خیبرپختونخوا کے کئی شہروں میں زلزلے کے جھٹکے‘ شدت 5 ریکارڈ
اشاعت کی تاریخ: 24th, September 2025 GMT
data-id="863a0a8" data-element_type="widget" data-widget_type="theme-post-content.default">
250924-08-14
پشاور (مانیٹرنگ ڈیسک) خیبر پختونخوا کے دارالحکومت پشاور سمیت مختلف شہروں میں زلزلے کے جھٹکے محسوس کیے گئے، جس کی شدت ریکٹر اسکیل پر5 ریکارڈ کی گئی ہے۔ پشاور اور گردونواح کے علاوہ لنڈی کوتل، ملاکنڈ اور ضلع خیبر میں بھی جھٹکے محسوس کیے گئے، تاہم ان زلزلوں کی وجہ سے کسی قسم کا جانی نقصان نہیں ہوا۔ زلزلے کے جھٹکوں کے باعث لوگوں میں خوف و ہراس پھیل گیا اور لوگ خوف کے عالم میں کلمہ طیبہ کا ورد کرتے ہوئے گھروں اور دفاتر سے باہر نکل آئے۔ زلزلہ پیما مرکز کے مطابق زلزلے کی شدت 5 ریکارڈ کی گئی ہے جبکہ زلزلے کی گہرائی 20 کلومیٹر تھی اور اس کا مرکز جنوبی افغانستان تھا۔
ذریعہ: Jasarat News
پڑھیں:
دنیا کا انوکھا ریکارڈ، شخص نے سب سے طویل نام رکھ کر گنیز بک میں جگہ بنالی
data-id="863a0a8" data-element_type="widget" data-widget_type="theme-post-content.default">
آسٹریلیا سے تعلق رکھنے والے شہری لارنس واٹکنز نے دنیا کا سب سے طویل نام پڑھ کر ایک منفرد ریکارڈ قائم کر دیا۔ ان کے نام میں 2 ہزار 251 درمیانی نام شامل ہیں، اور انہیں اپنا مکمل نام پڑھنے میں ایک گھنٹے سے زائد کا وقت لگا۔
غیر ملکی میڈیا کے مطابق لارنس واٹکنز نے مارچ 1990ء میں قانونی طور پر اپنا نام تبدیل کرایا تھا تاکہ وہ 2 ہزار 253 الفاظ پر مشتمل نام کے ساتھ دنیا کا سب سے طویل نام رکھنے والا شخص بن سکیں۔ گنیز ورلڈ ریکارڈ کے مطابق، یہ نام دنیا بھر میں اپنی نوعیت کا واحد ریکارڈ ہے۔
واٹکنز نے بتایا کہ اپنی شادی کی تقریب کے دوران نکاح خواں کو ان کا مکمل نام پڑھنے میں 20 منٹ لگے تھے، تاہم گنیز ورلڈ ریکارڈز کے لیے بنائی گئی ویڈیو میں جب انہوں نے خود اپنا پورا نام پڑھا تو یہ عمل ایک گھنٹے سے بھی زیادہ وقت میں مکمل ہوا۔
ان کا نام “لارنس ایلون ایلوئس ایلوئسیئس ایلفیج ایلون الوریڈ الوِن الیسینڈر ایمبی ایمبروز…” سے شروع ہوتا ہے، جو صرف حرف “اے” سے شروع ہونے والے ناموں کی ایک جھلک ہے۔
واٹکنز کے مطابق، انہیں بچپن سے ہی انوکھے اور غیر معمولی ریکارڈز میں دلچسپی تھی، اسی جذبے کے تحت انہوں نے گنیز ورلڈ ریکارڈ کی کتاب کا مطالعہ کیا اور فیصلہ کیا کہ وہ دنیا کے سب سے طویل نام کا ریکارڈ بنائیں گے۔
انہوں نے بتایا کہ اس مقصد کے حصول میں انہیں عدالتی کارروائیوں اور دستاویزی مراحل سے گزرنا پڑا۔ ان کے اس اقدام کے بعد آسٹریلیا میں نئے قوانین منظور کیے گئے تاکہ کوئی دوسرا شہری ان کا ریکارڈ نہ توڑ سکے۔
لارنس واٹکنز نے کہا کہ ان کے ناموں میں سب سے پسندیدہ نام “AZ2000” ہے، جس کا مطلب ہے “اے سے زیڈ تک دو ہزار نام”۔
قال اللہ تعالیٰ و قال رسول اللہ ﷺ