مودی سرکار کی کینیڈا اور امریکا میں مبینہ مداخلت پر نئے انکشافات
اشاعت کی تاریخ: 17th, November 2025 GMT
کینیڈا اور امریکا میں بھارتی سرکاری اور حکومتی حکام کی مبینہ مداخلت پر نئے انکشافات سامنے آئے ہیں۔
میڈیا رپورٹس کے مطابق انٹرسیپٹڈ کمیونی کیشنز میں بھارتی حکومت کے ملوث ہونے کے شواہد سامنے آ گئے ہیں۔
ماہرین کا کہنا ہے بھارت کی ریاستی دہشت گردی اب بین الاقوامی سرحدوں کو پار کر چکی ہے۔ بھارت میں انتہا پسند ہندوتوا سوچ نے ریاستی اداروں کو زہریلا کر دیا ہے۔
مودی،امیت شاہ قیادت کے دور میں بھارت ایک غیر ذمہ دار اور جارح ریاست میں تبدیل ہو چکا ہے۔ بھارتی حکومت بیرون ملک مخالف آوازوں کو خاموش کرانے کیلئے خفیہ کارروائیوں میں ملوث پائی گئی۔ کینیڈا میں سکھ رہنما کے قتل اور امریکا میں ناکام حملے کا الزام بھارتی ایجنسیوں پر عائد کیا گیا ہے۔
ماہرین کا کہنا ہے کہ یہ سفارت کاری نہیں، یہ سرحد پار دہشت گردی ہے۔ بھارت اب اپنے ناقدین اور اقلیتوں کو بیرون ملک بھی نشانہ بنا رہا ہے۔ عالمی برادری کو بھارت کے بڑھتے ہوئے ریاستی تشدد پر فوری نوٹس لینا چاہیے۔
ماہرین کا یہ بھی ماننا ہے کہ بھارت بین الاقوامی دہشت گردی کی آماجگاہ بن چکا ہے۔
.ذریعہ: Express News
پڑھیں:
خیبرپختونخوا میں دہشت گردی خود ساختہ ہے، وزیراعلیٰ سہیل آفریدی
وزیر اعلیٰ خیبرپختونخوا محمد سہیل آفریدی نے صوبے میں جاری ترقیاتی منصوبوں اور توانائی کے شعبے سے متعلق بات کرتے ہوئے کہا کہ خیبرپختونخوا میں دہشت گردی خود ساختہ ہے اور وفاق کی جانب سے این او سی اور فنڈز کی کمی کی وجہ سے صوبے کی ترقی متاثر ہو رہی ہے۔
لوئردیر میں 41 میگاواٹ بجلی پیدا کرنے کی صلاحیت رکھنے والے کوٹو ہائیڈیل پاور پراجیکٹ کے افتتاح کے موقع پر وزیراعلیٰ نے کہا کہ صوبے میں سستی بجلی پیدا کرنے کی بڑی صلاحیت موجود ہے اور سابق بانی حکومت کے شروع کردہ منصوبے صوبے کی ترقی کے لیے اہم بنیاد ہیں۔
انہوں نے کہا کہ ترقیاتی منصوبوں کے لیے این او سی نہ ملنے اور وفاق کی طرف سے 3 ہزار ارب روپے کی ادائیگی نہ ہونے کی وجہ سے خیبرپختونخوا اقتصادی مشکلات کا شکار ہے۔ ان کا کہنا تھا کہ صوبے کو تجربہ گاہ بنا دیا گیا ہے، اور وفاق کی بروقت معاونت سے صوبہ ترقی کی راہ پر گامزن ہو سکتا ہے۔
کوٹو ہائیڈرو پاور پراجیکٹ 21.7 ارب روپے کی لاگت سے مکمل ہوا ہے اور اس سے سالانہ 207 ملین یونٹس بجلی پیدا ہوگی، جس سے 2.4 ارب روپے سالانہ آمدنی متوقع ہے۔ اس کے علاوہ وزیر اعلیٰ نے 1.5 ارب روپے کی لاگت سے 18.5 کلومیٹر لمبی تورمنگ رازگرام روڈ کا بھی افتتاح کیا۔
سہیل آفریدی نے کہا کہ صاف اور سستی توانائی کے یہ منصوبے روزگار کے فروغ اور صنعتی ترقی میں اہم کردار ادا کریں گے۔ صوبے کی پہلی پاور ٹرانسمیشن لائن بچھائی جا رہی ہے جو 11 ہائیڈرو منصوبوں کی پیداوار کو صنعتوں تک پہنچانے میں مددگار ثابت ہوگی۔
انہوں نے بتایا کہ مقامی پاور ہاؤسز سے پیدا ہونے والی بجلی صنعتوں کو رعایتی نرخوں پر فراہم کی جائے گی اور صوبائی حکومت اپنے ڈسٹری بیوشن سسٹم کے لیے مکمل سپورٹ فراہم کرے گی۔
وزیر اعلیٰ نے کہا کہ صوبے کے قدرتی وسائل پر سب سے پہلا حق یہاں کے عوام کا ہے، لیکن غیر ملکی انجینیئرز کے منصوبوں کے لیے این او سی نہ ملنے کی وجہ سے اربوں روپے مالیت کے اہم منصوبے تاخیر کا شکار ہو رہے ہیں، جس کا نقصان نہ صرف خیبرپختونخوا بلکہ پورے ملک کو ہو رہا ہے۔
انہوں نے مزید کہا کہ عمران خان کے دل میں عوام کے لیے درد ہے اور ان کے شروع کردہ تمام منصوبے عوام کی بھلائی کے لیے ہیں، چاہے افتتاح کے وقت حکومت کسی کی بھی ہو۔
3 لاپتا افراد کیس: سندھ حکومت، ڈی جی رینجرز سے جواب طلب