جلد خیبر پختونخوا میں بھی سیاسی تبدیلی آئے گی اور ترقی کا نیا دور شروع ہوگا،امیرمقام
اشاعت کی تاریخ: 28th, September 2025 GMT
وفاقی وزیر اور صدر مسلم لیگ (ن) خیبر پختونخوا انجینئر امیر مقام نے کہا ہے کہ ملک اور صوبے کی ترقی و خوشحالی مسلم لیگ (ن) کی اولین ترجیح ہے۔ وہ زوم کے ذریعے مسلم لیگ (ن) یوتھ ونگ چارسدہ کے یوتھ کنونشن سے خطاب کر رہے تھے۔
انہوں نے کامیاب کنونشن کے انعقاد پر یوتھ ونگ چارسدہ کو مبارکباد دیتے ہوئے نوجوانوں کے جوش و جذبے کو سراہا اور کہا کہ یہی نوجوان پاکستان کا اصل سرمایہ ہیں۔ ان کا کہنا تھا کہ مسلم لیگ (ن) انسانیت سے محبت اور عوامی خدمت کے جذبے کو فروغ دینے کے مشن پر گامزن ہے۔
انجینئر امیر مقام نے بعض سیاسی عناصر پر تنقید کرتے ہوئے کہا کہ کچھ لوگ صرف پروپیگنڈہ پھیلا کر عوام کو گمراہ کرنے کی کوشش کر رہے ہیں، جب کہ مسلم لیگ (ن) کا ایجنڈا واضح اور دو ٹوک ہے — “ترقی، خوشحالی اور عوامی فلاح”۔
انہوں نے کہا ملک نے قائد نواز شریف کی قیادت میں ہمیشہ ترقی کی راہ اپنائی ہے اور آج وزیراعظم شہباز شریف، مریم نواز اور پارٹی قیادت کی قیادت میں یہی سفر جاری ہے۔
امیر مقام نے کہا کہ جلد خیبر پختونخوا میں بھی سیاسی تبدیلی آئے گی اور ترقی کا نیا دور شروع ہوگا۔ انہوں نے یوتھ ونگ کے کارکنان کی کارکردگی کو سراہتے ہوئے کہا کہ مسلم لیگ (ن) کا پیغام گھر گھر پہنچانا قابلِ تحسین ہے، اور یہی شعور سیاسی تبدیلی کا پیش خیمہ بنے گا۔
انہوں نے اس بات پر زور دیا کہ سیلاب متاثرین کو تنہا نہیں چھوڑا جائے گا۔وفاقی حکومت متاثرین کے ساتھ کھڑی ہے، اور وزیراعظم شہباز شریف ذاتی طور پر گلگت بلتستان سمیت پورے ملک میں صورتحال کی نگرانی کر رہے ہیں۔
کنونشن میں مسلم لیگ (ن) یوتھ ونگ کے مرکزی سیکرٹری اطلاعات علی خان یوسفزئی، سمیع اللہ برکی (صوبائی یوتھ آرگنائزر)، بابر سلیم خان (یوتھ کوآرڈینیٹر پرائم منسٹر یوتھ پروگرام)، ارشاد علی خان (جنرل سیکرٹری صوبائی یوتھ)، انور خان، سجاد خان، عابد حسین خان، میاں معین شاہ سمیت پارٹی کارکنوں کی بڑی تعداد نے شرکت کی۔
ذریعہ: Daily Mumtaz
کلیدی لفظ: یوتھ ونگ مسلم لیگ انہوں نے کہا کہ
پڑھیں:
بنوں اورلکی مروت میں آپریشن، 7 دہشت گرد ہلاک
تختی خیل؍ ہوید میں خوارج کی تشکیل کی موجودگی پر پولیس اور سی ٹی ڈی کیمشترکہ کارروائیاں
آپریشن کے دوران پولیس اہلکار محفوظ رہے،آئی جی پی خیبر پختونخوا کی پولیس اہلکاروں کو شاباش
خیبر پختونخوا کے ضلع بنوں اور لکی مروت میں پولیس اور سی ٹی ڈی نے مشترکہ کامیاب کارروائیوں میں 5دہشت گردوں کو ہلاک کردیا۔ رپورٹ کے مطابق ضلع بنوں اور لکی مروت کے سرحدی علاقے تختی خیل؍ ہوید میں فتنہ الخوارج کی تشکیل کی موجودگی پر ضلعی پولیس اور سی ٹی ڈی نے مشترکہ کامیاب کارروائیاں کیں ۔ آپریشن کے دوران پولیس کو عوام کی بھر پور امداد حاصل رہی، ریجنل پولیس افسر بنوں سجاد خان کی براہ راست نگرانی میں آپریشن جاری رہا۔ کامیاب آپریشن میں اب تک 5 دہشتگرد ہلاک کردیے گئے جب کہ پولیس اہلکار محفوظ رہے، اہل علاقہ نے کہا کہ عوام کی بڑی تعداد پولیس کے شانہ بشانہ موجود، مٹی کے امن کیلئے خیبرپختونخواہ پولیس کے غیور جوانوں کے ساتھ ہیں۔ ریجنل پولیس آفیسر بنوں سجاد خان نے کہا کہ امن و امان کے قیام اور عوام الناس کی حفاظت کیلئے خیبرپختونخوا پولیس کے جوان ہر دم تیار ہیں۔ آئی جی پی خیبر پختونخوا ذوالفقار حمید نے لکی؍بنوں پولیس کو شاباش دی۔
کراچی: متعدد مقدمات میں مطلوب فتنہ الخوارج کا ملزم گرفتار، اسلحہ برآمد