پیپلز پارٹی نے سندھ اور کراچی کو پسماندہ بنا دیا، وہاں کے لوگ مریم نواز کی قیادت چاہتے ہیں، عظمیٰ بخاری
اشاعت کی تاریخ: 22nd, September 2025 GMT
پنجاب کی وزیر اطلاعات عظمیٰ بخاری نے پیپلز پارٹی کے رہنما شرجیل میمن کے بیان پر شدید ردعمل دیتے ہوئے کہا ہے کہ پیپلز پارٹی نے سندھ اور کراچی کو “زمانہ قدیم” کا علاقہ بنا دیا ہے، اور آج وہاں کے عوام مریم نواز کی قیادت کو چاہتے ہیں۔
لاہور میں میڈیا سے گفتگو کرتے ہوئے عظمیٰ بخاری نے کہا کہ مسلم لیگ (ن) تعصب اور لسانیت کی سیاست پر یقین نہیں رکھتی، جبکہ پیپلز پارٹی کے وزرا پورے ملک کو سیاست کا درس دینے نکلے ہیں، لیکن اپنی کارکردگی پر نظر نہیں ڈالتے۔ انہوں نے سوال اٹھایا کہ “شرجیل میمن کو جتنی فکر پنجاب اور وفاق کی ہے، کاش اتنی فکر سندھ اور کراچی کی بھی ہوتی۔”
عظمیٰ بخاری نے کہا کہ اگر پیپلز پارٹی کو اپنے وزیراعلیٰ کی قیادت پر اتنا اعتماد ہے، تو پھر بلاول بھٹو کی جانب سے مریم نواز کی تعریف پر اعتراض کیوں کیا جاتا ہے؟ انہوں نے کہا کہ پنجاب میں گندم کی وافر مقدار موجود ہے اور مریم نواز کی بروقت منصوبہ بندی سے لاکھوں جانیں بچائی گئیں، جبکہ پیپلز پارٹی کے رہنما بارش رکنے کا انتظار کرتے رہے۔
انہوں نے سندھ حکومت کو چیلنج کرتے ہوئے کہا کہ “اگر آپ کے پاس بھی ایسی مثال ہے کہ وزیر اعلیٰ اور پوری کابینہ سیلاب متاثرین کے درمیان موجود رہی ہو، تو قوم کے سامنے پیش کریں۔”
پنجاب کی ناتجربہ کاری نے سیلاب کی تباہی کو بڑھایا،شرجیل میمن کا مؤقف
واضح رہے کہ سندھ کے وزیر اطلاعات شرجیل میمن نے حالیہ بیان میں کہا تھا کہ اگر پنجاب میں سیلاب سے متعلق کوئی فیکٹ فائنڈنگ رپورٹ بنائی جائے، تو واضح ہو جائے گا کہ تباہی کی شدت بہتر حکمتِ عملی سے کم کی جا سکتی تھی۔
ان کا کہنا تھا کہ پنجاب میں پانی کی سطح زیادہ ضرور تھی، لیکن ناتجربہ کاری اور ناقص منصوبہ بندی کے باعث نقصانات بڑھ گئے۔ انہوں نے دعویٰ کیا کہ سندھ میں محکمہ آبپاشی نے بروقت اقدامات کیے، وزیراعلیٰ سندھ خود مانیٹرنگ کرتے رہے، اور تمام متعلقہ محکموں کے نمائندے مانیٹرنگ سیلز میں موجود رہے۔
شرجیل میمن نے اعتراف کیا کہ سندھ میں بھی مکمل تباہی سے نہیں بچا جا سکا، مگر مناسب حکمتِ عملی سے نقصان کو محدود رکھا گیا۔
Post Views: 1.ذریعہ: Daily Mumtaz
پڑھیں:
کاش ایسی عینک بن جائے جو اڈیالہ کے مجاوروں کو کے پی کی صورتحال دکھا سکے، عظمیٰ بخاری
data-id="863a0a8" data-element_type="widget" data-widget_type="theme-post-content.default">
