اطاعت نظم تنظیم کی مضبوطی کی ضمانت ہے‘رخشندہ منیب
اشاعت کی تاریخ: 21st, September 2025 GMT
data-id="863a0a8" data-element_type="widget" data-widget_type="theme-post-content.default">
250921-08-14
کراچی ( اسٹاف رپورٹر) حلقہ خواتین جماعت اسلامی صوبہ سندھ کی ناظمہ رخشندہ منیب نے کہا ہے کہ اطاعت نظم تنظیم کی مضبوطی کی ضمانت ہے اور اسی میں اللہ تعالیٰ کی رضا پوشیدہ ہے۔ انہوں نے کہا کہ جب ہر رکن اور ذمے دار نظم کا احترام کرتے ہوئے اپنے فرائض انجام دیتا ہے تو کام میں برکت اور جدوجہد میں استقامت پیدا ہوتی ہے ان خیالات کااظہار انہوں نے صوبے کے مختلف اضلاع کے نگرانوں اور شعبہ جات کے ذمے داران کے ساتھ منعقدہ ایک اہم اجلاس سے خطاب کرتے ہوئے کیا۔اجلاس میں ضلعی نگرانوں اور شعبہ جاتی انچارجز نے اپنے اپنے شعبوں کی کارکردگی رپورٹ پیش کی اور خصوصاً سیرت النبیؐ کے جاری پروگراموں کی پیش رفت کا تفصیلی جائزہ دیا۔شرکا کو آئندہ کے منصوبوں سے بھی آگاہ کیا گیا جن میں مدرسات کے ماسٹر ٹرینرز پروگرام اور ناظمہ صوبہ کے زیر انتظام زیریں اور بالائی سندھ کے تنظیمی دورے شامل ہیں۔رخشندہ منیب نے اس موقع پر تمام ذمے داران پر زور دیا کہ وہ دعوت و تربیت کی سرگرمیوں کو زیادہ منظم، مربوط اور مؤثر بنانے کے لیے بھرپور محنت کریں اور جدید تقاضوں کے مطابق اپنی حکمت عملی مرتب کریں۔ انہوں نے کہا کہ اتحاد، بروقت رابطہ اور نظم کی پابندی ہی کامیاب تحریک کی اصل طاقت ہے۔
ذریعہ: Jasarat News
پڑھیں:
جعفر ایکسپریس کا ماسٹر مائنڈ گل رحمان افغانستان میں ہلاک
مختلف رپورٹ کے مطابق افغانستان میں ہلاک ہونیوالا گل رحمان نہ صرف دہشتگرد تنظیم کا آپریشنل کمانڈر اور ٹرینر تھا بلکہ اسے جعفر ایکسپریس حملے کا ماسٹر مائنڈ بھی قرار دیا جا رہا ہے۔ اسلام ٹائمز۔ بلوچستان میں جعفر ایکسپریس پر حملے کا مبینہ ماسٹر مائنڈ دہشتگرد گل رحمان عرف استاد مرید افغانستان کے صوبہ ہلمند میں پراسرار طور پر ہلاک ہوگیا۔ مختلف پاکستانی اخباروں کی رپورٹ کے مطابق گل رحمان نہ صرف دہشتگرد تنظیم کا آپریشنل کمانڈر اور ٹرینر تھا بلکہ اسے جعفر ایکسپریس حملے کا ماسٹر مائنڈ بھی قرار دیا جا رہا ہے۔ اس کے علاوہ وہ پاکستان میں سکیورٹی فورسز، چینی شہریوں، اہم تنصیبات اور معصوم شہریوں پر کئی دہشتگردانہ حملوں میں براہ راست ملوث تھا۔
رپورٹ کے مطابق گل رحمان کی نگرانی میں ہونے والی بڑی کاروائیوں میں جعفر ایکسپریس بم دھماکہ، کراچی میں چینی قونصلیٹ پر حملہ، گوادر کے پی سی ہوٹل پر حملہ، خضدار میں سکول بس دھماکہ، کنفیوشس انسٹیٹیوٹ کراچی میں خودکش حملہ، پاکستان سٹاک ایکسچینج پر حملہ اور کوئٹہ ریلوے سٹیشن میں بم دھماکہ شامل ہیں۔ مزید بتایا جا رہا ہے کہ کالعدم تنظیم کی مجید بریگیڈ جو اس دہشتگرد تنظیم کا عسکری ونگ ہے، کو امریکا عالمی دہشتگرد تنظیم قرار دے چکا ہے۔ جبکہ پاکستان اور چین نے اسے اقوام متحدہ کی دہشتگرد فہرست میں شامل کرنے کا باضابطہ مطالبہ بھی کیا ہے۔
رپورٹ کے مطابق گل رحمان افغانستان میں روپوش تھا اور وہیں سے پاکستان میں دہشتگردانہ نیٹ ورک کو کنٹرول کر رہا تھا۔ اس کی ہلاکت کو نہ صرف دہشتگرد نیٹ ورک کے لیے بڑا دھچکا قرار دیا جا رہا ہے بلکہ اس بات پر بھی زور دیا جا رہا ہے کہ افغان سرزمین بدستور پاکستان کے خلاف دہشتگردانہ سرگرمیوں کے لیے استعمال ہو رہی ہے۔ پاکستانی حکام نے اس پیشرفت کا خیر مقدم کرتے ہوئے ایک بار پھر عالمی برادری پر زور دیا ہے کہ وہ فتنہ الہندوستان جیسے نیٹ ورکس اور ان کے سہولت کاروں کے خلاف ٹھوس اقدامات کرے تاکہ خطے میں امن و استحکام ممکن بنایا جا سکے۔
اسرائیل کو جنگی جرائم پر جوابدہ ٹھہرایا جائے، پاکستان