نہانا صبح بہتر یا رات کو، یا ایک اور کام بھی ضروری؟
اشاعت کی تاریخ: 22nd, September 2025 GMT
دن کا آغاز تازگی سے کریں یا دن بھر کی تھکن کو دھو ڈالیں؟ یہ وہ سوال ہے جو شاید لوگوں کو 2 بڑے گروہوں میں تقسیم کر دیتا ہے۔
یہ بھی پڑھیں: انسانی دماغ میں فاصلہ ناپنے کا نظام دریافت، یہ قدرتی گھڑی کیسے کام کرتی ہے؟
کچھ افراد صبح نہانا پسند کرتے ہیں اور کچھ رات سونے سے پہلے شاور لیتے ہیں لیکن سوال یہ ہے کہ صحت کے لیے کون سا وقت بہتر ہے؟
بی بی سی کی رپورٹ کے مطابق ماہرین کہتے ہیں کہ شاور لینے کا بنیادی فائدہ جلد سے پسینہ، چکنائی، گرد و غبار اور آلودگی کو ہٹانا ہے۔ وہ مزید کہتے ہیں کہ اگر آپ رات کو نہاتے ہیں تو دن بھر کی گندگی اور جراثیم کو بستر میں لے جانے سے بچ سکتے ہیں لیکن یہ معاملہ اتنا سادہ نہیں۔
مزید پڑھیے: اکثر افراد کو درپیش ’دماغی دھند‘ کیا ہے، قابو کیسے پایا جائے؟
ماہر مائیکرو بایالوجی پریمروز فری اسٹون کے مطابق کہ رات کو شاور لینے سے آپ بستر میں صاف حالت میں جاتے ہیں لیکن نیند کے دوران بھی جسم پسینہ خارج کرتا ہے اور ہزاروں جلدی خلیے جھڑتے ہیں جو گرد کے کیڑوں کے لیے بہترین غذا بنتے ہیں۔
یعنی اگر آپ بستر کی چادریں اور تکیے کے غلاف باقاعدگی سے نہیں دھوتے تو رات کو نہانے کا فائدہ محدود ہو جاتا ہے۔
بستر کی صفائی زیادہ اہمیونیورسٹی آف ہل (برطانیہ) سے وابستہ ڈاکٹر ہولی ولکنسن کا کہنا ہے کہ اگر آپ نہا کر بھی گندے بستر میں سوتے ہیں تو وہ جراثیم، مٹی اور گرد آپ کے جسم تک واپس پہنچ سکتے ہیں۔ لہٰذا بستر کو صاف رکھنا اکثر شاور سے بھی زیادہ اہم ہو سکتا ہے۔
مزید پڑھیں: ’اور کیسے ہیں؟‘ کے علاوہ بھی کچھ سوال جو آپ کو لوگوں کے قریب لاسکتے ہیں!
گندے بستر میں سونے سے الرجی، سانس کی بیماریاں اور بعض اوقات جلدی انفیکشن کا خطرہ بھی بڑھ سکتا ہے۔
بہتر نیند کے لیے رات کا شاوررات کو شاور لینے کے کچھ اور فوائد بھی ہیں۔ تحقیق سے معلوم ہوا ہے کہ سونے سے ایک یا 2 گھنٹے پہلے گرم پانی سے نہانا نیند کو بہتر بنا سکتا ہے۔
ایک میٹا اینالسز کے مطابق 10 منٹ کا گرم شاور نیند لانے میں مدد دیتا ہے کیونکہ جسم کا درجہ حرارت بڑھنے کے بعد جیسے ہی گرتا ہے دماغ کو سونے کا سگنل ملتا ہے۔
فیصلہ آپ پر ہےفری اسٹون کا جھکاؤ صبح کے شاور کی طرف ہے تاکہ رات کی نمی، پسینہ اور جراثیم کو دور کر کے دن کا آغاز صاف ستھرا کیا جائے۔
دوسری جانب، ولکنسن کہتی ہیں اگر آپ دن میں ایک بار نہا رہے ہیں تو یہ اتنا اہم نہیں کہ آپ صبح نہاتے ہیں یا رات کو بلکہ اصل بات یہ ہے کہ جسم کے اہم حصوں کو صاف رکھا جائے۔
یہ بھی پڑھیے: پھیپھڑے صحت کا راز کھولتے ہیں، ان کی کاردکردگی خود کیسے چیک کی جائے؟
انہوں نے مزید کہا کہ اگر آپ کا کام ایسا ہے جس میں جسم زیادہ گندا ہوتا ہے (جیسے کھیتوں میں کام یا تعمیراتی کام) تو شام کو نہانا بہتر ہے۔