لاہور:۔ وزیر اطلاعات و ثقافت پنجاب عظمیٰ بخاری نے کہا ہے کہ وزیراعلیٰ پنجاب مریم نواز صوبے کی تاریخ میں سب سے زیادہ ترقیاتی منصوبے شروع کرنے اور مکمل کرنے والی وزیرِاعلیٰ ہیں۔
لاہور میں پریس کانفرنس کرتے ہوئے عظمیٰ بخاری نے کہا کہ پنجاب حکومت نے عوامی فلاح و بہبود کے لیے متعدد اقدامات کیے ہیں اور سیلاب متاثرین میں 10 ارب روپے تقسیم کیے جا چکے ہیں۔ ان کا کہنا تھا کہ حکومت نے فیصلہ کیا ہے کہ مریم نواز کے فلاحی منصوبوں سے متعلق تفصیلات عوام تک پہنچائی جائیں گی۔
عظمیٰ بخاری نے بتایا کہ وہ آج پنجاب حکومت کے 16 منصوبوں پر تفصیل سے بات کر رہی ہیں۔ ان کے مطابق پنجاب کے منصوبے ہر قسم کی کرپشن سے پاک ہیں، جبکہ مخالفین کے تو کلرکوں سے بھی اربوں روپے برآمد ہو جاتے ہیں۔ انہوں نے کہا کہ پنجاب میں اب ڈی سی، کمشنر اور اے سی کا “ریٹ” ختم ہو چکا ہے، بیوروکریسی کی کارکردگی کو کے پی آئی سسٹم کے تحت مانیٹر کیا جا رہا ہے۔
وزیر اطلاعات نے طنزیہ انداز میں خیبر پختونخوا حکومت کو تنقید کا نشانہ بناتے ہوئے کہا کہ کل کے پی میں نئی سائنسی ایجاد ہوئی، وزیراعلیٰ نے کوئی عینک لگائی، سمجھ نہیں آئی کہ سینسر لگا کر کیا کیا جا رہا ہے۔ کاش ایسی عینک بن جائے جو اڈیالہ کے مجاوروں کو کے پی کی محرومیاں، اسکول، اسپتال اور امن و امان کی بگڑتی ہوئی صورتحال دکھا سکے۔ اگر ایسی عینک بنانی ہو تو پنجاب حکومت مدد کے لیے تیار ہے۔
انہوں نے پنجاب حکومت کے “ستھرا پنجاب پروگرام” کو تاریخ کا سب سے بڑا صفائی کا منصوبہ قرار دیا۔ ان کا کہنا تھا کہ ستھرا پنجاب کے تحت ایک لاکھ 40 ہزار 400 ورکرز اور دو ہزار سے زائد افسران کام کر رہے ہیں، اب تک 94 لاکھ 4 ہزار ٹن ویسٹ ٹھکانے لگایا جا چکا ہے۔
عظمیٰ بخاری نے کہا کہ ستھرا پنجاب اور الیکٹرک بس سروس عوام میں سب سے زیادہ پذیرائی حاصل کرنے والے منصوبے ہیں۔ الیکٹرک بسوں کا فیز ٹو شروع ہو چکا ہے جس کے تحت 200 نئی بسیں فراہم کی جا رہی ہیں، جبکہ فیز ٹو میں بہاولپور، راجن پور اور گجر خان سمیت کئی اضلاع کو بسیں دی جائیں گی۔انہوں نے بتایا کہ چکوال، جہلم، بہاولنگر، جھنگ، راولپنڈی، رحیم یار خان اور ٹوبہ ٹیک سنگھ میں بھی الیکٹرک بسیں متعارف کرائی جا رہی ہیں۔ ان کا کہنا تھا کہ دسمبر تک پنجاب بھر کے 42 شہروں میں 1100 الیکٹرک بسیں فراہم کی جائیں گی۔
بین الاقوامی نظام انصاف میں ’تاریخی مثال‘، جنگی جرائم میں ملوث روسی اہلکار لتھوانیا کے حوالے