سابق وفاقی سیکرٹری خزانہ ڈاکٹر وقار مسعود انتقال کرگئے
اشاعت کی تاریخ: 21st, September 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد(صباح نیوز) سابق وفاقی سیکرٹری خزانہ ڈاکٹر وقار مسعود کا اسلام آباد میں انتقال ہو گیا ہے، صدر آصف علی زرداری، وزیراعظم شہباز شریف، سیاسی و سماجی رہنماوں اور مختلف شعبہ ہائے زندگی سے تعلق رکھنے والی شخصیات نے ڈاکٹر وقار مسعود کے انتقال پر گہرے دکھ اور افسوس کا اظہار کرتے ہوئے مرحوم کے درجات کی بلندی اور لواحقین کے لیے صبر جمیل کی دعا کی ہے۔ ان کی نماز جنازہ کا اعلان بعد میں کیا جائے گا۔ڈاکٹر وقار مسعود وفاقی سیکرٹری خزانہ کے طور پر خدمات انجام دیتے رہے اور انہیں ملکی تاریخ کا سب سے طویل عرصہ تک ذمہ داریاں نبھانے والا سیکرٹری خزانہ قرار دیا جاتا ہے۔ ممتاز ماہر اقتصادیات ڈاکٹر وقار مسعود خان حافظ قران بھی تھے , انہوں نے سودکے خاتمے کے موضوع پر دو کتابیں بھی تصنیف کیں۔ وفاقی حکومت میں کئی باوقار عہدوں پر فائز رہنے کے ساتھ ساتھ وزیراعظم کے خصوصی سیکرٹری، سیکرٹری مالیات ڈویژن، سیکرٹری اقتصادی امور ڈویژن، سیکرٹری پیٹرولیم و قدرتی وسائل اور سیکرٹری ٹیکسٹائل انڈسٹری کے طور پر خدمات انجام دیں۔ انہوں نے پاکستان کے مرکزی بینک، نیشنل بینک آف پاکستان اور اسلامی ترقیاتی بینک سمیت کئی مقامی اور بین الاقوامی مالی اور بینکنگ اداروں کے بورڈ آف ڈائریکٹرز میں خدمات انجام دیں، اور انہوں نے آئی ایم ایف، عالمی بینک اور ایشیائی ترقیاتی بینک میں پاکستان کی نمائندگی کی۔
.
ذریعہ
ذریعہ: Jasarat News
کلیدی لفظ: ڈاکٹر وقار مسعود سیکرٹری خزانہ
پڑھیں:
وزیر ریلوے کی اطالوی قومی دن کے موقع پر اٹلی کی حکومت اور عوام کو مبارکباد
اسلام آباد(اُردو پوائنٹ اخبارتازہ ترین - این این آئی۔ 02 جون2026ء) وزیر ریلوے محمد حنیف عباسی نے اطالوی قومی دن کے موقع پر اٹلی کی حکومت اور عوام کو مبارکباد پیش کرتے ہوئے کہا ہے کہ پاکستان اور اٹلی کے درمیان دیرینہ دوستانہ تعلقات باہمی احترام، اعتماد اور تعاون پر مبنی ہیں۔منگل کو اپنے بیان میں انہوں نے کہا کہ اٹلی پاکستان کا ایک اہم یورپی شراکت دار ہے اور دونوں ممالک کے تعلقات وقت کے ساتھ مزید مستحکم ہوئے ہیں۔ وزیر ریلوے نے کہا کہ پاکستان اٹلی کے ساتھ تجارت، سرمایہ کاری، تعلیم اور ثقافتی روابط کے فروغ کو خصوصی اہمیت دیتا ہے۔انہوں نے کہا کہ اطالوی قومی دن دونوں ممالک کے درمیان دوستی اور تعاون کے مزید فروغ کے عزم کی تجدید کا موقع فراہم کرتا ہے۔ انہوں نے اٹلی میں مقیم پاکستانی برادری کے کردار کو سراہتے ہوئے کہا کہ یہ برادری دونوں ممالک کے درمیان تعلقات کو مضبوط بنانے میں اہم کردار ادا کر رہی ہے۔(جاری ہے)
وزیر ریلوے نے کہا کہ پاکستان اٹلی کے ساتھ اقتصادی، تجارتی اور عوامی سطح کے روابط کو مزید وسعت دینے کا خواہاں ہے ،دونوں ممالک کے درمیان مختلف شعبوں میں تعاون کے وسیع امکانات موجود ہیں جو مشترکہ ترقی اور خوشحالی کا ذریعہ بن سکتے ہیں۔انہوں نے کہا کہ پاکستان اور اٹلی کے مضبوط تعلقات باہمی مفادات کے تحفظ اور بین الاقوامی تعاون کے فروغ میں اہم کردار ادا کر رہے ہیں اور یہ دیرینہ دوستی مستقبل میں مزید مضبوط اور نتیجہ خیز شراکت داری میں تبدیل ہوگی۔ انہوں نے اطالوی قومی دن پر پاکستان اور اٹلی کے عوام کے لیے امن، ترقی اور خوشحالی کی نیک تمناں کا اظہار کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