ سنجے سنگھ کو احتجاج سے روکنا غلط ہے، عام آدمی پارٹی کے سربراہ اروند کیجریوال اور شیو سینا کے رہنما سنجے راوت سمیت دیگر اپوزیشن رہنماؤں نے بھی اس پر تنقید کی۔
یاد رہے کہ ڈوڈہ سے تعلق رکھنے والے ایم ایل اے مہراج ملک کو پبلک سیٖفٹی ایکٹ کے تحت حراست میں لیا گیا ہے، ان پر’عوامی نظم و ضبط کو خراب‘ کرنے کا الزام ہے۔
یہ پہلا موقع ہے کہ کسی موجودہ ایم ایل اے کو اس قانون کے تحت گرفتار کیا گیا ہے، پبلک سیٖفٹی ایکٹ کے تحت بغیر کسی فردِ جرم یا مقدمے کے 2 سال تک قید ممکن ہے۔
سنجے سنگھ نے ایک ویڈیو میں دکھایا کہ کس طرح وہ کرسی پر کھڑے ہو کر گیسٹ ہاؤس کے بڑے گیٹ کے اوپر سے فاروق عبداللہ سے بات کر رہے ہیں۔
یہ بھی پڑھیں: مقبوضہ جموں و کشمیر میں نئی قانون سازی اور مزید فوجی تعیناتی
سوشل میڈیا پلیٹ فارم ایکس پر ایک پوسٹ میں انہوں نے کہا یہ بڑی افسوسناک بات ہے کہ کئی مرتبہ جموں و کشمیر کے وزیراعلیٰ رہنے والے ڈاکٹر فاروق عبداللہ مجھ سے ملنے آئے مگر پولیس نے اجازت نہیں دی۔
’اگر یہ آمریت نہیں تو پھر کیا ہے۔‘
میڈیا رپورٹس کے مطابق فاروق عبداللہ کا کہنا تھا کہ سنجے سنگھ کو احتجاج سے روکنا بالکل غلط ہے اور لیفٹیننٹ گورنر منوج سنہا نے اپنے اختیارات کا غلط استعمال کیا ہے۔
مزید پڑھیں: مقبوضہ جموں و کشمیر میں 16 افراد کی پراسرار موت کی وجہ سامنے آگئی
’احتجاج کا حق بھارتی آئین دیتا ہے، بدقسمتی سے جموں و کشمیر ایک یونین ٹیریٹری ہے، جہاں ایل جی کے پاس مکمل اختیارات ہیں اور وہ انہیں غلط مقاصد کے لیے استعمال کر رہے ہیں۔‘
فاروق عبداللہ نے اس موقع پر نیپال اور بنگلہ دیش کی مثال بھی دی جہاں عوامی احتجاج اور ہنگاموں کے نتیجے میں وزرائے اعظم کو استعفیٰ دینا پڑا، انہوں نے خبردار کیا کہ ’ملک میں ایسی آگ بھڑکنے سے پہلے آئین کا تحفظ ضروری ہے، ورنہ حالات سنگین ہو سکتے ہیں۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سابق وزیراعلیٰ سری نگر سنجے سنگھ عام آدمی پارٹی فاروق عبداللہ نیشنل کانفرنس.ذریعہ: WE News
کلیدی لفظ: سابق وزیراعلی سنجے سنگھ عام آدمی پارٹی فاروق عبداللہ نیشنل کانفرنس عام آدمی پارٹی کے فاروق عبداللہ ایم ایل اے سنجے سنگھ
پڑھیں:
اسلام آباد: جموں کشمیر لبریشن فرنٹ کے چیئرمین یاسمین ملک کی اہلیہ مشال ملک پریس کانفرنس کررہی ہیں
data-id="863a0a8" data-element_type="widget" data-widget_type="theme-post-content.default">
251105-08-39
پشاور: بی آر ٹی کے سیکورٹی گارڈ کو قتل کردیا گیا