حماس نے ایک اور اسرائیلی یرغمالی کی ویڈیو جاری کردی
اشاعت کی تاریخ: 22nd, September 2025 GMT
حماس کی ذیلی تنظیم عزالدین القسام بریگیڈز نے ایک ویڈیو جاری کی ہے جس میں ایک اسرائیلی نژاد جرمن یرغمالی ایلون اوہل کو زندہ دکھایا گیا۔
عالمی خبر رساں ادارے کے مطابق 24 سالہ ایلون اوہل کو 7 اکتوبر 2023 کو حماس نے اسرائیل پر حملے کے دوران یرغمال بنایا تھا۔ جب ایلون ایک میوزیکل کنسرٹ سے واپس آرہے تھے۔
اسرائیلی میڈیا کے مطابق سپرنووا میوزیکل فیسٹیول سے ایلون اوہل کو راستے میں دیگر تین نوجوانوں کے ساتھ حماس کے جنگجوؤں نے یرغمال بنالیا تھا اور غزہ لے گئے تھے۔
حماس نے رواں ماہ 5 ستمبر کو بھی ایلون اوہل کی ایک ویڈیو جاری کی تھی جس میں وہ ایک اور یرغمالی گائے گل بوا-ڈلال کے ساتھ نظر آئے تھے۔
حماس کی جانب سے ایلون اوہل کی یہ رواں ماہ جاری ہونے والی دوسری ویڈیو فوٹیج ہے تاہم اس بار بھی ان کے خاندان نے میڈیا سے ویڈیو اور تصاویر آن ایئر نہ کرنے کی درخواست کی۔
ویڈیو میں دیکھا جا سکتا ہے کہ سیاہ ٹی شرٹ میں ملبوس ایلون اوہل اسرائیلی وزیراعظم نیتن یاہو کو مخاطب کرتے ہوئے یرغمالیوں کی رہائی کے لیے اقدامات کرنے کا مطالبہ کر رہے ہیں۔
ایلون اوہل نے اپنے خاندان سے بھی اپیل کی کہ وہ اسرائیلی وزیراعظم نیتن یاہو اور حکومت کے خلاف احتجاج جاری رکھیں تاکہ یرغمالیوں کی رہائی ممکن بن سکے۔
فوٹیج میں ایک مسلح شخص بھی دکھائی دیتا ہے جو ایلون اوہل کے قریب بیٹھا ہے اور ان کے کندھے پر ہاتھ رکھتا ہے۔
ویڈیو کے پس منظر میں نیتن یاہو کی تقریر بھی ایک اسکرین پر چل رہی ہے۔ اے ایف پی اس ویڈیو کی تاریخ یا اس کی صداقت فوری طور پر تصدیق نہیں کر سکا۔
یاد رہے کہ اکتوبر 2023 کے حملے کے دوران حماس نے 251 افراد کو یرغمال بنایا تھا جن میں سے اب تک 47 قیدی غزہ میں موجود ہیں جن میں سے 25 قیدی مرچکے ہیں۔
.
ذریعہ: Express News
پڑھیں:
ایلون مسک دنیا کے پہلے ٹریلین ڈالر کے مالک بننے کے قریب؟ اس کا دنیا پر کیا اثر پڑےگا؟
امریکی الیکٹرک گاڑیوں کی کمپنی ٹیسلا اور اسپیس ’ایکس‘ کے مالک ایلون مسک دنیا کے پہلے ٹریلین ڈالر کے مالک بننے کے قریب پہنچ گئے ہیں۔
ایک ٹریلین امریکی ڈالر کی رقم 170 ممالک کی مجموعی قومی پیداوار (جی ڈی پی) سے زیادہ ہے، جن میں سنگاپور، متحدہ عرب امارات، سوئٹزرلینڈ، سویڈن، ناروے، ہانگ کانگ، قطر اور نیوزی لینڈ شامل ہیں۔
مزید پڑھیں: مصنوعی ذہانت تمام نوکریاں ختم کر دے گی، ایلون مسک کا انتباہ
جمعرات کو ٹیسلا کے حصص یافتگان امریکی ریاست ٹیکساس میں جمع ہوں گے تاکہ اس مجوزہ پیکج پر ووٹ دے سکیں۔ ایک ایسا فیصلہ جو ممکنہ طور پر کارپوریٹ گورننس کی تاریخ بدل سکتا ہے، اور ایلون مسک کو دنیا کا پہلا ٹریلین ڈالر کا انسان بنا سکتا ہے۔
مجوزہ ٹریلین ڈالر پیکج
