بھارتی یوٹیوبر گوا ایئرپورٹ کو آسیب زدہ قرار دینے پر گرفتار
اشاعت کی تاریخ: 22nd, September 2025 GMT
data-id="863a0a8" data-element_type="widget" data-widget_type="theme-post-content.default">
نئی دہلی: بھارت میں ایک یوٹیوبر کو مشکلات نے گھیر لیا، کیوں کہ اس نے اپنے چینل پر گوا کے منوہر انٹرنیشنل ایئرپورٹ کو ’آسیب زدہ‘ قرار دیا تھا۔
پولیس کے مطابق یوٹیوبر نے اپنی ویڈیوز میں افواہیں پھیلانے اور عوام میں خوف و ہراس پیدا کرنے کی کوشش تھی، جس کا مقصد اپنے چینل کی ناظرین میں مقبولیت حاصل کرنا تھا۔
گرفتار ہونے والا شخص اکشے وشیشت نامی یوٹیوبر ہے جسے دہلی کے علاقے دوارکا سے حراست میں لیا گیا۔ پولیس نے چھاپے کے دوران اس کا موبائل فون، لیپ ٹاپ اور کیمرہ بھی ضبط کرلیا تاکہ شواہد محفوظ کیے جاسکیں۔ اس کے خلاف باضابطہ طور پر ایف آئی آر درج کر دی گئی ہے۔
اطلاعات کے مطابق مذکورہ یوٹیوبر نے اپنی ویڈیو میں دعویٰ کیا تھا کہ گوا کا یہ ہوائی اڈا ایک ایسی جگہ پر تعمیر کیا گیا ہے جو ماضی میں مردوں کو جلانے کےلیے استعمال ہوتی رہی ہے۔
اُس نے مزید کہا کہ وہاں آج بھی ’مافوق الفطرت سرگرمیاں‘ جاری ہیں۔ ویڈیو میں یہ بھی کہا گیا کہ رات کے وقت کئی طیارے اس ایئرپورٹ سے پرواز کرنے سے گریز کرتے ہیں۔
پولیس حکام نے اس ویڈیو کو غیر ذمے دارانہ اور گمراہ کن قرار دیا۔ ان کے مطابق ایسی ویڈیوز نہ صرف عوام میں بلاوجہ کے خدشات کو جنم دیتی ہیں بلکہ ملک کی اہم تنصیبات کے بارے میں منفی تاثر بھی پیدا کرتی ہیں۔ اس طرح کی افواہیں ایئرپورٹ انتظامیہ کے لیے مشکلات کھڑی کر سکتی ہیں اور ملکی سلامتی پر بھی سوالات اٹھا سکتی ہیں۔
بھارتی میڈیا نے اپنی رپورٹس میں بتایا ہے کہ پولیس اس بات کی بھی تحقیقات کر رہی ہے کہ آیا یوٹیوبر نے جان بوجھ کر یہ پروپیگنڈا کیا یا پھر کسی نے اسے غلط معلومات فراہم کیں، تاہم اب تک شواہد سے یہی ظاہر ہوتا ہے کہ ویڈیو کا اصل مقصد محض سنسنی خیزی پیدا کر کے چینل کے سبسکرائبرز اور ناظرین میں اضافہ کرنا تھا۔
دوسری جانب اکشے وشیشت کی گرفتاری کے بعد سوشل میڈیا پر اس معاملے پر مختلف آرا سامنے آئی ہیں۔ کچھ صارفین نے کہا کہ یوٹیوبر کو اپنی آزادی اظہار کا حق استعمال کرنے کی اجازت ہونی چاہیے جب کہ کئی لوگوں نے اسے غیر ذمے دارانہ رویہ قرار دیتے ہوئے کہا کہ ایسی ویڈیوز معاشرے میں بے جا خوف پھیلاتی ہیں۔
بھارت میں حالیہ برسوں کے دوران سوشل میڈیا انفلوئنسرز اور یوٹیوبرز کی سرگرمیوں پر نظر رکھنے کے لیے قوانین مزید سخت کیے جا رہے ہیں۔ حکام کا کہنا ہے کہ کسی کو یہ اجازت نہیں دی جا سکتی کہ وہ ملک کی اہم تنصیبات یا اداروں کے بارے میں جھوٹی اور سنسنی خیز باتیں پھیلا کر عوام کو گمراہ کرے۔
.ذریعہ: Jasarat News
پڑھیں:
لاکھوں روپے وصولی کے باوجود جعلی ویزا لگا کر دینے والا انسانی اسمگلر گرفتار
ورک ویزے پر آسٹریلیا بھجوانے کے نام پر لاکھوں روپے وصولی کے باوجود جعلی ویزا لگا کر دینے والے انسانی اسمگلر کو گرفتار کر لیا گیا۔
ایف آئی اے انسداد انسانی اسمگلنگ سرکل نے کارروائی کرتے ہوئے ملزم کو گرفتار کیا۔
ترجمان کے مطابق رجسٹرڈ اوورسیز ایمپلائنمنٹ پروموٹر نہ ہونے کے باوجود کاشف رضا نے شہری سے 8 لاکھ روپے ایڈوانس وصول کیے۔
گلشن اقبال کراچی کے رہائشی ملزم نے ویزے کے نام پر مجموعی طور پر 28 لاکھ میں معاملہ طے کیا تھا۔
ملزم کے خلاف مقدمہ اندراج کے بعد مزید کارروائی جاری ہے۔
ہماری کوشش ہے کہ عمران خان اور اسٹیبلشمنٹ کے درمیان ایک مؤثر رابطے کا کردار ادا کیا جائے، محمود مولوی کا شاہ محمود قریشی سے ملاقات کے بعد بیان