ہم جانتے ہیں فائنل میں کیا کرنا ہے، ہم تیار ہیں، سلمان آغا
اشاعت کی تاریخ: 26th, September 2025 GMT
پاکستانی ٹی ٹوئنٹی ٹیم کے کپتان سلمان آغا نے کہا ہے کہ ہم جانتے ہیں ہم نے فائنل میں کیا کرنا ہے، ہم تیار ہیں۔
دبئی میں کھیلے گئے سپر فور مرحلے کے انتہائی اہم میچ میں بنگلادیش کو 11 رنز سے ہرانے کے بعد گرین شرٹس نے ایشیا کپ کے فائنل کیلئے کوالیفائی کرلیا ہے جہاں اس کا مقابلہ روایتی حریف بھارت سے ہوگا۔
میچ کے بعد بات کرتے ہوئے کپتان سلمان علی آغا نے کہا کہ اگر آپ ایسے میچز جیتیں تو آپ واقعی خاص ٹیم ہیں۔
ان کا کہنا تھا کہ جس طرح بولرز نے بولنگ کی اور فیلڈر نے فیلڈنگ میں کارکردگی دکھائی وہ بہترین ہے۔
سلمان علی آغا نے کہا کہ شاہین آفریدی نے ابتدا سے بنگلا دیشی بلے بازوں پر دباؤ ڈالا۔
Post Views: 2.ذریعہ: Daily Mumtaz
پڑھیں:
شان مسعود 27-2025 ورلڈ ٹیسٹ چیمپیئن شپ تک پاکستان کے کپتان برقرار
معروف اسپورٹس ویب سائیٹ کرک انفو کے مطابق پاکستان کرکٹ بورڈ (پی سی بی) نے اعلان کیا ہے کہ شان مسعود آئندہ ورلڈ ٹیسٹ چیمپیئن شپ (WTC) 2025-27 میں بھی قومی ٹیسٹ ٹیم کی قیادت جاری رکھیں گے۔
کرک انفو رپورٹ کے مطابق پی سی بی چیئرمین محسن نقوی سے ملاقات کے بعد یہ فیصلہ کیا گیا، جس میں ہیڈ کوچ اظہر محمود بھی شریک تھے۔
خبر کے مطابق شان مسعود اور اظہر محمود کو ٹیسٹ ٹیم کے حوالے سے ’فری ہینڈ‘ دیا گیا ہے، تاہم انتخابی کمیٹی میں کپتان اور کوچ شامل نہیں ہوں گے۔ موجودہ سلیکشن کمیٹی میں علیم ڈار، عاقب جاوید، اسد شفیق اور اظہر علی شامل ہیں۔
چئیرمین پاکستان کرکٹ بورڈ محسن نقوی سے پاکستان ٹیسٹ ٹیم کے کپتان شان مسعود اور کوچ اظہر محمود کی ملاقات
جنوبی افریقہ کے خلاف ٹیسٹ سیریز کی تیاریوں کے سلسلے میں گفتگو
ٹیسٹ ٹیم کے حوالے سے کپتان شان مسعود اور کوچ اظہر محمود کو فری ہینڈ
جنوبی افریقہ کے خلاف ٹیسٹ سیریز کے… pic.twitter.com/fJi4xelG7W
— PCB Media (@TheRealPCBMedia) September 23, 2025
شان مسعود کی قیادت میں گزشتہ ورلڈ ٹیسٹ چیمپیئن شپ (WTC) 2023-25 میں پاکستان پوائنٹس ٹیبل میں آخری نمبر پر رہا۔ اس دوران قومی ٹیم نے 12 میں سے 9 میچ ہارے۔
تاہم کپتان نے بیٹنگ میں کچھ نمایاں اننگز کھیلیں، جن میں انگلینڈ کے خلاف ہوم سیریز اور جنوبی افریقہ کے خلاف سنچورین میں کھیلی گئی شاندار سینچریاں شامل ہیں۔ کپتان کے طور پر ان کی بیٹنگ اوسط ماضی کے مقابلے میں بہتر رہی ہے۔
شان مسعود کو حالیہ کھلاڑیوں کے معاہدوں میں ’بی‘ کیٹیگری سے ’ڈی‘ کیٹیگری میں تنزلی کا سامنا کرنا پڑا تھا، جس کے بعد ان کے مستقبل کے حوالے سے قیاس آرائیاں کی جا رہی تھیں۔ اس تناظر میں پی سی بی کا یہ اعلان ان کے کیریئر کے لیے نیا موڑ ثابت ہو سکتا ہے۔
شان مسعود کی قیادت میں پاکستان کا پہلا امتحان اکتوبر میں ہوگا، جب دفاعی چیمپیئن جنوبی افریقہ 2 ٹیسٹ میچوں کے لیے پاکستان کا دورہ کرے گا۔
پاکستان کرکٹ بورڈ کی تردید
پی سی بی نے ان خبروں کی سختی سے تردید کی ہے کہ پاکستان کرکٹ بورڈ ون ڈے کیلئے محمد رضوان کی جگہ سلمان علی آغا کو کپتان بنانے اور ٹیسٹ میچںز میں شان مسعود کی جگہ سعود شکیل کو کپتان بنانے پر غور کر رہا ہے۔ تا حال نہ تو سلیکشن کمیٹی میں یہ معاملہ زیر غور…
— PCB Media (@TheRealPCBMedia) August 25, 2025
واضح رہے کہ شان مسعود کی کیٹیگری بدلنے پر پاکستان کرکٹ بورڈ نے ان وائرل خبروں کی سختی سے تردید کی تھی کہ ون ڈے ٹیم کے لیے محمد رضوان کی جگہ سلمان علی آغا یا ٹیسٹ ٹیم کے لیے شان مسعود کی جگہ سعود شکیل کو کپتان بنانے پر غور کیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپورٹس ویب سائیٹ کرک انفو پاکستان کرکٹ بورڈ پی سی بی شان مسعود ورلڈ ٹیسٹ چیمپیئن شپ
میانوالی: نامعلوم افراد کا الیکٹرک بس پر پتھراؤ، شیشے توڑ دیے