سندھ ہائیکورٹ،پولیس کی حراست سے شہری کی گمشدگی پر جواب طلب
اشاعت کی تاریخ: 27th, September 2025 GMT
data-id="863a0a8" data-element_type="widget" data-widget_type="theme-post-content.default">
250927-08-26
کراچی (اسٹاف رپورٹر) عدالت نے پولیس کی تحویل سے شہری عمران خانزادہ کی گمشدگی سے متعلق درخواست پر فریق کو نوٹس جاری کرتے ہوئے 13 اکتوبر تک جواب طلب کر لیا۔سندھ ہائیکورٹ میں پولیس کی تحویل سے شہری عمران خانزادہ کی گمشدگی سے متعلق درخواست کی سماعت ہوئی۔درخواست گزار یحییٰ خان کے مطابق اے وی ایل سی کی ٹیم نے26 اگست کو عمران خانزادہ اور اس کے کزن حبیب الرحمن کو حراست میں لیا تھا۔ایڈووکیٹ حیدر امام نے عدالت کو بتایا کہ سب انسپکٹر جہانگیر نے رہائی کے عوض 25 لاکھ روپے رشوت طلب کی۔ بعد ازاں مجسٹریٹ نے تھانے پر چھاپا مار کر حبیب الرحمن کو بازیاب کرا لیا تاہم پولیس نے مؤقف اختیار کیا کہ عمران خانزادہ دوسرے تھانے کی تحویل میں ہے۔درخواست گزار کے وکیل کے مطابق مختلف تھانوں کے چکر لگانے کے باوجود عمران خانزادہ کا کچھ پتا نہیں چل سکا۔بعدازاں عدالت نے ایس ایچ او اے وی ایل سی کے خلاف مقدمہ درج کرنے کا حکم دیا اور شہری کی بازیابی سے متعلق درخواست پر سیکرٹری داخلہ، آئی جی سندھ، ایس ایس پی ایسٹ، اے وی ایل سی کے سب انسپکٹر جہانگیر، ایس ایچ او مبینہ ٹاؤن اور ایس ایچ او سہراب گوٹھ کو نوٹس جاری کرتے ہوئے فریقین سے جواب طلب کر لیا۔
ذریعہ: Jasarat News
پڑھیں:
واساکااقدام، جگہ جگہ سڑک کھود کر گھڑے ڈال دیے ،شہری پریشان
data-id="863a0a8" data-element_type="widget" data-widget_type="theme-post-content.default">
250926-5-9
فیصل آباد(وقائع نگارخصوصی)جماعت اسلامی کے رہنمااورسابق یو سی ناظم وچیئرمین سی سی28گلستان کالونی ،ممبرامن کمیٹی میاںطاہر ایوب نے کہاہے کہ واسا نے گزشتہ ماہ کی بارش کے بعد ملت روڈپر گرین ٹاؤن تک سڑک کو کھود کر جگہ جگہ گھڑے ڈال دیے ہیں۔واسا نے کھدائی تو شروع کر دی لیکن نہ تو بروقت کام مکمل کیا اور نہ ہی ٹریفک کے بہاؤ کو مدنظر رکھا جس کی وجہ سے اسکول و دفاتر جانے والے افراد روزانہ اذیت سہنے پر مجبور ہیں۔ واسا کی ناقص منصوبہ بندی اور غفلت کے باعث ٹریفک کا گزرنا محال ہوگیا ہے۔ شہری کئی کئی گھنٹے ٹریفک میں پھنسے رہنے پر مجبور ہیں جبکہ متبادل راستہ بھی نہیں ہے۔ انہوںنے کہا کہ ٹریفک پولیس بھی مکمل طور پر لاپرواہی کا مظاہرہ کر رہی ہے۔ٹریفک پولیس کی غفلت نے صورتحال کو مزید سنگین بنا دیا ہے۔ کسی قسم کی ٹریفک مینجمنٹ نہ ہونے کے سبب شہری خود کو بے یار و مددگار محسوس کرتے ہیں۔ سکولوں اور دفاترسے چھٹی کے وقت گاڑیوں کی لمبی قطاریں لگ جاتی ہیں اور عوام کو شدید ذہنی و جسمانی پریشانی کا سامنا ہے۔انہوں نے کہاکہ ٹریفک کا نظام درہم برہم ہے اور گھنٹوں کی ٹریفک جام معمول بن چکا ہے۔ واسا کی سست روی اور غیر سنجیدہ رویے کی وجہ سے ان کی روزمرہ زندگی اجیرن ہو گئی ہے۔ کاروباری حضرات کا نقصان الگ اور اسکول و دفاتر جانے والے افراد شدید اذیت کا شکار ہیں۔ انہوںنے حکومت پنجاب اور اعلیٰ حکام سے مطالبہ کیا ہے کہ واسا اور ٹریفک پولیس کی غفلت کا نوٹس لیا جائے اور جاری کام کو ہنگامی بنیادوں پر مکمل کیا جائے تاکہ عوام کو اس اذیت ناک صورتحال سے نجات مل سکے۔
بلاول بھٹو عوامی خدمت کے سفر میں مضبوط رہنما کے طور پر سامنے آئے، رومہ مشتاق مٹو