دولت کی مساوات کے لیے سرگرم کارکنوں نے اس پیکج کو ناقابلِ قبول قرار دیا ہے۔
ان کا کہنا ہے کہ دنیا اس وقت جنگوں، قحط، خشک سالیوں اور بیماریوں سے دوچار ہے، اور یہ خطیر رقم اگر انسانی فلاح پر خرچ کی جائے تو بے پناہ بھلائی ہو سکتی ہے۔
اقوام متحدہ کے ورلڈ فوڈ پروگرام نے 2021 میں کہا تھا کہ دنیا سے بھوک ختم کرنے کے لیے 2030 تک ہر سال قریباً 40 ارب امریکی ڈالر درکار ہوں گے، یعنی کل 400 ارب ڈالر، جو اس پیکیج کی نصف رقم سے بھی کم ہے۔
کارکنوں کے مطابق ایلون مسک کی موجودہ دولت پہلے ہی 500 ارب ڈالر سے زیادہ ہے۔ فوربز کے اعداد و شمار کے مطابق ٹیسلا اور ’ایکس‘ کے سربراہ کو چھوڑ کر دنیا کے 10 امیر ترین افراد کی مجموعی دولت قریباً 1.7 ٹریلین ڈالر ہے۔
یہ اعداد و شمار دنیا میں بڑھتی ہوئی مالی عدم مساوات کو ظاہر کرتے ہیں۔ مختلف غیر سرکاری تنظیموں کے مطابق امیر طبقہ تیزی سے مزید دولت مند ہو رہا ہے جبکہ غربت کی شرح قریباً وہی ہے جو 1990 میں تھی۔
ٹیسلا کا کہنا ہے کہ یہ پیکج کمپنی کے طویل المدتی اہداف کے مطابق ہے۔ جن میں آئندہ 10 سال میں 8.5 ٹریلین ڈالر کی مارکیٹ ویلیو اور 400 ارب ڈالر کا زیادہ سے زیادہ ای بی آئی ٹی ڈی اے حاصل کرنا شامل ہے۔
دولت کی غیرمنصفانہ تقسیم
آکسفیم نے 2024 میں پیش گوئی کی تھی کہ دنیا کا پہلا ٹریلینیئر اگلے عشرے میں سامنے آئے گا۔ ایک سال بعد اس پیش گوئی میں اضافہ کیا گیا، اب کہا گیا کہ پانچ ٹریلینیئر بن سکتے ہیں۔
رپورٹ کے مطابق صرف 2024 میں دنیا کے ارب پتی افراد کی دولت میں 2 ٹریلین ڈالر کا اضافہ ہوا، یعنی روزانہ قریباً 6 ارب ڈالر، اسی دوران ہر ہفتے 4 نئے ارب پتی افراد سامنے آئے۔
اس کے برعکس عالمی بینک نے خبردار کیا ہے کہ گزشتہ دہائی میں غربت کے خاتمے کی رفتار سست پڑ گئی ہے، جس کی ایک بڑی وجہ وبا کے اثرات اور عالمی معاشی بحران ہے۔ تاہم ماہرین کے مطابق جنگیں، ماحولیاتی تبدیلی اور پالیسی کی ناکامیاں بھی اس صورتحال کی ذمہ دار ہیں۔
مزید پڑھیں: مصنوعی ذہانت تمام نوکریاں ختم کر دے گی، ایلون مسک کا انتباہ
دولت پر ٹیکس کا عالمی مطالبہ
دنیا بھر کی حکومتیں اب اس بڑھتی ہوئی عدم مساوات کو روکنے کے لیے پالیسی اقدامات کے دباؤ میں ہیں، اور اس بحث کا بڑا حصہ ان ارب پتی افراد پر مرکوز ہے جو یا تو ٹیکس کم دیتے ہیں یا بالکل نہیں دیتے۔
اگر حصص یافتگان نے اجلاس میں اس پیکج کی منظوری دے دی تو ایلون مسک دنیا کے پہلے ٹریلینیئر بن سکتے ہیں۔ ایک ایسا سنگِ میل جو دولت، طاقت اور مساوات کے عالمی مباحثے میں ایک نئے باب کا آغاز کرےگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسپیس ایکس ایلون مسک ٹریلین ڈالر ٹیسلا سرمایہ دارانہ نظام وی نیوز
سپریم کورٹ آف پاکستان میں انتظامی تقرریاں، متعدد ڈپٹی رجسٹرارز کو اضافی چارجز تفویص