رات کو نہانابستر میں صفائی کے ساتھ سونے کے لیے بہتر نیند میں مدد دے سکتا ہے۔
مزید پڑھیں: کیا بار بار اعضا کی پیوندکاری سے انسان امر ہو سکتا ہے؟شی جن پنگ اور پیوٹن کےدرمیان غیر متوقع گفتگو
صبح کے وقت نہانا رات کے پسینے، چکنائی اور جراثیم سے نجات دلاکر دن بھر کی تازگی کے لیے مفید ہے اور اسی طرح رات کا نہانا بھی سودمند ہے لیکن اصل بستر کو صاف رکھنا اور روزانہ جسم کی صفائی کرنا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
رات نہانا صبح نہانا نہانے کا بہترین وقت.ذریعہ: WE News
کلیدی لفظ: رات نہانا صبح نہانا نہانے کا بہترین وقت سکتا ہے اگر آپ رات کو کے لیے
پڑھیں:
منزل کا تعین ضروری، معیشت کی ترقی کیلئے اشرافیہ کا غلبہ توڑنا ہو گا: مصدق ملک
کراچی (آئی این پی) وفاقی وزیر مصدق ملک نے کہا ہے کہ معیشت کی ترقی کے لیے اشرافیہ کے غلبے کو توڑنا ضروری ہے‘ اپنی سمت درست کرنے سے پہلے منزل کا تعین بہت ضروری ہے‘ اسموگ سے زندگی کے 7 سے 8 سال عمر کم ہو جاتی ہے۔فیوچر سمٹ سے خطاب کرتے ہوئے وفاقی وزیر مصدق ملک کا کہنا تھا کہ اپنی سمت درست کرنے سے پہلے منزل کا تعین بہت ضروری ہے ۔ نوجوانوں کی منزل کوئی پیچیدہ نہیں ہے ۔ نوجوان تبدیلی پر یقین رکھتے ہیں ان کی خواہشات سادہ ہیں۔ انہوں نے کہا کہ کراچی کے شہریوں کو لاہور کی اسموگ کا اندازہ نہیں ہے۔ وفاقی وزیر نے کہا کہ عام فرد کو جی ڈی پی، جاری کھاتہ، بیرونی کھاتہ کچھ نہیں پتا، اسے صرف اندرونی مسائل کا پتا ہے ۔ عوام اپنی زندگی کو بہتر گزارنے کے خواہش مند ہیں۔ اس منزل تک پہنچنے کا طریقہ مشکل نہیں۔ عوام کو پرائمری ہیلتھ کیئر دینا کوئی مشکل نہیں۔ محلے آبادیاں اسی وقت آباد ہوں گے جب مقامی نمائندے منتخب ہوں، لوکل باڈی سسٹم مضبوط ہو ۔ انہوں نے کہا کہ اچھی نوکریاں تب ملیں گی جب نجی شعبہ فروغ پارہا ہو۔ کاروبار کی ترقی پائیدار ترقی سے ہوگی۔ پائیدار ترقی کا راستہ جدت اور پیداوار میں اضافے سے جڑا ہے۔ پیداواریت اور جدت صرف مسابقت سے آتی ہے ۔ دنیا میں انقلاب صرف مسابقت سے آیا ہے۔ جتنی معاشرے میں مسابقت ہوگی اتنی ہی جدت آئے گی اور مسابقت کے لیے یکساں مواقع ملنا ضروری ہیں ۔ انہوں نے کہا کہ اگر معاشرے میں سب کو یکساں مواقع نہ ملیں تو مسابقت نہیں ہوتی ۔ اگر معاشرے پر اشرافیہ کا غلبہ ہو تو کاروبار کیسے بڑھے گا ۔ کسی ایک شعبے کو ہی بجلی گیس ملے تو باقی شعبے کیسے مسابقت کریں گے۔ جس کو فیکٹر ان پٹ میں کمائی ہو تو وہ مسابقت کیوں کرے گا؟۔ مصدق ملک نے کہا کہ مخصوص شعبوں کو مراعات دیں تو اشرافیہ ہی غالب ہوتی ہے۔پروٹیکشن اور ٹیرف میں پیسہ بن رہا ہو تو ایکسپورٹ کیسے بڑھے گی؟۔ لوکل ٹریڈ میں پروٹیکشن اور ٹیرف رعایت ملے گی تو دنیا سے کون مسابقت کرے گا۔ انہوں نے کہا کہ اشرافیہ کے اس غلبے کو توڑنا ضروری ہے ورنہ معیشت پائیدار بنیادوں ترقی نہیں کرے گی ۔
آج والدین اپنے بچوں کو مار نہیں سکتے: عدنان صدیقی