چمن ٹیکسی اسٹینڈ دھماکا، ناقابلِ شناخت لاش کس کی تھی؟ پتہ چل گیا
اشاعت کی تاریخ: 20th, September 2025 GMT
—فائل فوٹو
بلوچستان کے ضلع چمن میں بابِ دوستی کے مقام پر ٹیکسی اسٹینڈ میں ہونے والے بم دھماکے کے شواہد جمع کرنے کا عمل مکمل کر لیا گیا، جس کے بعد باب دوستی پر آمد و رفت بحال کر دی گئی۔
پولیس کے مطابق ناقابلِ شناخت لاش کی شناخت محمد عارف کے نام سے ہوئی ہے، جو اسٹینڈ پر مزدوری کرتا تھا۔
کاؤنٹر ٹیررازم ڈپارٹمنٹ (سی ٹی ڈی) کی ابتدائی رپورٹ کے مطابق دھماکے میں 5 کلو سے زائد دھماکا خیز مواد اور 2 کلو سے زائد بال بیرنگ استعمال کیے گئے۔
اسسٹنٹ کمشنر کا کہنا ہے کہ دھماکے کے نتیجے میں متعدد افراد زخمی ہوگئے۔
خودکش دھماکے کے شواہد نہیں ملے، دھماکے میں 6 مقامی محنت کش جاں بحق اور 2 زخمی ہوئے تھے۔
دھماکا محمد عارف کے پاس رکھے ہوئے نامعلوم مسافر کے سامان میں ہوا تھا۔
بابِ دوستی سے آج دو طرفہ ٹریڈ اور مسافروں کی آمد و رفت بحال کر دی گئی ہے۔
کسٹم حکام کے مطابق باب دوستی سے تازہ پھلوں کے درآمدی اور برآمدی کارگو کو سب سے پہلے کلیئر کیا جا رہا ہے۔
واضح رہے کہ چمن میں بابِ دوستی پر واقع ٹیکسی اسٹینڈ میں دھماکا 18 ستمبر کو ہوا تھا۔
.ذریعہ: Jang News
کلیدی لفظ: ٹیکسی اسٹینڈ
پڑھیں:
سپریم کورٹ کی کینٹین میں سلینڈر دھماکا، جھلسنے والا 19 سالہ لڑکا چل بسا
سپریم کورٹ میں گیس لیکج دھماکے کے نتیجے میں جھلسنے والا 19 سال کا لڑکا اسپتال میں چل بسا۔
واضح رہے کہ گزشتہ روز سپریم کورٹ میں گیس لیکج کے باعث دھماکا ہوا تھا جس میں 12 افراد زخمی ہوئے تھے۔
سپریم کورٹ گیس لیکج دھماکے کے 12 زخمیوں کو پمز اسپتال منتقل کیا گیا تھا۔
ذرائع کا کہنا تھا کہ دھماکا اس قدر زوردار تھا کہ عدالتوں میں موجود وکلاء بھی اپنے کمروں سے باہر آگئے تھے، سلینڈر دھماکے سے سپریم کورٹ کی کورٹ نمبر 6 بھی متاثر ہوئی تھی۔
ڈکشنری ڈاٹ کام نے 2025 کیلئے منفرد لفظ “سکس۔سیون”67 منتخب کرلیا