واٹس ایپ کا انقلابی فیچر: اب گروپ چیٹ میں ایک کلک سے سب کو ٹیگ کریں
اشاعت کی تاریخ: 22nd, September 2025 GMT
data-id="863a0a8" data-element_type="widget" data-widget_type="theme-post-content.default">
واٹس ایپ اپنے صارفین کےلیے ایک اور سہولت متعارف کرانے کی تیاری کر رہا ہے جو بالخصوص بڑے گروپ چیٹس کو زیادہ مؤثر اور آسان بنائے گی۔
حالیہ رپورٹس کے مطابق میٹا کی زیر ملکیت اس مقبول ایپلی کیشن میں ایک ایسا فیچر آزمایا جا رہا ہے جس کے ذریعے گروپ میں موجود ہر فرد کو ایک ہی بار میں مینشن کرنا ممکن ہوگا۔
ٹیکنالوجی ویب سائٹ WABetaInfo کی رپورٹ میں بتایا گیا ہے کہ یہ فیچر صارفین کو “@everyone” استعمال کرنے کی سہولت فراہم کرے گا۔ اس کے ذریعے گروپ میں موجود تمام افراد کو بیک وقت ٹیگ کیا جا سکے گا، جس سے ہر رکن کو ایک ہی وقت میں نوٹیفکیشن موصول ہوگا۔
فی الحال گروپ چیٹ میں کسی بھی رکن کو مینشن کرنے کےلیے الگ الگ نام شامل کرنا پڑتا ہے، جو وقت طلب عمل ہے اور اس میں بعض اوقات کسی فرد کا نام رہ بھی جاتا ہے۔ اس نئے فیچر سے یہ مشکل ختم ہو جائے گی اور بڑے گروپس میں پیغام رسانی نہایت آسان ہو جائے گی۔
دلچسپ بات یہ ہے کہ یہ نوٹیفکیشن ان صارفین کو بھی جائے گا جنہوں نے چیٹ کو میوٹ کر رکھا ہو۔ اس طرح اہم پیغامات، اپ ڈیٹس یا اعلانات یقینی طور پر سب تک پہنچ سکیں گے۔ یہ سہولت خاص طور پر اُن گروپس میں زیادہ کارآمد ہوگی جہاں سیکڑوں افراد شامل ہوں اور ایک ساتھ سب کو اطلاع دینا ضروری ہو۔
رپورٹ کے مطابق یہ فیچر صرف گروپ ایڈمنز تک محدود نہیں ہوگا بلکہ گروپ میں موجود ہر شخص اسے استعمال کرسکے گا۔ تاہم ایڈمنز کو یہ اختیار ضرور دیا جائے گا کہ اگر چاہیں تو اس فیچر کو محدود کر دیں تاکہ اس کا غلط استعمال نہ ہو۔
فی الحال یہ فیچر واٹس ایپ کے بیٹا ورژن میں چند مخصوص صارفین کے لیے دستیاب ہے اور وسیع پیمانے پر اس کی آزمائش جاری ہے۔ کمپنی نے تاحال اس کی باضابطہ تاریخِ اجرا کا اعلان نہیں کیا، اس لیے یہ کہنا مشکل ہے کہ عام صارفین کب اس سہولت سے فائدہ اٹھا سکیں گے۔
ماہرین کے مطابق جیسے ہی یہ فیچر تمام صارفین کے لیے متعارف ہوگا، گروپ چیٹس کا استعمال پہلے سے کہیں زیادہ ہموار اور مؤثر ہو جائے گا، اور واٹس ایپ ایک بار پھر دیگر میسجنگ ایپس پر سبقت لے جائے گا۔
.ذریعہ: Jasarat News
پڑھیں:
وزیراعلیٰ مریم نواز کا پنجاب میں کچرا ٹھکانے لگانے کا جدید منصوبہ
لاہور:وزیراعلیٰ پنجاب مریم نواز شریف نے صوبے میں کچرا جمع کرنے کے لیے رَنگ دار کوڑے دان استعمال کرنے کا حکم دے دیا۔
پہلے مرحلے میں ’’اسمارٹ ویسٹ مینجمنٹ پراسیس‘‘ پنجاب بھر کے سرکاری و نجی تعلیمی اداروں میں نافذ کرنے کی منظوری دے دی گئی۔
پنجاب حکومت کے حکم نامے کے مطابق سرکاری و نجی درس گاہوں میں پانچ رنگ کے کوڑے دان رکھے جائیں۔
سینیئر وزیر موحولیات اینڈ کلائمٹ چینج مریم اورنگزیب منصوبے کی نگرانی کریں گی۔ رانا سکندر وزیرِ تعلیم اور ذیشان ملک وزیر لوکل گورنمنٹ کو ٹارگٹس سونپ دیے گئے، 30 ستمبر تک تمام اسکولوں میں رنگوں والے کوڑے دان لگانے کی ڈیڈ لائن مقرر کر دی گئی۔
یکم اکتوبر سے معائنہ شروع ہوگا اور رنگ دار کوڑے دان نہ رکھنے پر جرمانے ہوں گے۔
الگ الگ رنگ کے کچرے کے ڈبوں میں الگ الگ قسم کا ک کوڑا کرکٹ جمع کیا جائے گا، ماحولیاتی تحفظ کے ادارے نے باضابطہ نوٹیفکیشن جاری کر دیا۔
پیلے رنگ کے ڈبوں میں کاغذ اور ردی جمع کی جائے گی۔ سبز رنگ کے ڈبوں میں بوتلیں، کانچ کے ٹکڑے، لیبارٹری میں استعمال ہونے والا ضائع شدہ سامان ڈالا جائے گا۔
سُرمئی (گرے) رنگ میں پھلوں کے چھلکے، ضائع شدہ کھانا، پتے اور گلی سڑی سبزیاں پھینکی جائیں گی۔ لال رنگ کے کچرے کے ڈبے لوہے اور دیگر دھاتی کوڑے کے لیے استعمال ہوں گے، نارنجی (اورنج) ڈبے پلاسٹک ویسٹ کے لیے استعمال کیے جائیں گے۔
ان اشیاء کو دوبارہ استعمال کے قابل بنانے کے لیے استعمال کیا جائے گا۔ اس جدید طریقے کا مقصد کچرے کی مقدار میں کمی لانا اور ماحول دوست رویوں کو فروغ دینا ہے۔
پنجاب مینجمنٹ ہیلپ لائن (1139) پر تعلیمی ادارے کچرے کو اٹھانے کے لیے رابطہ بھی کر سکتے ہیں۔ لوکل گورنمنٹ اینڈ کمیونٹی ڈویلپمنٹ ڈیپارٹمنٹ رنگدار کوڑے دانوں کے انتظام میں اپنا کردار ادا کرے گا۔
ماحولیات کے تحفظ کا ادارہ (ای پی اے) تعلیمی اداروں میں اس طریقہ کار کے نفاذ کو یقینی بنائے گا، ای پی اے ٹیم درس گاہوں کا معائنہ بھی کرے گی۔ معیار پر پورا اترنے والے تعلیمی اداروں کو ای پی اے کی جانب سے سرٹیفکیٹ جاری کیا جائے گا۔
پاکستان تنازعات کے بات چیت کے ذریعے پرامن حل کا حامی ، اسرائیل کا لبنان اور شام کے بعد قطر پر حملہ ناقابل قبول ہے، نائب وزیراعظم و وزیر خارجہ سینیٹر محمد اسحاق ڈار