کراچی میں نویں اسٹوڈنٹس اولمپک گیمز 2025 کا شاندار آغاز، 500 ٹیموں کی شرکت
اشاعت کی تاریخ: 22nd, September 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسپورٹس رپورٹر مقصود احمد): نویں اسٹوڈنٹس اولمپک گیمز 2025 کا آغاز کراچی میں رنگا رنگ تقریب کے ساتھ ہوگیا۔ ایونٹ 15 سے 30 ستمبر تک جاری رہے گا جس میں شہر کے مختلف مقامات بشمول کے ایم سی اسپورٹس کمپلیکس، پاکستان اسپورٹس بورڈ گراؤنڈ، منی اسپورٹس کمپلیکس ناظم آباد اور دیگر وینیوز پر مقابلے منعقد کیے جا رہے ہیں۔
اس میگا ایونٹ میں 5 کیٹیگریز کے تحت 24 مختلف کھیلوں کے مقابلے شامل ہیں، جن میں شہر بھر کے اسکولوں اور تعلیمی اداروں کی 500 ٹیمیں حصہ لے رہی ہیں۔ شرکاء کو مختلف ایج گروپس میں تقسیم کیا گیا ہے، جن میں کلاس 4-5، 6-8، میٹرک و او لیول، انٹرمیڈیٹ و اے لیول، یونیورسٹی اور اوپن ایج گروپ شامل ہیں۔
اسپورٹس ایونٹ میں شامل کھیلوں میں ایتھلیٹکس، تیر اندازی، بیڈمنٹن، باسکٹ بال، سائیکلنگ، شطرنج، کیچ بال، ڈاج بال، کرکٹ، فٹسال، فٹنس، جمناسٹکس، ہینڈ بال، ہاکی، نیٹ بال، پیڈل، پکلی بال، رسی اسکیپنگ، اسکیٹنگ، تھرو بال، ٹگ آف وار، والی بال اور ٹیبل ٹینس شامل ہیں۔
افتتاحی تقریب کے ایم سی اسپورٹس کمپلیکس، کشمیر روڈ پر منعقد ہوئی، جس میں مہمانانِ خصوصی عبدالوہان چیئرمین براک اسپورٹس اور مقبول آرائیں صدر پاکستان اسٹوڈنٹس اولمپک ایسوسی ایشن نے شرکت کی۔ انہوں نے رنگ برنگے غبارے اور افتتاحی بینر فضا میں بلند کرکے ایونٹ کا آغاز کیا۔ اس موقع پر احمد علی راجپوت، سیکریٹری سندھ اولمپک ایسوسی ایشن، امے لیلیٰ، سیکرٹری پاکستان کیچ بال ایسوسی ایشن سمیت مختلف اسکولوں کے پرنسپلز، اسپورٹس کوآرڈینیٹرز، کوچز اور کھلاڑی بھی موجود تھے۔
ایونٹ کے پہلے روز تھرو بال کے مقابلے منعقد ہوئے، جن میں گرلز ایونٹ میں ڈی ایچ اے فیز 4 اسکول نے پہلی پوزیشن حاصل کی، قائداعظم رینجرز اسکول نے دوسری اور بھری کالج نور-1 نے تیسری پوزیشن اپنے نام کی۔ اسی طرح تھرو بال بوائز ایونٹ میں ٹی ایف ایس اے اسکول نے پہلی، ٹی ایف ایس اسکول بی نے دوسری جبکہ صفیہ بوائز اسکول نے تیسری پوزیشن حاصل کی۔
اسپورٹس آرگنائزرز کے مطابق ایونٹ کے دوران نوجوان کھلاڑیوں کو کھیلوں کے ساتھ ساتھ صحت مند سرگرمیوں میں حصہ لینے کا موقع ملے گا، جبکہ یہ گیمز تعلیمی اداروں کے طلبہ و طالبات میں کھیلوں کی اہمیت اجاگر کرنے میں اہم کردار ادا کریں گے۔
.
ذریعہ
ذریعہ: Jasarat News
پڑھیں:
سندھ، پنجاب اور کے پی کے مختلف شہروں میں بارش اور مٹی کا طوفان
فائل فوٹوسندھ، پنجاب اور خیبرپختونخوا کے مختلف شہروں میں تیز ہوائیں، طوفان اور بارش ہوئی ہے جس سے متعدد علاقوں میں بجلی کی فراہمی متاثر ہوگئی۔
خیبرپختونخوا میں مختلف حادثات میں 20 سے زائد افراد زخمی ہوئے ہیں۔
سندھ کے علاقے تھرپارکر میں بارش، سکھر میں ژالہ باری، لاڑکانہ، حیدرآباد، مٹیاری، ہالہ، نیو سعیدآباد، شکارپور اور کندھ کوٹ میں مٹی کا طوفان آیا ہے۔
اسلام آباد، لاہور، جہلم، سرگودھا، گجرات، رحیم یار خان، چنیوٹ سمیت پنجاب کے کئی علاقوں میں بارش ہوئی۔
تیز ہوا کے باعث لوئر کرم میں بجلی کی مین لائن کا ٹاور گر گیا، پاراچنار اور اس کے ملحقہ علاقوں اور پاک افغان سرحدی دیہات کی بجلی بند ہوگئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