برطانیہ، فرانس اور جرمنی کی دوحہ پر اسرائیلی حملے کی سخت مذمت
اشاعت کی تاریخ: 13th, September 2025 GMT
دوحہ/واشنگٹن (نیوز ڈیسک) برطانیہ، فرانس اور جرمنی نے قطر کے دارالحکومت دوحہ پر 9 ستمبر کو کیے گئے اسرائیلی فضائی حملوں کی شدید مذمت کی ہے اور اسے قطر کی خودمختاری کی سنگین خلاف ورزی قرار دیا ہے۔
یورپی وزرائے خارجہ کا کہنا ہے کہ اسرائیلی کارروائی امن معاہدے کو خطرے میں ڈال سکتی ہے۔ وزرائے خارجہ نے کہا کہ وہ قطر کی ثالثی کی کوششوں کی مکمل حمایت کرتے ہیں اور تمام فریقین پر زور دیتے ہیں کہ فوری جنگ بندی پر اتفاق کیا جائے۔
ان کا مزید کہنا تھا کہ باقی یرغمالیوں کی رہائی اور غزہ میں قحط کو روکنے کے لیے ٹھوس اقدامات کیے جائیں، جبکہ اہم فریقین کو تحمل کا مظاہرہ کرتے ہوئے امن کے موقع سے فائدہ اٹھانا چاہیے۔
یاد رہے کہ منگل کے روز دوحہ میں ایک عمارت پر اسرائیلی فضائی حملے میں کم از کم 6 افراد جاں بحق ہوئے تھے۔ امریکی صدر ڈونلڈ ٹرمپ نے بھی اس کارروائی پر ناپسندیدگی کا اظہار کرتے ہوئے کہا کہ وہ اس اقدام سے خوش نہیں ہیں۔
ادھر قطر کے وزیراعظم شیخ محمد بن عبدالرحمن بن جاسم الثانی واشنگٹن پہنچ گئے ہیں جہاں وہ صدر ٹرمپ سمیت اعلیٰ حکام سے ملاقات کریں گے۔ میڈیا رپورٹس کے مطابق ملاقات میں اسرائیلی حملے اور غزہ میں جنگ بندی کے امکانات پر بات چیت کی جائے گی۔
قطری وزیراعظم کی امریکی نائب صدر جے ڈی وینس اور وزیر خارجہ مارکو روبیو سے ملاقات بھی ہوئی ہے جس میں سیکیورٹی معاہدے سمیت دوطرفہ تعاون پر گفتگو کی گئی۔ صدر ڈونلڈ ٹرمپ اور مشرق وسطیٰ کے لیے خصوصی ایلچی اسٹیو وٹکوف بھی قطری وزیراعظم سے ملاقات کریں گے۔
Post Views: 2.ذریعہ: Daily Mumtaz
پڑھیں:
برطانیہ میں ٹرین پر چاقو سے حملہ، 10 افراد زخمی، دو مشتبہ حملہ آور گرفتار
لندن: برطانیہ کے علاقے کیمرج شائر میں ٹرین کے اندر چاقو کے حملے کے نتیجے میں 10 افراد زخمی ہو گئے، جن میں سے 9 کی حالت تشویشناک بتائی جا رہی ہے۔
پولیس کے مطابق یہ واقعہ ڈانکاسٹر سے لندن کنگز کراس جانے والی ٹرین میں پیش آیا، جو شام 6 بج کر 25 منٹ پر روانہ ہوئی تھی۔
واقعے کے بعد پولیس نے ہنٹنگڈن اسٹیشن پر کارروائی کرتے ہوئے دو مشتبہ افراد کو گرفتار کر لیا۔
زخمیوں کو فوری طور پر قریبی اسپتال منتقل کر دیا گیا، جبکہ دیگر مسافروں کو لندن جانے والی بسوں کے ذریعے روانہ کیا گیا۔
پولیس نے اس واقعے کو ’بڑا حادثہ‘ قرار دیا ہے اور بتایا کہ انسدادِ دہشت گردی ماہرین تحقیقات میں معاونت کر رہے ہیں۔
ایک عینی شاہد نے بتایا کہ اُس نے ایک شخص کو خون آلود بازو کے ساتھ بھاگتے اور چیختے ہوئے دیکھا، “ان کے پاس چاقو ہے، بھاگو!” — اس کے فوراً بعد ایک اور شخص زمین پر گرا نظر آیا۔
برطانوی وزیراعظم کیئر اسٹارمر نے اس افسوسناک واقعے پر گہری تشویش کا اظہار کرتے ہوئے کہا کہ یہ حملہ “انتہائی پریشان کن” ہے۔ انہوں نے عوام سے اپیل کی کہ وہ افواہوں سے گریز کریں اور پولیس کی ہدایات پر عمل کریں۔
پولیس نے کہا ہے کہ واقعے کی تحقیقات جاری ہیں، تاہم حملے کی وجوہات تاحال سامنے نہیں آئیں۔
چین-آسیان فری ٹریڈ ایریا 3.0 اپ گریڈ پروٹوکول پر باضابطہ دستخط ہو گئے