مودی نےسیاست بچانے کیلئےکرکٹ کی اسپرٹ تباہ کردی، خواجہ آصف
اشاعت کی تاریخ: 29th, September 2025 GMT
وزیر دفاع خواجہ آصف نے ایشیا کپ کے دوران بھارت کے غیر کھیلوں کے رویے پر شدید ردعمل کا اظہار کرتے ہوئے کہا ہے کہ نریندر مودی نے اپنی سیاست بچانے کے لیے کرکٹ کی روح اور اسپرٹ کو تباہ کر دیا ہے۔ انہوں نے سوشل میڈیا پر جاری بیان میں کہا کہ مودی کرکٹ کے کلچر اور روایتی اسپرٹ کو روند کر نہ صرف اپنی سیاسی ساکھ بچانے کی ناکام کوشش کر رہا ہے بلکہ برصغیر میں امن اور تعلقات کی بہتری کے تمام امکانات بھی ختم کر رہا ہے۔ خواجہ آصف نے طنزیہ انداز میں کہا کہ عزت طاقت سے نہیں بلکہ بردباری اور کھیل کی روایات کے احترام سے بحال ہوتی ہے۔ انہوں نے مزید کہا کہ پاک بھارت جنگ کا اسکور 6-0 ہے جو تاریخ میں پتھر پر کندہ ہو چکا ہے، ہم تو خاموش ہیں لیکن دنیا دیکھ رہی ہے کہ مودی خود کو بھارت میں بھی رسوا کر رہا ہے اور عالمی سطح پر بھی۔ واضح رہے کہ ایشیا کپ کے دوران بھارتی ٹیم نے مسلسل کھیل کے آداب کی خلاف ورزی کی، پاکستانی کھلاڑیوں سے ہاتھ ملانے سے گریز کیا، کپتانوں کی ٹرافی تصویر لینے سے انکار کیا اور آخر میں صدر ایشین کرکٹ کونسل محسن نقوی سے ٹرافی لینے سے صاف انکار کر دیا۔ بھارتی ٹیم کی ہٹ دھرمی کی وجہ سے دبئی اسٹیڈیم میں فائنل کی اختتامی تقریب تاخیر کا شکار ہوئی اور بالآخر ٹرافی واپس لے جائی گئی۔ یہ صورتحال نہ صرف کھیل کی روح بلکہ علاقائی سفارتی ماحول کے لیے بھی نقصان دہ ہے اور ماہرین کا کہنا ہے کہ اگر بھارت اسی رویے پر قائم رہا تو کھیل سیاست کا شکار ہو کر اپنا مقصد کھو بیٹھے گا۔
ذریعہ
ذریعہ: Daily Mumtaz
پڑھیں:
مقبوضہ کشمیر میں تیز بارشیں، بھارت نے پانی کا بڑا ریلہ پاکستان کی جانب چھوڑ دیا
مظفر آباد(ڈیلی پاکستان آن لائن)مقبوضہ کشمیر میں تیز بارشوں کے بعد بھارت نے پانی کا بڑا ریلہ پاکستان کی جانب چھوڑ دیا ہے۔بھارت نے مقبوضہ کشمیر میں ہونے والی تیز بارشوں کے بعد سلال ڈیم کے تمام گیٹ کھولے دیے اور پانی کا بڑا ریلہ پاکستان کی جانب چھوڑ دیا۔
بھارت کی جانب سے پانی چھوڑے جانے کے بعد پاکستان میں بڑے سیلاب کا خدشہ ہے اور اس حوالے سے سیالکوٹ اور وزیرآباد کے علاقوں میں سیلابی صورتحال پر ہائی الرٹ جاری کیا گیا ہے۔محکمہ ایریگیشن پنجاب کے مطابق سلال ڈیم کےگیٹ کھلنے سے دریائے چناب میں پانی کی سطح بلند ہونےلگی ہے ریلا آئندہ 48 گھنٹوں میں دریاِئے چناب وزیرآباد پہنچنے کا امکان ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار