میرا ڈمپل ہانیہ عامر سے زیادہ مشہور ہے، فیصل رحمان
اشاعت کی تاریخ: 19th, September 2025 GMT
فیصل رحمان نے کہا کہ ہانیہ عامر سے زیادہ مشہور میرا ڈمپل ہے کیونکہ ہانیہ عامر ابھی انڈسٹری میں نئی آئی ہے جبکہ میں اس انڈسٹری میں بہت پرانا ہوں۔
فیصل رحمان نے حال ہی میں ایک پوڈ کاسٹ میں شرکت کی جہاں انہوں نے مختلف معاملات پر بات کی ایک سوال کے جواب میں ان کا کہنا تھا ان کے دونوں گالوں پر ڈمپل ہیں، جن میں سے ایک زیادہ نمایاں ہے جبکہ دوسرا اُس وقت واضح ہوتا ہے جب وہ وزن بڑھاتے ہیں۔ انہوں نے مزاحیہ انداز میں بتایا کہ ان کے ڈمپلز کی وجہ سے بڑی عمر کی خواتین بھی ان کی مداح ہیں۔
View this post on Instagram
A post shared by DIVA Magazine Pakistan (@divamagazinepakistan)
پوڈکاسٹ میں گفتگو کے دوران فیصل رحمان نے انکشاف کیا کہ ان کے تایا بھارت میں مقیم تھے، اور وہ بچپن میں چاہتے تھے کہ تایا انہیں گود لے لیں تاکہ وہ بالی ووڈ میں کام کر سکیں لیکن تایا نے ایسا کرنے سے انکار کر دیا۔ انہوں نے مزید بتایا کہ وہ اکثر بھارت جا کر فلموں کے آڈیشن بھی دیتے تھے۔ تاہم انہیں کامیابی نہیں ملی۔
شادی نہ کرنے کے سوال کے جواب میں ان کا کہنا تھا کہ کافی اداکار ایسے ہیں جنہوں نے شادی نہیں کی لیکن یہ سوال صرف مجھ سے کیا جاتا ہے، انہوں نے کہا کہ میں نے عشق نہیں کیا بس ویسے ہی شادی نہیں کی کیونکہ میں ہمیشہ آزاد رہنا پسند کرتا ہوں اور میں شکر ادا کرتا ہوں کہ میں نے شادی نہیں کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈیا بالی ووڈ ڈمپل روینہ ٹنڈن شاہ رخ خان ہانیہ عامر.ذریعہ: WE News
کلیدی لفظ: انڈیا بالی ووڈ ڈمپل روینہ ٹنڈن شاہ رخ خان ہانیہ عامر ہانیہ عامر فیصل رحمان انہوں نے نہیں کی کہ میں
پڑھیں:
یوسف پٹھان سرکاری زمین پر قابض قرار، مشہور شخصیات قانون سے بالاتر نہیں، گجرات ہائیکورٹ
گجرات ہائیکورٹ نے سابق کرکٹر اور ترنمول کانگریس کے رکنِ پارلیمنٹ یوسف پٹھان کو وڈودرا میں سرکاری زمین پر قابض قرار دیتے ہوئے متنازع پلاٹ خالی کرنے کا حکم دے دیا۔ عدالت نے ریمارکس دیے کہ مشہور شخصیات قانون سے بالاتر نہیں ہوتیں اور انہیں استثنیٰ دینا معاشرے کے لیے غلط مثال قائم کرتا ہے۔
جسٹس مونا بھٹ کی سربراہی میں سنگل بینچ نے فیصلہ سناتے ہوئے یوسف پٹھان کی وہ درخواست مسترد کر دی جس میں انہوں نے وڈودرا کے علاقے تندالجہ میں اپنے بنگلے سے متصل سرکاری زمین پر قبضہ برقرار رکھنے کی اجازت طلب کی تھی۔
مزید پڑھیں: ’انڈیا کس منہ سے کھیلے گا!‘ شاہد آفریدی کے طنز پر ہال قہقہوں سے گونج اُٹھا
عدالت نے قرار دیا کہ عوامی نمائندہ اور قومی سطح کی شخصیت ہونے کے ناتے پٹھان پر قانون پر عمل کرنے کی زیادہ ذمہ داری عائد ہوتی ہے۔ مشہور شخصیات کی شہرت اور اثر و رسوخ انہیں معاشرے میں رول ماڈل بناتا ہے۔ اگر ایسے افراد کو قانون توڑنے کے باوجود رعایت دی جائے تو یہ عوامی اعتماد کو مجروح کرتا ہے اور عدالتی نظام کو کمزور کرتا ہے۔
یہ تنازع 2012 میں اس وقت شروع ہوا جب وڈودرا میونسپل کارپوریشن (VMC) نے یوسف پٹھان کو نوٹس جاری کیا اور متنازع زمین خالی کرنے کا کہا۔ پٹھان نے یہ نوٹس چیلنج کرتے ہوئے ہائیکورٹ سے رجوع کیا تھا۔
مزید پڑھیں: عرفان پٹھان کی پاکستان پر ٹرولنگ: ’یہ سنڈے مبارک کا اصل معاملہ کیا ہے؟‘
یوسف پٹھان نے مؤقف اختیار کیا تھا کہ انہیں اور ان کے بھائی، سابق بھارتی فاسٹ بولر عرفان پٹھان کو اس پلاٹ کو خریدنے کی اجازت دی جائے تاکہ ان کے اہلخانہ کی سیکیورٹی یقینی بنائی جا سکے۔
انہوں نے ریاست کے وزیر اعلیٰ کو بھی اس حوالے سے درخواست دی تھی۔ تاہم 2014 میں ریاستی حکومت نے یہ تجویز مسترد کر دی تھی۔ سرکاری انکار کے باوجود یوسف پٹھان نے زمین پر قبضہ برقرار رکھا، معاملہ عدالت میں پہنچا اور بالآخر ہائیکورٹ نے انہیں قابض قرار دیتے ہوئے زمین خالی کرنے کا حکم جاری کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت عرفان پٹھان قانون سے بالاتر نہیں گجرات گجرات ہائیکورٹ مشہور شخصیات یوسف پٹھان
وفاقی کابینہ کا نئے گیس کنکشنز پر عائد پابندی ختم کرنے کا فیصلہ